.
.
.
بعد م هدت الامور وخطبوا لين من ابوها ووافق ابوها على الخطبه تعمد ذياب يطلب الشوفه الشرعيه ، قام حمد ينادي على اخته تطلع شاف حالتها كيف مع ذلك خلاها تطلع وتشوف ذياب ، مشت مع اخوها ودموعها تنزل بدون صوت دخلت المجلس اللي فيه ذياب وسكر الباب حمد ، مشت تجلس جنبه لف عليها يناظرها رفع يده يمسك وجهها ويمسح دموعها / افا ياحبيبة قلبي تصيحين على من ؟ على اللي الرخيص اللي خلاك ؟
ناظرته رفعت يدها ولفت وجهه بكف م ينساه / لاتتكلم عنه بهالطريقه احرقك تسمع؟
طارت عيونه يناظرها ، ضحك عليها بقوه / شوفي حالتك وشوفي وش مسوي فيك ويوم جيت اساندك تمدين يدك علي ؟
قامت تطلع وسحبها وضمها / اصبري م شبعت منك وشبك مستعجله
ضربت صدره بقوه وابعد هو يناظرها بصدمه ، مشت تطلع تركض لغرفتها وهي منهاره ، دخل حمد المجلس ولاحظ احمرار وجهه لكن بقى ساكت لانه عرف وش صار كبح غضبه يتوعد فيها بداخله ، مشوا يخوجون من المجلس لمجلس الرجال الخارجي
ابوعتيق / ها ياولدي عساها عجبتك
ابتسم ذياب يناظر عمه / الحمدلله
صعدت لغرفتها تسكر الباب عليها تقطع فستانها وتطيح بالارض تدعي ربها وتبكي ...
نرجع بالزمن للحاضر ~
قام يوسف لغرفته يفتح الصندوق يناظر لصورة زواجهم اللي تجمعهم م حس على نفسه الا ودموعه تطيح على الصوره غمض عيونه بقوه يرفع راسه يتنهد
رجع الصوره يسكر عليها يطلع شنطته يجهز اغراضه لجل بكرا ، انسدح يضم الوساده اللي كانت تنام عليها بهالعمر كان اول مره يبكي وتنزل دموعه عليها هالكثر استنشق ريحتها بالوساده اللي راحت وم بقى لها اثر / ليت يرجع الوقت والله ماانطقها واقولها واخليك والله يادنيتي !
ثاني يوم العصر ~
وضّاح / احتمال ياعمي هاليومين بالكثير ويطلع نايف بالسلامه للبيت باذن الله
ابتسم ابومحمد / الله يبشرك بالخير ياولدي ويكتب اجرك يارب
ابتسم وضّاح / اللهم امين يارب ويتمم فرحتكم يارب ، لكن بنسوي له فحوصات اخيره ونتطمن عليه نهائياً وبعدها يطلع ، استأذنك الحين ياعمي ولا بغيت شي كلمني موجود عشانكم انا
ابو محمد / ابشر ياولدي خذ راحتك
طلع وضّاح مبتسم لغرفة نايف مع الطاقم الطبي ياخذون فحوصاته / السلام عليكم
ام محمد / وعليكم السلام
وضّاح / م عليكم امر بناخذ فحوصات له اذا تسمحون خلكم خارج الغرفه لين ننتهي
ام محمد / ابشر ، يلا ياليان وهديل
قاموا البنات ومشت ليان من جنبه وفز قلبه بقوه لدرجة انه حط يده على مكانه
وصرف حركته بكحه لمن انتبه لنايف انه يشوفه ، قرب من نايف يبدا ياخذ فحوصاته . لمن انتهى طلع من الغرفه / انتهت فحوصاته بنشوفها الحين ونتطمن عليه وبعدها يطلع ان شاء الله
ام محمد / يابعدي ياولديي الله يقويك يارب
ليان / يمه ! وشو يابعدي
ام محمد / عاددي الدكتور وضّاح بحسبة ولدي
ابتسم وضّاح وقال / دامني بحسبة ولدك يايمه لاتقولين لي الدكتور قوليلي وضّاح
ام محمد / ياوضّاح
صحك وضّاح / ايوهه كذا
ضحكت ام محمد ولف وضّاح يمشي من عندهم لعيادته
