وأنا جاهل في درب المُحبـين

البارت السابع والعشرين

كان مصدوم حيل من فعايل بنته وهو اللي دافع عنها وظلم ولد اخوه وزوجه بنته غصب.
كانت بالغرفه تبكي على حضها ما تدري من اللي علم نمر إلا ويدخل ابوها وهو ماسك عقاله
وبصراخ: الله ييللععععنننكككك انتتييي ووششش فهميني
دخل مازن ما سمع صراخ ابوه على اخته ومسك أيد أبوه: شفيك يبه من متى تمد أيدك عليها
بو مازن بصراخ: غلطتي ما مديت ايدي عليها لين سودت وجهيي الله يسود وجهتس مثل ما سودتي وجهي ي سناء الله يلعنك
مازن: فهمننييي شصايررر
جلس بو مازن وهو ماسك راسه ودمعته تنزل وحكى ل مازن كل شي
كان هو وركان اللي سمع الصراخ ودخل مصدومين ان أختهم الوحيده تسوي كذا
مازن على طول طلع من البيت وراح ل نمر ندمان ان ما صدقه
لكن وش يفيد الندم
دخل بيت عمه وراح فوق على طول لغرفته وشافه يبكي اي يبكي على خسارته ل نجد يبكي على تصديقه فيها يبكي لأنها بذلت كل جهدها بعلاقتهم بس هو ما سمع لها حتى
مازن: نمر
نمر ناظره: حرقت قلبي اختك ي مازن
مازن جلس جنبه: سامحني يخوك تكفى
نمر قام ومسح دمعته وطلع متجاهل مازن اللي يناديه
________
في المستشفى
الدكتوره: سحر للأسف الخبيث منتشر بكل مكان بجسمك
كانت مصدومه: مافي اي حل
الدكتوره: مافي إلا الكيماوي وربي يشفيك ويصبرك
قامت وطلعت من عندها وهي مصدومه
معقوله ربي عاقبها على سواياها ف نجد هذا اول شي طرى ف بالها
_________
امًا عند حفيدات سلمان
سمر: قلت ان في غلط فالموضوع وطلعت هي اللي ورا كل شي
الهنوف:  تستأهل ما جاها
سمر: صح ان قلبي معورني على اخوي لكن الصدق ينقال نجد تستاهل ياخذها واحد كفو مثل بتال
همس: إلا ام السعف والليف وين
اديم: مدري والله راحت المستشفى تقول تعبانه وللحين م رجعت
ترف: إلا رجعت بس قالت بتروح ل سناء
مدى: وش رأيكم نعزم نجد وبنات عمامها
الجوري: نسيتي أنهم بيجوا ل عرس اديم
مدى:نسييييييتتتت
سمر: اي اديموه جاهزه
اديم: جاهزه بس متوتره حيل
سمر: توتر العرس عادي عادي
تنهدت: الله يعين
وقطع كلامهم صوت جوال سمر
الهنوف: الطيب عند ذكره نجد
خذت جوالها وردت: هلا ببنت حايل
نجد: هلابتس يقلبي شلونكم
سمر: طيبين وأنتم
نجد: طيبين الحمدلله بقولتس حطي سبيكر
سمر حطت: حطيت قولي
نجد بصوت عالي: ترا جاااايه الحين بالطريق
الكل متوقع انها بتجي قبل عرس اديم ب يوم او يومين بس قبل ب اسبوع محد توقع صرخوا البنات من الفرحه
ضحكت: وجايبه معي أهل حايل كلهم بعد
سمر: اهم شي نويصر جبتيه
نجد: اييي هذا الحب شلون اروح بدونه
بتال طير عيونه: خير خير
نجد ضحكت
بتال وقف السياره : اسمعي ي بنت طارق ترا م ارضى تقولين لاحد غيري الحب
نجد: تغار يعني
بتال بصوت عالي :اييييييي اغار اغار
البنات اللي كانوا يسمعون هواشهم كانوا يضحكوا
نجد: لا ي قلبي أنتوا أشوفكم على خير / وقفلت
بتال صد عنها
نجد مسكت ايده: بعد حيي وميتي انت
