دخلو الصالون ووقفت اميره تتمغط: كسرتي ظهري باكياسك
ضحكت ملاذ ولفت عليها: بلا دلع مو ثقيله
جلسو وبدت تشوف قصات الشعر والوانها واختارت الي تبيه
جلست اميره جنبها: ها وش اخترتي؟
بعدت ملاذ الدفتر الي بيدها: شتبين وخري بخليه سربرايز وانتي قومي سوي الي تبينه
تنهدت اميره وقامت: بسوي اظافري بس
جلست ملاذ على الكرسي وتقدمت وحده تشتغل فيها والثانيه راحت لاميره وبعد ما خلصت اميره طلبت منها ملاذ تطلع بالانتظار لين تخلص وتوريها النتيجه ، مرت ساعه وعليها وملاذ للحين ما خلصت ، تنهدت اميره وفتحت جوالها تتصفح فيه وبعد دقايق طلعت ملاذ : سربرايز!!
رفعت اميره انظارها ووسعت عيونها بصدمه: يمه مجنونه شعرك!
ابتسمت ملاذ تلف حول نفسها: شرايك بس
كانت قاصه شعرها لين كتفها من فوق وصابغه اشقر غامق
قربت اميره تلعب بشعرها: مره يجنن عليك بس صدمتيني بقصك له
بموت حتى اللون يجنن
ملاذ: حبيت اغير شوي
ضحكت اميره بصدمه: وش شوي حبيبتي بقصتك و صبغتك تغيرتي ميه وثمانين درجه
ابتسمت ملاذ: خلينا نطلع راح اليوم كله وحنا ندوج
رفعت اميره ساعتها وكانت تشير لـ ٩ الليل: يمه والله تاخرنا وبكره ورانا دوام
ملاذ: شرايك تنامين عندي اليوم؟ ونروح للجامعه مع بعض
هزت اميره راسها: تم ما اقول لا
تقدمت ملاذ تاخد عبايتها وتلبسها وحطت طرحتها على راسها ونطقت: كويس اجل خلينا نطلع
ركبو السياره متجهين للفندق و بطريقهم مرو محل خضار ، عقدت اميره حاجبها: وش جابنا هنا؟
لفت عليها ملاذ وهي تفك حزام الامان: ليموووون
اميره: مستحيل وش ذا المسكه
رفعت ملاذ كتفها: مش عارفه
نزلت تجيب ليمون وفتحت اميره جوالها ، شافت رسالتين من بندر و فتحتهم وكان كاتب " بشري؟ " "كيف صارت بعد ما طلعت"
اميره: الحمد لله بخير وبكره بحاول معها تقابلك وانت كلمها
رد عليها بندر بنفس اللحظه: طيب ماتقصرين
وحط لها قلب نهاية كلامه وابتسمت تسكر جوالها وتشوف الي جت بصندوق ليمون وحطته ورا وركبت
اميره: صندوق مره وحده؟
ملاذ وهي تحط حزام الامان: اخاف اخلصه بسرعه
حركو متجهين للفندق وما كان بعيد عنهم وصلوه بسرعه
{ في الرياض }
صباح يوم جديد ، يوم ما يخلا من التفكير فيها والشوق لها ، طلع من شقته وفتح جواله يشوف الساعه واستقبلته صورتها الي حاطها خلفيه لجواله ، تنهد وشاف الساعه وكانت تشير لـ ٧ الصباح ، ركب السياره متجه لنادي الفروسية الي اشتراه قبل ايام قليله ، بعد وصوله للرياض عزّم ما يطلع منه بدون ما يضبط اوضاعه ويبني بيئه تناسبه وتناسب مالكة قلبه ، اشترا نادي فروسيه وساهم باحد الشركات وقاعد يخطط لتأسيس شركة خاصه فيه وبعد ما ينتهي بيرجع يحل كل مشاكله في الخبر ، وصل لنادي الفروسيه ونزل بخطوات ثقيله واستقبله احد الموظفين عند الباب: استاذ متعب ، المهندس المعماري خالد ينتظرك في المكتب
هز متعب راسه بتفهم واتجه لمكتبه واول ما دخل استقام خالد يصافح متعب الي نطق وهو يأشر له: استريح
جلس خالد وطلع المخطط من شنطته وحطه قدام متعب على المكتب ، رفع متعب انظاره له: قبل نبدا استاذ خالد ، وش تشرب؟
خالد: تسلم ، توهم ضيفوني قبل وصولك
هز متعب راسه: كويس ، ورني المخطط
بدا يشرح له خالد الاشياء الاضافيه والتغييرات الي بيسويها متعب في النادي وبعد مرور نصف ساعه اتفقو على الي يبيه متعب وطلب منه يباشر بالشغل باسرع وقت ، وقف خالد يرجع كل المخططات الي معه بشنطته وصافح متعب: لا تشيل هم الشغل بيتم باسرع وقت وتحت اشرافك
اعتدل متعب بجلسته: اعتذر منك استاذ خالد ما بكون متواجد ذي الايام عندي شغل بسافر اخلصه لكن بوصي نادر يشرف على كل شيء من بعدي لين ارجع
هز خالد راسه بتفهم: براحتك استاذ متعب
طلع خالد وطلع وراه متعب وسكر مكتبه متجه لمكتب نادر يعطيه توصيات على الشغل وبعد ما انتهى طلع متجه لسيارته ورفع جواله يتصل على الرقم الي قطعه من شهر ومامرت ثواني الا رد بسرعه عليه: متعب!
ركب متعب سيارته: علومكم
فهد بحده: والتبن ان شاء الله ، وينك فيه قاطع ماندري انت حي ولا ميت
كان بيرد بس سمع صراخ بندر ووخر جواله عن اذنه بازعاج: لابو ذا الوجه ما تسال ولا تكلم ولا تقول وينك ، انت تدري كم مستشفى دورنا عليك فيها وكم فندق سالنا عنك فيه؟؟
تنهدت متعب ورجع الجوال لاذنه: يا ابن الحلال انا بخير ومافيني الا العافيه
بندر: وينك فيه؟
تحرك متعب بسيارته: الرياض
بندر: منجدك؟
متعب: اي بالله ، بس راجع اليوم
بندر: اسمع انا ما اقدر اتكلم معك من ورا ذا الجوال ، متى بتوصل؟
متعب: يمكن بعد العصر كذا
بندر: حلو ، تعال القصر بنتظرك فيه
كشر متعب بملامحه ونطق: معصي ادخل ذا البيت ، انا اسست حياتي هنا وجاي اخذ حرمي وارجع ماجيت عشان اقعد
بندر: لا بالله الي انهبلت ، انت اصلاً تدري وينها فيه حرمك؟ تدري عنها كيف احوالها؟؟
تنهد متعب: ايه ادري تحسب يخافني عنها شيء؟ المهم انا جايكم اذا جيتكم نتفاهم
سكر متعب الخط ونزل جواله متجه لشقته
