لم يفت الآوان

الفصل الأخير:

Meno💎💕:
الفصل26:

ما دام لي قلب ينبض سأحبك أنت
*, *, *, *, *, *, *, *, *, *, *, *,

ذهبوا به الي المشفي مسرعين وجاءت ليلي لتطمئن عليه وسمحوا لها بالدخول ولكنه كان غائبا عن الوعي ..كادت الدموع تنهمر ولكن حبستها بعد أن قر عينيها برؤيته ..أمسكت يديه برفق وحذر شديد ومررتها علي بطنها
-شوفت أبنك كبر أزاي ..وأنت بعيد عنه وكان قلقان عليك بيقولك وحشتني يا بابي
يلا أصحي بقي عشان نلعب سوا ونعمل كل حاجة نفسنا فيها وتقرالي قصص وتحكيلي عن مغامراتك وأنت صغير
في ذلك الوقت تحركت يداه وهنا تحررت الدموع العالقة وأبتسمت ولكن وجدت هاتفه يرن ...
-الو
-الو فين محمود انا بنت عمه ورد فكراني
-ايوة افتكرتك.. خير حضرتك
-أصل أبويا حدد معاد فرحنا بس أنا حبة ابقي اقوله بنفسي  أول ما يصحي قوليله يكلمني ضروري قالت كل هذا فقط لتضايقها وليس أكثر
-جلست ليلي بعدما أنهت المكالمة وهي مصدومة في كل مرة تكون قريبة من سعادتها  يحدث شيئ يغير مجري الأمور
...
غادرت بعدما حكت لمروة ما حدث وقررت أنها لن تراه مجددا  ستتركه يختار بنفسه ...

بعد مرور يومين تحسنت حالت محمود وكانت ليلي تراقبه من بعيد
-مروان هي ليلي مجتش تطمن عليا ولا مرة
-تدخلت مي ...:بص يا محمود هي كدة كدة هتشوفك ف خطوبتي ف لازم تستغل الفرصة دي لصالحك ولا انت ناوي متجيش
-أنا حاسس أنها مش عايزة تشوفني
-بس أنت هيفوتك مفجأة عمرك لو مجتش
قال مروان أنت هتفهم كل حاجة بنفسك يومها يا صديقي المهم تخف بسرعة وسيب الباقي علينا
...أبتسم محمود و التزم بمواعيد الدواء وهو باله مشغول عليها
حتي جاء اليوم المنتظر ...

جاءت مروة ومعها مراد وبناتهم وهم يتجادلو من يحمل أثنين ومن يحمل طفلتهم الثالثة
-لا مش هينفع هتتكعبلي ف الفستان دا وبعدين قولتلك متلبسيش كعب
-بقولك أيه أنت مش ناوي تسافر بقي وتسيبلي عيالي
-ضحك بمرح :أسافر أنا كنت بشتغلك عشان بس تديني فرصة تانية وتسامحيني
بحبك يا أم البنات يا سكر نبات
-أبتسمت مروة ثم خبأت تلك الأبتسامة قائلة أنت لست مسامحتكش
...
جاءت ليلي وساعدت أختها ف أرتداء الفستان كما فعلت مع مروة وهي تداعبها .. ومعهم نغم وطفلتها ...أستأذنت والدتهم بالدخول نظرت ليلي الي الأرض في خجل ودموعها تسقط دون توقف ثم قبلت يدها
أبتسمت والدتها وضمتها اليها وقبلت جبينها وهي تنظر الي بطنها المنتفخ :يارب بقي تعقلي عشان حفيدي بس هسامحك ها
ثم نظرت لنغم ..
-حقك عليا لو كنت ضايقت حضرتك ف حاجة
-طبعا ضايقتيني أزاي كل دا متدنيش حفيدتي أبوسها ضحكوا جميعا
-هي أسمها أيه ..
-أسمها ..سيلين
-وليه متسموهاش علي أسمي دا أنا هبهدل مروان أزاي ميسمهاش سلوي
-خلاص نندها سلوي
-ضحكت وهي تعانقها
....
-مروة أيه القمرات دول مطقمة مع بناتك انتى
-طبعا يا ليلو مش عيالي الولا دا عامل ايه معاكي
-دا مطلع عيني بس أنا لازم هاخدله عروسة من دول مليش دعوة
-لا يا ختي روحي لبنت نغم وابعدي عن بناتي عشان أنا ناوية اجوزهم تلاتة توأم ..اه معلش
-ليه اللخبطة دي ويجيبوا بقي عيال نسخ من بعض ...
وجدته من بعيد يلقي السلام ويتحدث مع مروان ومراد
ويبحث عنها في المكان  بعينيه
أدارت وجهها مسرعة :
يارب ما يكون شافني  أنا لازم أطلع أو ..أهرب
-ليلي ...
-يادي النيلة عليكي يا ليلي :قالتها بصوت منخفض وهي تضع يدها علي بطنها بدون ان تلتفت له حتي لا يلاحظ حملها..
-خير !
-للدرجة دي مش حبة أبدا أنك تشوفيني ..بصيلي هنا أنا جايبلك ورد و....!ا انتى حامل يا ليلي
-بص أنا هفهمك ولله أنا معرفتش أصلا غير متأخر
-خلاص يا ليلي متقوليش حاجة هي وضحت ..كنتي بتستخبي فيه مني وسيبتيني عشانه ..وأتجوزتيه بعد م سيبتك ودلوقتي حامل منه
كنتي اخداني كوبري يا ليلي مش كدة
-أيه الهبل الي أنت بتقوله دا ..هو أحنا أطلقنا أصلا !
-نظر لها وعلي وجهه علمات تعجب
..بس انت بقي ليك حياتك الخاصة ليك شغلك وليك خطيبتك ف أنا معرفتش أقولك من بعد م سيبنا بعض أن أنا حامل عشان كدة ....
محمود انت معاية
-خطيبتي !مين دي 
-بنت عمك الي أتصلت عليك وانت ف المستشفي وفهمتني إن فرحكوا كمان كام يوم وأنا الي كنت قاعدة جنبك وخايفة عليك ف المستشفي
-وليه تصدقيها ..بس ثانية بس يعني دا أبني
-يااربي بقالي ساعة بقول كلام هو أصلا مش سمعه ..
ضحك كثيرا : ثم قال أنا بجد مش قادر أصدق دا بجد يا ليلي دا بجد
-لا بهزر معاك عملة فيك مقلب انا
جذبها إليه وعانقها بقوة وهو يضحك وينظر الي بطنها
-مكنتش متخيل أني هلاقيكي بالمنظر دا بجد
-وأنا مكنتش متوقعة تبقي بالبرود دا
-شششكلك بجد مضحك أكتر م المهرج الي كنتي لبساه
-طب ماشي أنا داخلة القاعة خليك