مسك ايدها وبأسها:م تقولين لاحد غيري الحب ترا قلبي م يتحمل
ابتسمت: حاضر من عيوني
ف سيارة بو منصور:
العنود: متتتححححمممممسسسسسههههه ل عرس اديم
عهود: اييييي خصوصًا إنهم يحبون بعض احس الله كيوت مره ببكي
هزاع: يمه مالقيتي لي بنت الحلال اللي تقبل فيني
ام منصور: م لقيت ي يمه وش اسوي
هزاع: عنيّد وراتس م تدورين مع امي
العنود: مابوه حريم يخوك انقرضوا خلاص
عهود شهقت: والله مابوه إلا وحده تقبل بخشتك
هزاع: منهي
عهود: غزيّل
هزاع: عوووذااا وش الاسم ذا
العنود: وانتي صادژه يمه بنت ام راشد عرفتيها
ام منصور: اي عرفتها تهقين تقبل بوه
عهود: مابوه غيرها والله
العنود: اي والله مابوه غيرها تقبل بوه
هزاع: لنا الله هالحين اخواني مأخذين حريم كل وحده إسمها ماشاءالله وانا آخذ وحده اسمها غزيل
عهود: يخوي مالك إلا غزيل أقولك أنا
ام منصور: ها ي ناصر شرايك نخطبها لوه بس نرجع
بو ناصر: والله بو راشد واهله ماعليهم كلام نروح ونشوف والله يكتب اللي فيه الخير
في سيارة بو متعب
شيهانه: اييي ي متعب اجل بتعرس قريب
متعب: شايفه شلون حتنا م تخيلت اني اعرس
وليد: طيب أنا بعد ابغى
سلمى: لا انت خلك نبيك سواق لنا
شيهانه ضربت كفّها بكف سلمى: حييييي عييينتتس
متعب: يحليلك ي وليد تتخطى يوخي
بو متعب كان مرتاح ع الأخر واخيرا رجعت الضحكة ل عياله ومرتاح زود لأنه تصالح مع نجد
حتى ام متعب اللي كانت تحس بالغيره من نجد لأنها تشبه امها تصالحت معها وصارت تشوفها وحده من بناتها
وبعد مشوار طويل وصلوا ل مزرعة الجد سلمان
البنات راحوا داخل والعيال المجلس
اول م دخلت نجد الكل راح يسلم عليها حتى سحر بس بقت سناء اللي حقدت زود على نجد لما طلقها نمر
اما نجد للحين ما تعرف ان نمر طلق سناء ولا يهمها حتى طلقها ما طلقها
سحر: شلونتس الحين نجد عساتس طيبه والحمدلله ع السلامه
نجد: ربي يسلمتس الحمدلله طيبه
الكل كان مستغرب ان سحر تسولف مع نجد حتى نجد مستغربه بس ما تنكر انها فرحت
سحر بضيق: نجد تسامحيني على كل شي سويته فيتس؟
نجد ابتسمت: سامحتس وتبقين بنت خالي ومالي غنى عنتس
ابتسمت لها
اديم بهمس ل ترف: اختس بها بلا
ترف بنفس الهمس: والله مدري من جت من المستشفى وهي كذا
قامت سحر من عندهم وهي متضايقه لأنها بتبدأ علاجها هالاسبوع وللحين محد يدري عن اي شي
نجد: شنوحها سحر
سمر: مدري والله من اليوم وهي كذا
الهنوف: إلا سمعتوا آخر الأخبار
شيهانه: شنهي
الهنوف: نمر طلق سناء عرف أشياء ي ناس انصدمنا
نجد ببرود: اها
سناء دخلت عندهم وشافتها وراحت لها وكانت على وشك انها تضربها
نجد: والله ان سويتي شي ذبحتس وخري عني ي رخيصه
سناء: كله ممممنتس انتي خربتي كل حياتي
نجد ببرود الكون: ليه كان عندتس حياة عشان تخترب
سناء انقهرت منها لان كل البنات حولها وهي ما قدرت تسوي شي ف طلعت وراحت ل سحر
نجد: بنات تصدقون احس فيني نوم
