කමෙන්ට් ගෝල් 50
"අයියේ නොකා හිටියා කියලා දැන් ප්‍රශ්න විසඳෙනවාද? අයියේ... අනේ ඔහොම ඉන්න එපා. අයියේ මගෙ දිහා බලන්නකො අයියේ.. අපි ඇතුලට ගිහින් කෑම ටිකක් කමුකො. අයියෙ ඔයා කාලා නෑ හරියට දවස් ගානක්. අනේ අයියෙ මම වඳින්නම් ඇතුලට යන්"
අහර්ශ මූද ගාව ඉඳගෙන ඔහේ බලාගෙන ඉන්න සෙනේෂ්ගෙ අතින් අදින ගමන් කියනකොට සෙනේෂ් අහර්ශ දිහා බලලා ඔලුව අත ගෑවේ යන්තම් හිනාවක් නගා ගත්තත් ඇස් වල දුක පුරෝන.
"උඹ ඇතුලට ගිහින් ටිකක් රෙස්ට් කරන්න මල්ලි. අයියා එන්නම්. ශයාන් මල්ලි , මල්ලිව එක්කගෙන පලයන්කො ඩිංගක් ඇතුලට..."
අහර්ශ ගෙ ඔලුව අත ගාලා සෙනේෂ් කියලා ආයෙම මූද දිහා බලා ගත්තා. ගිනි මධ්‍යහනයේ මූද අයිනට වෙලා හූල්ලන සෙනේෂ් අහර්ශ උන්නු නිසා කඳුලු පාලනේ කර ගත්තෙ බොහොම අමාරුවෙන්. මනෝහර නැති වෙලා අදට දවස් තුනක් වෙච්චි. පොලිසියටවත් ඒකා කොහෙ ඉන්නවාද කියලා හොයා ගන්න බැරි කොට සෙනේෂ් උන්නෙ අවීචියේ ලෝදිය කටාරමකට බැස්සුව ගානට පිච්චි පිච්චී. මනෝහර ගැන ආරංචිය ලැබුනු සැනින් අහර්ශයි ශයානුයි කොලඹ ඉඳන් මිරිස්සට ආවා වගේම , ඒකලා එක්ක එල්ලිලා වන්දීතුත් ආවේ අහර්ශගෙන් ආරංචිය දැනගෙන. ඒත් උන් ආවා කියලා මක්ක කරන්නද?
සෙනේෂ් එක්ක ෂූටින් කරපු කන්ඩායමත් ඒකාට සහය දෙන්න දෙන්න නතර වෙනකොට ඒ හැමෝම එක්කලා බලන්න පුලුවන් හැම තැනම පීරලා හෙව්වත් මනෝහරයෙක් හිටියෙ නැතුවා.
තමන්ගෙ ඇඳුම් එක්කලා මූදු වතුරට හෝදගෙන යනකොට සෙනේෂ් මූද දිහා බලාන දිවා රෑ නොබලා හීල්ලුවා.
' මගෙ රත්තරන්... උඹ කොහෙද මගෙ රත්තරන්. මනෝහර.. මගෙ මනෝහර. මම කොහොම අමතක කරන්නද උඹ එදා හවස මයෙ මහත්තයෝ ගාලා කෑ ගහපු සද්දේ.. ඊට පස්සෙ ඇහුනු වෙඩි සද්දේ... මගෙ මනෝහරව කොහෙද එක්කගෙන ගියේ... දෙයියනේ මගෙ අහිංසකයාට ඇයි මෙහෙම කලේ... කාටවත් වරදක් නොකරපු මගෙ අහිංසකයා. සතෙක්ටවත් කරදර නොකරපු මගෙ අහිංසකයා. මේ ලෝකෙ දෙයියො බුදුන් නැද්ද? ඇයි මගෙ අහිංසකයා මට නැති කලේ... උඹ හොඳින් ඉන්නවාද මනෝහර? උඹට මොකද උනේ මගෙ මනෝහර....'
YOU ARE READING
_මනෝහර_ (completed)
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
