tbh [Complete]

18

"WE ❤️ JAEMIN" ဆိုတဲ့ banner ကို ဂျယ်မင်းက မတွေ့တွေ့အောင် လိုက်ရှာနေမိရသည်။ အဲ့ဒီ banner ကိုင်တဲ့သူက သူ့ရဲ့ နှစ်ယောက်မရှိတဲ့ တစ်ခုတည်းသော fanbase ရဲ့ admin ဆိုတာ သိပြီးကတည်းက ဂျယ်မင်းက Airport ဆင်းဆင်း၊ Concert ပဲလုပ်လုပ် မရမက လိုက်ရှာနေမိရတာ။

(၄)နှစ်ဆိုတဲ့အတောအတွင်းမှာ ဂျယ်မင်းက အမျိုးမျိုးသော အခက်အခဲတွေကို ရင်ဆိုင်ခဲ့ရပေမဲ့ အခုတော့ အရင်က ဝေဖန်အပြစ်တင်သံတွေက မရှိတော့သလောက် ရှားသွားပြီဖြစ်ကာ ဂျယ်မင်းက အချစ်ခံလေးတစ်ဦး ဖြစ်လာခဲ့သည်။ ဂျယ်မင်းက ထောင်သောင်းမက များပြားလာတဲ့ fanတွေကိုလည်း ချစ်ခင်တယ်ဆိုပေမဲ့ ပထမဆုံး fanbaseကိုတော့ တကယ်ကို သတိအရမိဆုံးပင်။

"ဟို... JAEMIN : THE STAR fanbase က မလာဘူးလား ဒီနေ့..."

ပွဲပြီးကာနီးထိ ရှာမတွေ့တော့ ဂျယ်မင်းက VVIP rowနားအထိ ခေါက်တုံ့ခေါက်ပြန်လျှောက်ရင်း မေးလိုက်မိ၏။ အသက်တစ်နှစ်ကြီးလာတာနဲ့အမျှ ဂျယ်မင်းက ဘာကိုမှမကြောက်ဘဲ ပြောရဲဆိုရဲ လုပ်ရဲကိုင်ရဲဖြစ်လာတော့တာလေ။

"မလာဘူးလား? ပုံမှန်ဆို ဒီနားလေးမှာ ရှိတတ်တာကို..."

ဂျယ်မင်းက VVIP row တွေနားကို ထပ်ပြီး ပတ်ကြည့်လိုက်မိ၏။ ဟိုအရင် debut ကာစတုန်းကတည်းက Airportမှာလည်း ကတိုက်ကရိုက်နဲ့ပြေးလာတတ်တဲ့၊ Concertတွေမှာ အသံတိတ်သွားတိုင်း "ဂျယ်မင်း ချစ်တယ်!!" လို့ အကျယ်ကြီးအော်တတ်တဲ့ အဆိုပါကောင်မလေးကို ဂျယ်မင်းက သတိမထားမိစရာမှမရှိဘဲ....။

"တကယ်မလာဘူးလား?"

ဂျယ်မင်းက ဆံပင်တွေကိုထိုးဖွရင်း ထပ်မေးတော့လည်း ဘယ်သူကမှပြန်ဖြေ။ ဒါကြောင့် ကျန်တဲ့သူတွေနဲ့ စကားနည်းနည်းပြောပြီး back stageကို ပြန်ဆင်းလာလိုက်တော့တာ။ ရောက်ရောက်ချင်း အစ်မတွေက မိတ်ကပ်ဘာညာဖျက်ပေးနေတာကိုတောင် ဂျယ်မင်းက အာရုံမစိုက်နိုင်။ fanbase ထဲဝင်ကြည့်နေမိတော့သည်။

"ဂျယ်မင်းလေး... ဒီနေ့ စာမေးပွဲရှိလို့ မလာဖြစ်တော့ဘူးနော်၊ အထိအခိုက်ကင်းကင်းနဲ့ ဖျော်ဖြေနိုင်ပါစေ" ဆိုပြီး ဂျယ်မင်းရဲ့ Concert မစခင် Sound Check ကပုံတွေနဲ့တင်ထားတဲ့ ပို့စ်ကိုမြင်မှ မလာတော့မှန်းသိရတာ။ မဟုတ်ရင် ဂျယ်မင်းသွားတဲ့နေရာမှန်သမျှ လိုက်နိုင်တဲ့ အဲ့ဒီadminလေးကို ဂျယ်မင်းက မမြင်ဘဲ နေမှာမဟုတ်ဘူးလေ။