لم يفت الآوان

الفصل التاني عشر:

Meno💎💕:
الفصل 12 :

:"حلمي تحطم": ...

-دكتور طمنا هو عامل أيه
-الحمد لله تعدي مرحلة الخطر بس لازم نعمل أشعة عشان نطمن
-طب ينفع أدخل أطمن عليه
- مفيش مشكلة

***
-وسعوا يا جماعة لو سمحتو بسرعة
دخل مراد غرفة العمليات
شعرت مروة بأنها السبب بكل ما يحدث له ولكن حين رأت نغم ألقت عليها اللوم
-مروة هو ايه الي حصل
-مهو كله من تحت راسك دكتور  مراد كان بيدافع عني لما شاف الحيوان جوزك كان عايز يضربني ف نص الشارع
عشان عايز يعرف مكانك

شعرت بأن كل شيئ من حولها يدور... الخطر يقترب منها
لم تكن تريد أن تسبب مشاكل لأي أحد منهم لذا قررت الرحيل

-نغم  رايحة فين
-أنا ماشية يا مروان كفاية أوي الي حصل لحد كدة
-مش بعد كل دا ينغم انا قدمت بلاغ ضده وهيتقبض عليه كدة كدة
-بس دا مش هيغلب ممكن يهرب
-وأحنا ربنا معانا الي أقوى منه ومن اي حد ...تعالي نطمن علي محمود ...ومراد كمان زي بعضه
***

ليلي كانت تقرأ قرآن بجوار محمود بينما قاطعها مصطفي
-الحقي بسرعة دا بيفتح عنيه
-الحمد لله أنت كويس يا محمود حمدلله ع السلامة
-انا مش حاسس بأي حاجة هو انا لسا عايش
-ابتسمت :اه الحمد لله بس دراعك أتكسر ....قالتها  بآسي.....
استني هجيبلك تاكل
-ايه دا  هتأكليني بنفسك متأكدة إنك ليلي
-دا بس عشان لو أخواتي جم فجأة مش أكتر
-ليلي أنت طيبة أوي بجد
-عشان بأكلك..
-لا ولله من أول ما شوفتك وأنا عارف أنك طيبة وخصوصا أنهاردة شوفت القلق الي كان باين عليكي وأكدلي أنك طيبة اوي وجدعة
-طب ايه مش هتشوفلي عريس
تجاهل ما قالته
بسخرية
دخل مروان بعد ما أستأذن هو ونغم

-حمد لله ع السلامة ايه ياعم لازم تخضنا عليك ياعني
-الله يسلمك يا  مروان أنا الحمد لله اهو كويس أختك بس الي بتحب تأڤور
-أنت أدري بقي.. بس متقلقش الي عمل كدة مش هيبات غير ف الحجز أطمن
-هو دا يبقي...
-أيوة طليقي للأسف هو السبب ف كل دا
-لا لا لو كدة فداكوا عادي  بجد  ربنا بيحبك..
-الحمد لله هروح اطمن علي مراد  دكتور مروة ف الكلية وهبقي اجيلكوا
-نظرت له ليلي بأستغراب  فشرح لها مروان ما حدث لمراد
**
مر يومان وذهبوا أخيرا للمنزل..
ممكن أكتب حاجة ع الجبس
قالها مصطفي وهو متحمس
-ماشي وليلي كمان
-لا أنا عايزة أشوفه بس هيكتب أيه ..
رسم  قلب وفي جهة اليمين حرف الميم وعلي اليسار لام وبداخل القلب أسمه
-حلوة أوي دي مش عايزة تكتبي حاجة يا ليلي
-لا بس ..ممكن ارسملك رسمة
رسمته بشعر مبعثر وأذنين طويلة بطريقة طفولية :دا أنت ..ثم ركضت  مسرعة خارج الغرفة وهي تضحك ومعها مصطفي ...
-ماشي يا ليلي بستغلي فرصة أني متكتف أنا هوريكي
...
وقرر أن يعلمها الطبخ ..
-بصي بقي عقبال ما أفك الجبس اعلمك حاجة مفيدة تبقي تفتكريني بيها
-ماشي
بدأ يعطيها تعلمات وبدأ معها من نقطة الصفر
-يلا قلبي المكرونة بالمعلقة... مش كدة بصي
امسك يدها بالملعقة ليعلمها
-طب يعني لازم تمسك ايدي !
-أكيد مش بتلكك يعني أنا بوريكي مش أكتر
-مااشي
تزوق بالملعقة ثم أعطاها إيها قالت:
-الله  طبخي حلو اتصدق
- عرفة بمناسبة التلاكيك وكدة عرفة أنك كدة بوستيني بطريقة غير مباشرة
-ضحكت :أيه العبث الي بتقوله دا
-ولله مش بهزر أنتي كلتي من نفس المعلقة الي كلت بيها دا معناه أنك هتجري وراية
-ماشي إن شاء الله..انت أنسان غريب علي فكرة
-أكيد مش أغرب منك
انت كنتي طول السنين الي فاتت دي بتاكلي ازاي
-كنت صراحة بخلي سارة  تشتريلي واحاسبها يا اما بشتري جاهز او بتغدي برة واعمل حاجة خفيفة اكلها
-طب شوفتي أنا كدة ...
انسكب علي يدها ماء ساخن من الاناء
-ااه ايدي اتسلخت
-اهدي استني خدي امسكي تلج عقبال ما اجيبلك كريم او اي حاجة... خليها تحت الماية
شوية وايدك هتروق متقلقيش
-مش قادرة الوجع بيزيد
قبل يدها
-أنت بتعمل أيه !
-راقت كدة
ضحكت بعفوية: وجعتني أكتر تصدق
***

