ارتشف بندر من قهوته لكنه شرق فيها يوم نطق متعب بكل جديه: ابي اتزوج بنت عمي سطام
مسح متعب على ظهره: بسم الله عليك ، ترا قلت زواج مو قتل
بندر بحده: هذا اسوء من القتل انت ناوي تعيش البنت معك بتعاسه طول عمرها عشان بس سلمان ، ما بسمح لك يا متعب انسى
عقد متعب حاجبه: افا يا عمي انا الي بعيشها بتعاسه؟
فهد: والله فكرة متعب ماهيب شينه ، لو تزوجها سلمان بيفقد الامل وما بيتجرء يقرب منها حتى خوالها مابيكون لهم اي حق ياخذونها من بيت زوجها
بندر: ما ادري خلوني افكر والله ما ابيها تنظلم اكثر من الي هي عاشته
متعب: ماراح تنظلم معي وبتكون بامان وابن امه يقرب لها
ما ارتاح بندر ولا يبي يريمها هالرميه على متعب ، يخاف ان متعب يبيها عشان يقهر سلمان وبس ، تنهد بحيره
بندر: ما عندي شك بانها بتكون بامان جنبك لكن..
قاطعه فهد: ثق فيه يا بندر
كان يناظر فيه متعب ينتظر جوابه عشان يرتاح
بندر: طيب امري لله ، ياويلك تزعلها يا متعب
ابتسم متعب وارتشف من قهوته: ماهوب انا الي يزعل بنت عمه
كملو سهرتهم تحت ضي القمر وسوالفهم وتخطيطهم للقادم
{ الصباح ، قصر آل حازم }
اصوات الملاعق والصحون هي الوحيده الي تنسمع في الصاله بعد ما تجمعو كل العائله على طاولة الاكل ، رفعو نظرهم على الي نزلت
صقر: يا مرحبا والله
ابتسمت ملاذ وحبت راس جدها وجدتها وصبحت الباقين بالخير
وجلست على كرسيها مقابله لمتعب الا كان مركز على صحنه
بدت تاكل معهم ، بعد ما خلص بندر قام بيطلع لكن اوقفته ملاذ يوم نطقت: عمي بندر
التفت بندر: امري بعيوني؟
ملاذ بتردد: ممكن تاخذني معك للديره
رفع متعب انظاره لها وعقد حاجبه من طلبها ولا قدر يسكت: وش تبين بالدريه؟
لفت عليه بخوف من نبرته لكنها استجمعت قوتها ونطقت: ابي اشوف اختي مر ايام ماشفتها
بندر: بس يا ملاذ المكان هناك خطير عليك
ملاذ: مو مسكتو المجرمين خلاص؟ مابيكون علي خطر اجل
تنهد متعب قبل يقول: ما قلنا لك عشان ما نخوفك لكن يكون بعلمك الحين ، خالك صالح هرب مننا ذاك اليوم وما لقيناه ، طول هالفتره كان يرسل لنا تهديدات
كانت صدمه لها ، بعد ما حست بالامان وضمنت ان خوالها انحبسو ، الحين يقولون ان صالح هرب! ، حسب بدوخه واختل توازنها ، انتبه لها بندر وبسرعه سندها: بسم الله عليك
فزو بخوف وقام حازم يتطمن عليها: تونسين شيء يا بنتي؟
هزت راسها بمعنى لا وحاولت تتوازن وتجمع طاقتها عشان
تقول: مافيني شيء بس ابي اطلع اشوف اميره وارجع مابطول وبكون بخير
رفعت نظرها لبندر تنتظر منه اجابه وماقدر يرفضها: ابشري باخذك ياعيوني انتي
متعب: اجل بروح معكم ماينفع تروح لحالك
فهد: تبون اجي؟
متعب: لا ما تقصر حنا نكفي بس خلك بالقسم لين اجيك
فهد: ابشر
صقر: الله يستر عليكم وطمنونا عنكم
متعب: ابشر
طلع بندر وهو ساند ملاذ معه وركبها ورا وركب جنبها ، ركب متعب وحرك السياره متجهين للديره
- داخل القصر- بعد ما خلصو فطور تجمعو الحريم في الصاله والعيال راحو لدواماتهم ، دخلت نجلاء المطبخ بتسوي لها قهوه ودخلت امها معها التفتت لها نجلاء: تبين اسوي لك قهوه معي؟
جلست سلطانه على الكرسي: لا يا ماما بس ابي اقولك شيء وابيك تفكرين كويس فيه وتاخذين قرارك بنفسك واتمنى هالمره ماتعاندين
توترت نجلاء وتركت الي بيدها وجلست مقابل لامها: عسى ما شر ماما شفيه؟
سلطانه: امس نوره قالت لي انها تبي تخطبك لولدها عبد العزيز وتبيني اخذ رايك اول شيء قبل يجون
توسعت عيون نجلاء من الصدمه وبدون تفكير ردت: لا ما ابي
عقدت سلطانه حاجبها: مسرعك ترفضين فكري واستخيري ترا الولد طيب وتعامله زين مع اهله وما شاء الله دكتور
قامت نجلاء: ماما مستحيل اوافق شيلي فكرة زواجي من راسك توي على هالامور يعني حتى جامعه ماخلصت
سلطانه: يا بنت الحلال هو بيخليك تكملين دراستك ماراح يمنعك
نجلاء: مستحيل ، لا تحطيني براسك تراني مو مثل متعب بوافق عشانك والله ما اخذه
قالت اخر كلماتها وراحت فوق لغرفتها ، تنهدت سلطانه وطلعت من المطبخ وهي تفكر بداخلها وش سبب الاصرار على الرفض المتكرر ، هذي مو اول مره احد يتقدم لنجلاء وترفضه وهالشيء خلا سلطانه تشك بان فيه شيء قاعده تخبيه نجلاء عنها
