وأنا جاهل في درب المُحبـين

البارت الثاني

في المستشفى على سريرها الأبيض وحولها الاجهزه والدكاتره حولها فجأه صفر الجهاز واعلن نهاية حياتها
الدكتور: ساعة الوفاة ٧:٣٠ مساءًا/ وطلع
دخلت غرفتها وكانت نايمه ما تأذت كثير كان الحادث بإتجاه امها تنهدت وهي مو عارفه كيف تقول لها عن وفاة امها
دخل الدكتور: م صحت
الممرضه: لا دكتور
فتحت عيونها بتعب كل شي حولها ابيض تحاول تتذكر هي وين مر ف بالها الحادث وامها المرميه بالشارع وأبوها ماتدري وينه ماشافته تكلمت بصوت مبحوح: وين ماما
الممرضه: الحمدلله ع سلامتك ي نجد
نجد: وين امي
الممرضه: يألمك شي
نجد صرخت: امممييييي ووووييين م تسمعين
الدكتور: عظم الله أجرك ي نجد أمك توفت
حاولت تستوعب وش يقصد وتحاول تشرح له الحادث: لحظه لحظه امي كانت بالشارع أي اذكر بس كانت تتحرك أنا شفتها انت وش تقول
الممرضه بحزن: اهدي ي نجد
صرخت فيها: وش اهدا أنتوا مستوعبين وش تقولوا الكلام اللي تقولونه تسمعونه تفهمونه امي ما كان فيها شي
الدكتور: ينجد هذا قضاء ربك لا تعترضي عليه وهذا يومها وكلنا ماشين بهالطريق
فكت المغذي وقامت وهي تتألم تحس الدنيا تدور فيها
مسكتها الممرضه: نجد اهدي وين بتروحي
دزتها وطلعت الممرات تنادي امها لحقوها ومسكوها
نجد وهي تبكي: تكفووووون امي ما تموت امي مافيها شي شلون تروح وتخليني هي وعدتني ما تروح وتخليني
نزلت دمعتها الشي الوحيد اللي ما تعودت عليها للحين أنها توصل خبر وفاة احد: ي نجد اصبري وادعي لها
نجد: وديني لها تكفين طلبتك وديني ل امي أكيد هي تنتظرني الحين
ساعدتها واخذتها الغرفه بس كانوا يطلعونها ومغطين عليها
ركضت لها وبعدت الغطا: بتختنق ليش مغطينها/ ومسكت أيدها وكانت بارده: امي بردانه جيبوا غطا ثاني
محد رد عليها
صرخت: ما تسمعون إنتوا
بس ماكان في أي رد
دخلت الغرف وهي تدور غطا تغطي فيه امها بس كل الغرف مليانه ب المرضى سحبت غطا من مريض وركضت لامها وغطتها: ماما شوفي جبت لك غطا ثاني عشان تدفي ماما حبيبتي ردي علي يلا
بس مافي رد
صرخت وهي تهزها: ماما قومي رديييي علييي تكفيييين طلبتك قومي يمه كلميني يممممااااااههه
بعدتها الممرضه: نجد يمه خلاص اهدي
نجد: يمه وعدتيني ما تتركيني يممه قوووميي طالبتك تكفين يمه كنتي بتحتفلي ب تخرجي قومي يمه / وبدا ينقطع صوتها وطاحت
————-
في مزرعة الجد سلمان
الجده كالعاده تهاوش البنات لأنهم يسولفوا وما يسوو شغلهم عدل: انتي ما تفهمين كم مره اقولتس رتبي عدل
سحر رمت الصحن وانكسر
شهقت سمر وبصراخ: والله ي ام السعف والليف ان ما ذلفتي بذبحتس
سحر بدلع مصطنع: شايفه ي جده تبي تذبحني
الجده:اذلفي انتي بعد ناقصتس أنا وعدلي لسانتس يوم انتس تتكلمين معي
سحر: ليه تعامليني كذا
سمر: لانتس عديمه احترام
سحر راحت لها وعطتها كف: احترمي نفستس
سمر ردت لها الكف: انا بنت ابوي تجي وحده حشره نفستس تعطيني كف من انتتيي
وبدوا يتهاوشوا
وجو الحريم يبعدوهم عن بعض
ام فهد: ي سمر عيب عليتس وهذا أنا اقول سمر عاقله ورزينه
سمر بعصبيه : اللي ما يحترمني يحلم اني احترمه وبنتس إذا منتم عارفين تربوها انا بربيها/ ومشت عنهم
ام نمر: امسحيها بوجهي ي مها سمر م تقصد
تنهدت ام فهد تدري ان سمر م تتكلم كذا وما تقصد واكيد ان سحر حارشتها ورفعت بضغطها :حصل خير ي سعاد حصل خير
مدى: تكفيييين بموت الكف اللي جاها طيرها