اديم: روحي نامي طيب
عهود وهي تضحك: م تعرف تنام إلا
قاطعتها قرصه من نجد : اسكتي ولا حرف ي عهود عيب عليتس ترا بعلمه
البنات ضحكوا يدرون وش بتقول عهود بس نجد انحرجت
نجد شهقت: مااااقلت للللكككممم
مدى: وشووووو
نجد: بنأخذ الشهباء ونحطها مع الأشهب
مدى: وبس يصير عندهم ورع سموه شهاب ههههه
نجد: فكره والله ههههه
اديم: ايييي بنات وش بتلبسون بعرسي
نجد: سسسرررررر
سوسن: بس لو ادري وش نجد بتلبس
اديم: بتعرضين نجد صح
نجد: ايييي ياحبي للعرضه يوخيتي
مدى: انتي جوووييييي
الجوري: وعساتس جبتي سيف
ضحكت: لا بس بأخذ حق بتال
العنود: يحسرتي بتخلين اخوي بدونه
نجد: يب
سندس: بنات بقولكم شي
الريم: قولي
سندس ابتسمت ونزلت راسها وحطت ايدها على بطنها: أنا حامل
كلهم ناظروها صار لها ثلاث سنين تنتظر بس ربي ماكتب لها
سوسن وهي تأشر بمعنى حامل حامل
سندس ضحكت: اي حامل حامل
ضمتها بقوه : يااااقلبيييي بصير خااالههه
نجد: ألف مبروك يروحي ربي يسهل عليتس
سندس: امين يقلبي عقبالتس
______
رعد: يعيال ودي بالاسطبل صراحه
ركان: ابشر م طلبت شي
بتال: بنأخذ عنكم الشهباء خلاص
بو نمر: فدا ي ولدي بس لمن
بتال: لنجد يعمي
بو نمر: اي زين
الجد: نمر شفيك
نمر بضيق: ولا شي جدي
بو مازن وعياله كانوا خايفين ان نمر يقول طلقت سناء لأنها هي سبب كل المشاكل اللي صارت لنمر ونجد
قام من عندهم وهو متضايق حيل وده يرجع نجد له وده بتال يطلقها وهو ياخذها بس يدري مستحيل بتال يطلقها حاول كثير معه قبل بس ما قدر
طلعوا العيال كلهم وراحوا للخيول
بتال خذا الشهباء
نمر خذا الرعد
مطلق خذا نمر
والباقي كل واحد خذا له واحد
نمر ابتسم بخبث وناظر بتال وبتال عجز يفسر نظراته
والحكم كان سلطان صفر وكلهم انطلقوا
بتال كان الاول وبعده نمر طلع فار وهو يدري ان الشهباء تخافه ورماه قدامها وانطلق
وقفت الشبهاء وهاجت وطاح منها بتال
كانت الطيحه حدها قويه
وقفوا العيال كلهم إلا نمر اللي قد سبقهم
منصور ركض لإخوه : بتال بسم الله عليك وش توجس
بتال وهو ماسك ظهره ومغمض عيونه بقوه من الألم: رح لها حولها فار شيله
هزاع راح وشاف بالفعل في فار وفهم سبب هيجان الشهباء بعده عنها
رعد: قم قم يخوي
حاول يقوم بس كل م تحرك حس بألم قوي بظهره وبكل مره يحاول كان يصرخ
شالوه العيال داخل
مطلق كان شايف الحركة اللي مال امها داعي من نمر تنرفز اخوه صاير ما ينطاق ابد كذا تغير ع الآخر من لما ترك نجد طلعت شخصية جديدة حتى هو ماصار يعرفه
راح له وبعصبية: وش هالحركات ي نمر
نمر: اي حركات
مطلق: نمر ترا شفتك انت تدري ان الشهباء تخاف الفارّ ليه ترميه عليها
نمر: مالك دخل واحترم نفسك لما تتكلم معي
مطلق: محترم نفسي من زمان بس ابفهم وش اللي غيرك كل ذا عشان بتال خذا نجد يخوي خلاص محد قالك من البدايه تصدق فيها يخي فكها خلاص خلها تشوف حياتها ليش قلبك صار قاسي كذا
نمر طنشه ومشى.
