tbh [Complete]

29

"ဒါဆို မိနစ်(၃၀)လောက် နားပြီးရင် ပြန်စကြပါမယ်"

CEO ရဲ့ စကားဆုံးတာနဲ့ ဂျယ်မင်းက ချက်ချင်းပဲ နေရာကနေထပြေးမိတော့တာ။ မိနစ်(၂၀)ဆိုတဲ့အချိန်က ဒီလောက်ကြာမှန်း ဂျယ်မင်းက ပထမဆုံးအနေနဲ့ သိရှိခဲ့ရတာလေ။

CEO ရဲ့ သား ? တစ်ဦးတည်းသော ဆက်ခံသူ ? ကုမ္ပဏီရဲ့ share holder ?

အမျိုးမျိုးသောခေါင်းစဉ်တွေနဲ့ မိတ်ဆက်ပေးခြင်းခံနေရတဲ့ဂျဲနိုက ဒီနှစ်တွေထဲ သူ့ဘေးမှာရှိနေခဲ့တဲ့ ဂျဲနိုရောဟုတ်ပါရဲ့လား။ မရယ်မပြုံးမျက်နှာနဲ့ တည်ကြည်နေသူက ရှေ့ဆုံးမှာထိုင်နေတဲ့သူ့ကို မမြင်တာတော့ ဘယ်နည်းနဲ့မှ မဖြစ်နိုင်ဘူးလေ။

ဂျယ်မင်းက အိမ်သာထဲမှာ ခေါင်းစိုက်ထားရင်း တရစပ် ထိုးအန်နေမိတော့တာ။ မူးဝေနေခြင်းက စိတ်လှုပ်ရှားရတာထက် ရှော့ခ်ရသွားတာကြောင့်ဖြစ်မှာပေါ့။ လက်ဖျားတွေက အေးစက်နေသည့်တိုင် ချွေးစေးတွေ စိမ့်ထွက်နေလို့ ဂျယ်မင်းက တစ်သျှူးတွေကို ဆွဲထုတ်ရင်း ဖိသုတ်နေမိရသည်။

ဘာတွေလဲ ? ဘယ်လိုဖြစ်ပြီး ဒီလောက်တိုက်ဆိုင်ရတာလဲ ? သူ JL မှာ 1st Audition အောင်ခဲ့တာက သူ့အရည်အချင်းကြောင့်ဆိုပေမဲ့ 2nd Audition အောင်တာကရော တကယ်ပဲ သူ့အရည်အချင်းကြောင့် ဟုတ်ရဲ့လား ?

1st Audition အောင်တဲ့နေ့က သူနဲ့ဂျဲနို ပြောခဲ့တဲ့စကားတွေပြန်တွေးရင်း ဂျယ်မင်းက ဆံပင်တွေကို ဆွဲဆုပ်ထားမိတော့တာ။ သူ Audition အောင်တဲ့အကြောင်း ပြောပြတဲ့နေ့က ဂျဲနိုက သေချာပေါက် debut ရမှာလို့‌ ပြောခဲ့တာကရော ဒါကြောင့်လား။

ဂျယ်မင်းက လက်ဝါးတွေနဲ့ မျက်နှာကိုအုပ်ထားရင်းက ငြိမ်ကျသွားရသည်။ တကယ်လို့သာ သူ debut ခဲ့ရတာက သူ့အရည်အချင်းကြောင့်မဟုတ်ဘဲ ဂျဲနိုကြောင့်သာဆိုရင် ဘယ်လိုလုပ်မလဲ။ ဂျယ်မင်း တကယ်ဘယ်လိုလုပ်ရမလဲ။ ဂျဲနို Milan သွားလိုက်ရတာ၊ ဂျဲနိုနဲ့သူ အဆက်အသွယ်တွေပြတ်သွားရတာ၊ ဒီလိုမျိုး ဝေးနေခဲ့ရတာက သူ့ကို debut ပေးဖို့ ကတိပေးပြီး အဆက်အသွယ်ဖြတ်ခဲ့တာဆိုရင် ဂျယ်မင်းက ကိုယ့်ကိုယ်ကိုယ် အပြစ်တင်လို့ ဆုံးမှာမဟုတ်တော့ဘူး။