سمر باقي معصبه ومقهوره من نفسها شلون كلمت ام فهد كذا : بنات والله اني مقهوره من نفسي
جوري: افا ليه
سمر: رفعت صوتي على خالتي وانا ماقصدت ابد
اديم: م عليتس امي تعرف انتس م تقصدين وتعرف ان سحر رفعت بضغطتس
قامت سمر وراحت لام فهد وحبت راسها: سامحيني ي خالتي والله اني م قصدت
ابتسمت لها ام فهد: تحبين الكعبه ي بنتي ادري فيتس روحي الله يرضالي عليتس
ابتسمت ام نمر صح ان سمر عصبيه وملسونه بس إذا غلطت على احد ترجع تعتذر له وخصوصا ام فهد ما تهون عليها ابد تحبها مثل امها
ام فهد: ها ي ام نمر كلمتي رجلتس
ام نمر ضربت جبينها: نسيت يختي بس ابشري اكلمه اليوم
ابتسمت لها
ام نايف: انشهد ان سمر بتناسب فهد والله لو انتس م تبينها ل ولدتس ي ام فهد كان خذيتها لولدي
الجده: ابك انتم م تدورن
ام فيصل: وشو
الجده: فهد وسمر مخيرين ل بعض
ابتسمت ام نمر: الصدق ي عمتي اول مره م اعترض عن قرارات عمي
ام نايف: اي والله غريبه ابوي عرف يختار
الجده ضربتها بالعصا: ابك م تستحين انتي تتكلمين عن ابوتس تسذا
ضحكوا الحريم ع الجده اللي م ترضى ابد احد يتكلم عن رجلها
همس ركضت لهم: العلووووووم ي بنات
مدى: هاتي
همس غمزت لسمر
سمر: خير ي همس شفيتس تغمزين
همس: بتصيرين عروس الموسم يبنت افرحي
سمر: نعم نعم نعم ومن السلتوح اللي بياخذني
همس: فهد
قامت بربكه: من قلتي م سمعت
مدى صرخت ب أذنها: فهد فهههههددددد
رجف قلبها وتوترت وطلعت من عند البنات
اديم ب استغراب: هي استحت ولا يتهيأ لي
جوري ضحكت: تكفيييييين م لقيتي إلا سمر تستحي تلقيها رايحه تهاوش ما تبغى فهد
همس: للحين مافي صوت يعني الأمور تحت الهلع لا داعي للسيطره
اديم: الخبر حصري يعني
همس: بنتي سمعت سمعت خالتي حصه
مدى: وناااااااسه في مناسبهه
جوري: لازم نختار لنا فساتين
دخلت الغرفه وهي قلبها يقرقع حب حياتها بيتقدم له وطلعوا مخيرين لبعض وهي ما تدري ما بينت لاحد أنها تحبه حتى مدى اللي قريبه منها حيل ما تدري تحبه حيل ودايم تتمناه تشوفه غير عن الكل حنون على خواته ومحترم وراعي فزعات بس ماتدري إذا هو يبادلها نفس الحب خافت من فكرة انه ما يحبها ولا يبيها تنهدت بضيق وضمت رجولها ودمعت
———
ام نمر: وهذا العلم ي بو نمر
بو نمر: حياهم الله وما بنلقى احد زين نفس فهد ل سمر
ام نمر: وراك م علمتني أنهم مخيرين لبعض
بو نمر: ابوي طلب م يطلع العلم ابد
ام نمر: بس الصدق فرحت ل سمر
عند بو فهد
فهد :اللي تشوفونه ي يبه
سحر: وع وععع م لقيتو إلا سمر
ام فهد:بنت م تعرفي تسكتي انتي
سحر: اسمع ي فهد ان اخذتها ماني حاضره زواجك
ترف: احسن ما نبيتس تحضرين
سحر ضربتها ب أيدها
بو فهد: رجل طاوله أنا هنا مالي احترام
اديم: محشوم يبه بس سحر أصلا م تبي سمر ل فهد لأنهم دايم يتهاوشوا
بو فهد: سحر ي بنتي اكفي الناس شرتس ولا تفضحينا عن جدتس
سحر بغضب قامت: بس أنا اللي افضحكم ودايم أنا الغلطانه ابفهم شي واحد ماني بنتكم انا ليش دايم تعاملوني كذا
فهد: ي اختي اسمعيني سمر أنا احبها من لما كانت هالطول م تبين اخوتس يفرح يهون عليتس أخذ وحده غريبه واللي قلبي يبيها تروح ل غيري خلتس مكاني ي اختي
تنهدت وراحت عنهم
————-
:ماتت الأم وافتكينا بس الأبو وبنته باقين
:يغبي الأبو اللي طالب نسوي الحادث تبغى تذبحه ليش
:ياراسي في احد يسوي ب أهله كذا
.
.
.
نوقف هنا رأيكم
لا تنسوا النجـمة✨
الكاتبة نجـد