تنهد بضيق ومشى يشوف بتال
ام منصور: ي حسرتي على وليدي وينه وينه
ام نمر وهي باقي ما تدري ان بتال طاح بسبب ولدها: اهدي ي مريم ماعليه باس
سمعتهم نقالة العلوم الجوري وركضت ل نجد
الجوري: نجد نجد الحقي على رجلتس
خافت ووقفت: شنوحه
عهود والعنود مع بعض: شصاير
الجوري: طاح من الشهباء
شهقوا
نجد: وينوه
الجوري: بيخلونه ف الصاله عشان امه
ركضوا البنات الصاله ولما شافته ما تدري تضحك ولا تبكي على وضعه
كان ثوبه عباره عن كومة طين لما طاح طاح بطين وحركاته وهو يتدلع على امه ان مايقدر يأكل ولا يتحرك كلها كانت تضحكها بس بنفس الوقت خايفه عليه
خواته راحوا له بس نجد كانت واقفه بعيد شوي تحاول تكتم ضحكتها
العنود: بسم الله عليك يخوي ماعليك باس ان شاء الله
بتال: وين علاجي ي خواتي
استغربوا
ام رعد: وش علاجه ي بتال
ناظر نجد وهي جايه له: وصل علاجي
الكل ناظر بنجد اللي جت وفهموا ان يقصدها
جلست جنبه: بسم الله عليك ي عيو/ ماقدرت تكمل كلامها من نوبة الضحك اللي جتها
ضحك بتال هي فاهمته وهو فاهمها. بس اللي حولهم محد فاهم شي
نجد وهي تضحك ودموعها تنزل من كثرة الضحك: عسى م تعورت ي بعد حيي
بتال خذا نفس يحاول يكتم ضحكته: م تعورت مثل الحصان ماشاء الله علي
ام منصور طيرت عيونه: واللي يمه ظهري وما اقدر آكل ويمه تعبان
نجد وهي باقي تضحك : يتوغدن (يتدلع) عليتس ي امي
ام منصور ضربت كتفه: مالت عليك وعليتس معه
نجد: وش دخلني
ام منصور: زوجته وش دخلتس بعد
بتال: بروح المجلس أنا
ام منصور: انهج من قدامي مالت عليك
قام وهو يضحك وراح المجلس
عند سناء وسحر
سناء: اشوف زاد الحب ل نجد يوم بغت تموت على أيد اختها
سحر بضيق: طيب وش تبغي
استغربت: ليه تكلميني كذا
سحر: شلون اكلمتس
سناء: مدري شلون احس متغيره
سحر تنهدت: ماني متغيره ولا شي بس ابغى انام عندتس شي قوليه ماعندتس روحي
سناء : بقولتس خاطري اقتل نجد كله منها بسببها طلقني نمر
سحر: سوي بنفستس ولا تدخليني معتس واطلعي برا اقول
سناء بغضب: شفيييتس انتي وش هالاسلوب اللي تتكلمين فيه
سحر: تركت الأسلوب الراقي لتس ي ام أسلوب ويلا فارقي
كانت سحر متأكده ان ربي يمهل ولا يهمل ومتأكده ان ماجاها الخبيث إلا لأنها إذت نجد كثير بس ما تنكر انها فرحت لما نجد سامحتها ع الأقل ودها تموت وهي مسامحه الكل
طلعت سناء وهي معصبه من سحر
شافتها نجد واستغربت: هذول بهم بلا
اديم: والله الصدق ينقال اختي متغيره للأحسن والظاهر اول شي سوته انها تركت سناء
نجد قامت: بروح أشوف سحر احس فيها شي/ وراحت عنهم
