_මනෝහර_ (completed)

72: පටි පණුවා

කමෙන්ට් ගෝල් 50

මාස තුනකට පසු

"ලතා.... ලතා ඔය කණ්ණාඩිය පාර පැත්තට හැරෙව්වනම්. මට පාර පේන්නෙ නැහැ ගෑණියේ ගිහිල්ලා කොහෙද හරි හැප්පිලා සෙත්තපෝච්චි වෙන්න වෙයි හත් අට දෙනාටම"

මංජු කෑ ගහන්න පටන් ගන්නකොට ලතා පුප්පාගෙන මංජුට දාන රවන්න ගත්තා. හත් අට දෙනා එක්කලා ලෑස්තිය මිරිස්සෙ යන්ඩ කියලා. සෙනේෂ්ගෙයි මනෝහරගෙයි විවාහ උත්සවයට වැඩ කටයුතු ලෑස්ති කරන්නයි කල්පනාව හැමෝගෙම. ඩිංගක් නැවතුනා නම්. හැබෑව හැබෑව. ඔය ඇත්තන් හරියට ඒ ඉලව්ව කියෙව්වාය ඔන්ඩ. දෙන්නා දෙමහල්ලො එකලාසයක් වෙන්ඩ තීරණය කරද්දී සෙනේෂ් මනෝහරව තමන්ගෙම කර ගන්නයි කල්පනාව. ලංකාව ඇතුලෙ සමරිසි විවාහ නීති ගත කරලා නැතත් , දෙයියො බුදුන්ගෙ ආශිර්වාදය මැද්දෙ , වැඩිහිටි පාර්ෂවේ ආශිර්වාදය මැද්දෙ පුංචි උත්සහයක් සංවිධානය කරලා , පිංකම් මැද දෙන්නා අතිනත ගන්නයි තීරණේ.

සෙනේෂ් මේ වග තීරණය කරනකොට ඒකා එක්කලා මිරිස්සෙ යන්ඩ , මංජු , ලතා , අහර්ශ, ශයාන් විතරක් නෙවේ මේ වෙන කොට සුවය ලබමින් උන්නු වත්සලටත් ඒකලා ආරාධනා කලාම වත්සලත් ඒ ආරාධනේ පිලි ගත්තා. සෙනේෂ් වත්සලත් එක්කලා එකතු වෙලා මේ වෙනකොට ගීතයක් නිශ්පාදන කරමින් ඉන්ඩ නිසා මේ දෙන්නාගෙ සහෝදර ප්‍රේමය ඉතිරිලා වැක්කිරිලා තිවුනු අවධියක් ඔවුන් පහු කරමින් උන්නෙ.

ඉස්සරහම ෂීට් දෙකෙ වාහනය පදවන මංජුයි , පිටිපස්සෙ තිරගත  වෙන කොලු කතා බලන්ඩ කණ්ණාඩිය එහෙ මෙහෙ හරවන ලතා අක්කණ්ඩීයි . ඊට පිටිපස්සෙ ශීට් එකෙ විවාහය දිවියට ප්‍රවිශ්ඨ වෙන්ඩ ඇස් කන් දල්වා බලාන ඉන්න  ශීට් එක උඩ ඇලිච්චි ගානට ඉන්න සෙනේෂ් එක්කලා මනෝහර.

ඊට පිටිපස්සෙන් අහර්ශ , ශයාන් සහ වත්සල වාඩි වෙලා උන්නා. කවුරු කොහොම සතුටින් උන්නට වත්සල උන්නෙ නම් අබ ඇටය දැම්මොත් පුපුරන ගානට.

"තමුසෙ කියන්නෙ මම පටි පණුවෙක් උනොත් තමුසෙ මට ආදරේ නෑ කියලානෙ ශයාන්? ඒ කියන්නෙ තමුසෙ ආදරේ මගෙ ලස්සනට මිසෙක මගෙ ආත්මෙට නෙවෙ....?"

අහර්ශ ශයාන්ව කන්න පටන් ගන්නකොට ශයාන්  අසරණ විදියට උඩ බිම බැලුවා. එච්චරකට සිංහල භාෂාව නොදන්න මේකා පටි පණුවා කියන්නෙ මොකාද කියලා වත් දැනගෙන උන්නේ නැති කොට බොහොම අසරණව හිනා උනා.