ငါပြန်တော့မယ်......နိုင်နေမကောင်းဘူး"
"နေပါဦးအက္ခရာ ရယ် တွေ့ကတွေ့ခဲကိုကွာ"
ကိုဇော်ကြီး၏ ဟန့်တားသံကိုအက္ခရာခေါင်းရမ်းသည်။
"မပြန်လို့မရဘူးကိုဇော် ဒီမယ်ကြည့်"
အက္ခရာထောင်ပြတဲ့ဖုန်းscreenကိုကြည့်တော့
Home💙 ဆိုတဲ့ contact nameလေးကအကြိမ်ရေတော်တော်များများဖုန်းခေါ်ထားသည်။ ဒီကောင်အက္ခရာမှာလဲ လူချင်းတွေ့ရင်သာ မျက်နှာထီမျက်နှာထားနှင့် မမြင်ကွယ်ရာမှာရှိပါလျှင်သဲကဲလွန်းသည်။
"ကဲပါကွာ ဒါဆိုလဲ ပြန်ပေါ့"
"လာလေ ဘာကြည့်နေတာလဲ ပြန်မယ်"
အက္ခရာကစိုင်းမောင်ကိုပါအပါခေါ်သည်။ စိုင်းမောင်လဲစိတ်ထဲလေးလံနေတာမို့လိုက်သွားဖို့ပြင်ပေမဲ့သူငယ်ချင်းတစ်သိုက်ကဆွဲထားသည်။
"အက္ခရာ မင်းညီကိုစိတ်မချရင်ငါတို့အိမ်အထိပြန်ပို့ပေးလိုက်မယ် တစ်ခါတည်းတော့ခေါ်မသွားနဲ့ဟုတ်ပလား တစ်ကယ်ပဲ ကလေးအမေကြီးကျလို့"
ဟုတ်လဲဟုတ်သည်။အက္ခရာမှာစိုင်းမောင်နှင့်အတူလာသည့်ခရီးဆိုလျှင်ဘယ်သွားသွားအတူပါလာတတ်သည်။ဒါဟာအကျင့်ဖြစ်နေတာဆိုလဲမှန်သည်။ အက္ခရာမှမဟုတ် သူကိုယ်တိုင်လဲ အက္ခရာရှိမည်ဟုကျိန်းသေသိထားသောနေရာတွင်အက္ခရာမရှိလျှင်ရှာသည်။ အက္ခရာနောက်လိုက်ရသည်။သူငယ်ချင်းတွေကြားတွင်စိုင်းမောင်နှင့်အက္ခရာဟာညီအစ်ကိုအရင်းထက်ပင်သွေးစည်းကြသည်။ တစ်ခါတစ်လေ စိုင်းမောင်ကအသက်ငယ်ပါသည်ဟုပြောလျှင်" ဒီရုပ်တည်ကြီးက ဒီဂျပုကောင်ရဲ့ညီပေါ့ ဟုတ်လား"ဟုပြန်မေးကာစနောက်တတ်ကြသည်။
"ကဲပါကွာ စိုင်းမောင်ကတော့နေပါဦး ဘာလဲမင်းကိုမင်းကောင်မလေး ခေါ်နေပြီလား"
ကိုဇော်ကြီးပြောတော့စိုင်းမောင်ဖုန်းကိုထုတ်ကြည့်သည်။my sunshineအမည်ရှိတဲ့ဖုန်းနံပါတ်ကလေးကတစ်ကြိမ်တောင်ခေါ်မထားပါ။တစ်ခါတစ်ရံရွှန်းနေခြည်ကနေနိုင်လွန်းသည်။နေနိုင်သည်ဆိုတာထက်အလိုက်သိလွန်းသည်လို့ပြောရမလား။ ပြန်လာမယ်လို့ပြောခဲ့တဲ့အချိန်ထက်နောက်ကျလျှင်ဖုန်းတစ်ကြိမ်ခေါ်သည် မရလျှင်ဆက်မခေါ်တော့ပါ။ထိုမျှထိစည်းရှိသူမို့တစ်ခါတစ်ရံတော့အူတစ်ယားယားဖြစ်ရသည်မှာအမှန်ပင်။
YOU ARE READING
မည်သူကပိုမည်နည်း
Romanceမောင့်ကိုမစွန့်လွှတ်နိုင်တဲ့ကျွန်မရယ် သစ္စာတရားကြီးမားလွန်းတဲ့မောင်ရယ် နောက်ဆုံးအချိန်ထိမောင့်ဘက်ကပဲရှိနေပေးတဲ့ထိုအမျိုးသမီးလေးရယ်ကျွန်မတို့သုံးယောက် ချစ်ခြင်းတွေသာပြိုင်ခဲ့လျှင် မည်သူကပိုမည်နည်း???
