طلعو من الاستراحه الي اختاروها مع بعض وهم راضين بالاختيار ، لفت ملاذ على متعب بابتسامه: افضل شيء ان فيه مسبح
بادلها الابتسامه: ناويتها سباحه انتي
ملاذ وهي تشرح بيدها بسعاده: اكيد بتكون سهرة بنات وبناخذ راحتنا ونسوي كل شيء نبيه
عقد حاجبه يخفي ابتسامته: ما شاء الله وحنا وين رحنا يوم انها سهرة بنات؟
ملاذ: خلوكم بقسم الرجال وسوو الي تبونه ليه تحب تحشر نفسك
وقف متعب يناظرها بصدمه: ما تحسين انك صايره تعامليني بقسوه زايده؟
عبست بملامحها تتصنع البرائه واشرت على نفسها: انا؟
هز راسه وتكتف: ايه انتي
هزت راسها بالنفي ورفعت اكتافها: مشكلتك اذا تشوف تعاملي قاسي
وكانت اخر كلمه تقولها قبل تكمل مشي متجاهلته وتعطيه ظهرها متجهه للسياره وهو صنم بمكانه من التغير الي بشخصيتها تجاهه ، توقع كل شيء الا انها تعامله كذا ، ابتسم واتجه بخطوات سريعه للسياره واول ما ركب نطق يحارشها: على ذا التعامل ما بتشمين القهوة
انصدمت ملاذ من كلامه وردت عليه بانفعال: شدخل القهوة باسلوبي
حرك السياره ونطق ياشر عليها: شفتي كيف؟ عليتي صوتك حتى
تأففت تعتدل في جلستها: مو طبيعي صاير مستفز
ضحك والتفت عليها: انا مستفز؟ انتي الي صايره عصبيه و انفعاليه مالي شغل انا
خزته بنظراتها ورجعت تناظر للشباك وبين عليها متنرفزه منه
مرت دقايق ووقف سيارته قدام البحر والتفتت له: وش جابنا هنا
متعب وهو يفك حزام الامان: انزلي واقولك
تنهدت تنزل ووقفت قدام السياره ، اشر بيده عليها: لا تتحركين لين اجيك خليك
هزت راسها بالايجاب وراح بخطوات سريعه وبعد ما اختفى من قدامها اتجهت بخطواتها للبحر تقرب منه اكثر و تكتفت تتامل انعكاس ضوء القمر على البحر وصوت الامواج الي تحبه ، ما مر خمس دقايق الا حست بخطوات وراها والتفتت تشوفه ماسك كوبين قهوة ومده قهوتها عليها: ما يهون علي ارفض لك طلب
ابتسمت تاخذه من يده: هذا الي احبه فيك
وقف جنبها يرتشف من قهوته: بس هذا الي تحبينه فيني؟
هزت راسها: مع الاسف
التفت عليها بصدمه: بنت!
ناظرت فيه تتصنع التعجب: وش سويت
تنهد متعب: انتي متاكده انك رضيتي علي؟ لانك موب طبيعيه
ما قدرت تمسك ضحكتها اكثر وانهارت تضحك: مو طبيعي والله كيوت ردة فعلك
ابتسم على ضحكتها ورجع يناظر البحر: اي كذا رجعتي طبيعيه
رفعت يدها اليسار تحط يدها على خده: عمري الزعول
متعب: انا لله، مانيب زعول
هزت راسها: ايوه صادق
مر الوقت وهم يتاملون البحر بكل صمت ويستشعرون الهدوء الي يكتسيه صوت امواج البحر ، وهل هُناك من يضاهي القهوة بِجوار من تُحب امام البحر؟
تحمحمت: خل نرجع وراي دوام
هز راسه بتفهم وركبوا للسياره متجهين للفندق
مدت يدها تشغل اغنيه ورجعت تجلس باعتدال ووسع عيونه من اختيارها لـ الاغنيه ، التفت عليها وشافها تدندن مع الكلمات ورجع يناظر الطريق وهي علت صوتها بالغناء وتسرق النظر له تبي تستفزه:
الي باعنا خسر دلعنا ، راح لحالو يلا يودعنا ، بالسلامه والقلب ناسيه ، والي سابنا قفلنا بابنا ، يلا بينا وفرنا تعبنا ، الحياه مش واقفه عليه
مد يده يسكر الاغنيه ورجعت فتحتها بعناد وناظر فيها بحدها ونطقت بدلع: وشو!
هز راسه بالاسف وقرر انه يغير الاغنيه افضل من انه يسكرها لان الواضح طول الطريق بتعانده وشغل " يالي زعلان مني "
التفتت للجهه الثانيه تخفي ابتسامتها ، عجبها وضعه وهو يحاول فيها حتى بالاغاني رغم انها مسامحته ونست كل شيء بس حابه تشوف محاولاته عشانها
