وصلو القسم ووقفو سيارتهم بالمواقف ونزلو ، دخلو اثنين من العساكر العيال قبلهم والثاني انتظرهم لين مرو من قدامه داخلين واتجه معهم لمكتبه وطلع ورقه من الدرج وقلم: عطوني اسمائكم
تنهدت اميره وبدت: اميره بنت حمد آل زيد
سجل اسمها ونطق: والباقين
ملاذ وهي تعدل طرحتها: ملاذ بنت سطام آل حازم
عقد حاجبه العسكري باستغراب ، وراودته افكار عن كنيتها وابعد الافكار عن راسه ونطق: الي بعدها
ترف: ترف بنت حازم آل حازم
رفع العسكري انظاره بصدمه وسال عشان يتاكد: انتم حفيدات صقر؟
ناظرو البنات ببعض ورجعو يناظرون له ونطقت ملاذ: وصلت خير
تنهد العسكري: اسلممم
اخذ الورقه والقلم وكمل كلامه: اجل اسحب نفسي منها ، امشو وراي
طلع من المكتب ولفت وعد عليهم تضحك: جاك الموت يا تارك الصلاه
ضحكو البنات ومشو وراه ووقفو قدام احد المكاتب ومكتوب على بابه " بندر آل حازم " دخل العسكري قبلهم يحط الورقه قدام بندر والعيال الي استغربو والتفت العسكري ونطق: ادخلو
دخلت اميره ووراها وعد وطيف وترف واخيراً ملاذ ، وسعو عيونهم بصدمه يوم شافوهم و فزوا ، ما كانت صدمتهم تقل عن صدمة البنات يوم شافو متعب ، اشر العسكري على البنات وقال: متورطين بقضيه ماقدرت امسكها انا بخلي الباقي لك
هز راسه بندر بالتفهم وطلع العسكري ، بلعت ملاذ ريقها يوم شافت متعب بينهم وصدت بنظرها ، اما متعب من يوم دخلت وعيونه عليها ، كانت متغيره بنظره موب مثل اخر مره شافها فيها ، شعرها وجهها الباهت ضعف بنيتها ، ما استحملت ترف وهي واقفه وتقدمت بخطوات سريعه تحضن متعب وبادلها الحضن وعيونه ما انزاحت عن الي صاده عنه ، نطقت ترف بعتاب: وين كنت خوفتنا عليك!
تنهد متعب يمسح على راسها: اقولك بعدين ، انتم وش جابكم؟
فهد وبندر كانو تحت الصدمه للحين ، جلس فهد على الكرسي وانتظر بندر يتكلم ، تقدم بندر لهم وعيونه على ملاذ: وش الي صاير وش مسوين؟
اميره: ما سوينا شيء غلط فيه اثنين تعدو علينا وسوينا الواجب
وسعو عيونهم ونطق متعب: وش سوو اذوكم بشيء؟
هزت اميره راسها بنفي ونطق بندر: وانتم وش مطلعكم بذا الوقت
تدخلت وعد: طلعنا من الجامعه نتمشى ونغير جو مو ذنبنا
تنهد بندر ورفع يدينه يمسك راسه ونطق: وانتم ليه جايين المفروض يجيبونهم هم
ناظرو البنات في ملاذ ينتظرونها تتكلم وكانت نظراتها في الارض ، انتبهت للهدوء المفاجئ ورفعت راسها و شافتهم كلهم يناظرون فيها ، بلعت ريقها وناظرت باميره الي قالت: علميهم وش سويتي
ملاذ: اها ، بس كسرت جوال واحد منهم وكسرت راس الثاني
كتمو البنات ضحكتهم من وصفها بس انتبهو لـ نظرات بندر وفهد الجديه و توتروا ، ابتسم متعب بخفيف يوم عرف وش سوت فيهم وذا اقل شيء يستحقونه
تكتف بندر وهو يناظر فيها: بس؟
هزت راسها بمعنى اي وتدخلت ترف: عمي ترا يستاهلون ملاذ شافتهم واقفين عندنا وجت تدافع عننا وواحد منهم طلع سنابه لها وكسرت جواله والثاني دفها وضربته
شد متعب على كفه يوم سمع كلام ترف وطلع بسرعه من المكتب ولحقه بندر ، تنهد فهد وقام من مكانه بيلحقهم واشر باصبعه عليهم: لا اشوفكم طالعين من هنا لين نرجع لكم ونتفاهم معكم
طلع وسكر الباب بقوه و فزوا البنات من قو ضربة للباب ، لفت عليهم ملاذ بغضب: هذا الي قلتو لي انه موب فيه؟؟؟
وعد: ترا صدق موب فيه ومدري وش جابه الحين فجاه طلع
ابتسمت ترف تقعد على الكنب: القلوب على بعضها رجعتو مع بعض
التفتت لها ملاذ: انتي اسكتي لو سمحتي
ضحكت ترف: ابشري