-مروة... أعدلي رقابتك  روحي احسن ارتاحي
-ارتاح ايه بس... انت كويس انت بجد كويس
-اه متقلقيش،الحمد لله
ظلت تعتذر له عما حدث وأكدتله أن من تسبب في كل ذلك سيتم معاقبته ومن ثم أصرت علي أن يتناول الطعام
-تحب اساعدك
-بعد ايه بقي
-أنت لسا زعلان مني صح
-مش زعلان بس نفسي تبطلي تصدقي كلام مش حقيقي عني
-خلاص ولله صدقت وأتأكدت
صراحة أنا كمان بدأت أتعود عليك عارفة إن كل حاجة حصلت بسرعة بس أنا أصلا كنت بخليك تشرحلي حاجات أنا أصلا فهماها بس عشان... كنت ببقي مبسوطة وأنا شيفاك بتوجهلي كلام ليا أنا وبس والصراحة أنا مش محتاجة للشغل بس كنت حبة أكون قريبة منك ..مش عارفة ليه
ايه بتبصلي ليه كدة..في حاجة
-وساكتة كل دا دا انتي طلعتي عيني..
ضحكت بعفوية

-معلش بقي الي بيحب يستحمل
-وانا استحملت و هستحمل بس أيه رأيك ف الي قولتهولك
-قول تاني كدة
-بتهزري انت ماشي هشرحلك تاني
فتح علبة بها خاتم  :تتجوزيني يا مروة
كادت تطير في كل أنحاء الغرفة ضحكت بهستيريا تكاد لا تصدق ذلك الحلم الذي تعيشه الآن وقبل ان تقول موافقة
-بس أستني في حاجة
-خير
-بصي م الأخر أنا مش هعلن جوازنا دلوقت عشان طالقتي ممكن تلبسني قواضي او تعمل اي حاجة عشان تمنع الموضوع دا
دا غير إني مينفعش أتجوز حد من الطلبة الي عندي
-والحل
-نتجوز وأول لما تتخرجي م الكلية نعلن جوازنا عشان تكوني بعيدة عن أذاها
-بس أنا مش قدامي كتير مفرقتش سنة
-ايوة بس ساعتها أقدر اخدك ونسافر عشان محدش يقدر يعملنا حاجة وهيكون أهلك عارفين
-وأنا ايه الي يضمنلي
-لو عايزة تقولي لحد واحد من عيلتك بتثقي فيه معنديش مشكلة
-ولله وجاي علي نفسك ليه
-مروة اسمعيني
-أنت اسمعني انت مفكر عشان بحبك يبقي هقبل بأي حاجة أو هقبل ع نفسي وضع زي دا معلش حضرتك غلطان
-بس دا بشكل مؤقت
-يعني أنا أفضل مخبية فرحتي عشان خاطر واحدة عملتلها فرح قبلي وعملتلها كل إلي نفسها فيه
ولا دا عشان انا طالبة عندك ف قولت دي ما هتصدق  أنا بنفسي أروح و اتقدملها
-أكيد مفكرتش كدة.. أنا بس مش عايز حد يأذيكي أفهمي
-لا مش هفهم انا غلطانة أصلا ايوة انا غبية
انا مش عايزة أشوف وشك تاني
بعد أذنك...
-يا مروة استني اسمعيني
شعر بألم شديد يعتصره من الداخل جاء صديقه أمجد علي صوت نزاعه ومشاجرته 
-مالك يا مراد في أيه هنده للدكتور حالا
***
-أيه يا ليلي كدة أحسن
-اه بس انا مش عايزة اطبخ تاني

فتحت مروة الباب بدا عليها الحزن
-ايه دا ايه الي حصل لأيدك
-كنت بحاول أطبخ.. كنتي فين وليه وشك مخطوف كدة
-متقلقيش أنا تمام
-استني هحضر الغدا
-انا هنام مش هاكل دلوقت
....
ظلت تبكي بغرفتها علي الحلم الذي صار كابوسا ثم
حكت لأختها  كل شيئ

-بصي أنا من رأيي اصرفي نظر عشان لو هو بيحبك المفروض يبين للكل مش يخبي
-بس الأسباب الي عنده بردو ممكن تمنعه
-حتي لو كدة يستني مش هيحصل حاجة لو استني
-بس انا بحبه يا ليلي خايفة بعد ما الموضوع قرب يبقي جد .. ينتهي مرة واحدة
-طب مش ممكن تقوليله يستني لحد  لما  ماما تيجي من السفر وبعدها يفاتحها ف الموضوع
-ماشي بس دا لو هو أتكلم تاني
غير كدة ...مش عارفة بقي وكمان المفروض يسافر ..
بس انا بحبك اوي يا ليلو بجد ..عانقتها بحنان
-وانا كمان ولله بحبك... ااه ايدي
-معلش نسيت
......
في الصباح

رن هاتفها
-الو مروة معاية
-ألو هو مراد جراله حاجة !
-حاولي تيجي بسرعة
......
𝓜𝓔𝓝𝓞✿ฺ