شيهانه: الصدژ ينقال أنقى من قلب وخيتي ماشفت
سمر: معتس حق والله لو احد مكان نجد ما سامح ابد
نجد: سحر ياملي شنوحتس اليوم
سحر ضمتها بقوه وانفجرت بكي
استغربت والصدق خافت حيل : بنت إش في
سحر: نجد أنا قاعده أموت
بعدتها ومسحت دموعها: بنت وش تموتي بسم الله عليتس
سحر وهي تشاهق: ق قالوا فيني الخبيث
انصدمت
نزلت راسها وتكلمت وهي تبكي: رحت المستشفى وقالت الدكتوره السرطان منتشر بكل جسمي قالت بنبدأ الكيماوي الأسبوع الجاي عرفت ان ربي عاقبني لاني ظلمتس حيل ولاني تعاونت مع سناء عليتس طلعت وانا عارفه ان ماجاني إلا لاني ظلمتس
ضمتها بقوه وهي مصدومه هي حتى م دعت عليها هي بس وكلت امرها ل ربها
سحر كانت حرفيًا منهاااااره
مر اليوم ونجد طول الليل مع سحر تواسيها. وتشجعها
_______
اما نمر ف ترك نفسه ل الشرب والدخان وللأسف وصل للمخدرات
وتعرف على ناس سيئة
وصار يخطط معهم شلون ياخذ نجد من بتال
كان الندم ماكله بس ما فرح لها انها ارتاحت مثل ما فرح بتال ل نجد لما عرف انها تحب نمر
كان حرفيًا مهووس ف نجد م يبي غيرها يبيها هي وبس
___________
بيوم زواج اديم ومطلق
اللي انتصر حبهم "حب من اول صدمه"
دايم كانوا يتصادموا ودايم كانت اديم تعصب بس صار مطلق يحب يصدمها وصارت هي تحب انها تنصدم منه
حبهم كان جدًا نقي وكان هدف مطلق من لما حبها انه يتزوجها وعرف انها هي نصيبه وشريكة حياته
الكل فرحان لهم والكل حاضر
حتى نمر. لكن واضح ان مضيع نفسه ولحيته طالت وشكله جدًا تعبان
مطلق من شاف حالته كان بس يتمنى ان عرسه ما يخربه نمر دايم يحاول يرجعه بس للأسف عجز معه حتى انه حجز له ف مستشفى عشان يقدر يتعالج من الادمان بس للأسف لما تكون الرغبه مو موجوده ف صعب انك تقنع المدمن
عند اديم كان البنات كلهم حولها
كانت جدًا متوتره لدرجة كانت ترجع كثير وبدت تتعب من التوتر والميكب ارتست تعبت معها
اديم وهي تبكي : تكفون خلاص ماله داعي العرس والله خلاص تعبت
سحر ضمتها: حبيبي اديمو ماعليه هي كلها كم ساعه بس وبعدها تروحين معه حاولي تهدي شوي
اديم: بطني برجع اوووفففف
الميكب ارتست: بحياتي كلها ما شفت عروس متوتره هالكثر متوتره يقلبي المفروض تفرحي بتاخذي حبيبك
نجد ضحكت: تكفين اديمو وش ذا اسبوع تتجهزي وبعدها تصيري تسذا
اديم: ليه م تفهموني يخي
سمر: فاهمينتس يقلبي بس انتي شيلي من بالتس فكرة انتس العروس عادي مناسبه عاديه وبننزل نرقص فيها
بعد عناء طويل خف توتر اديم وخلصت الميكب ارتست شغلها
نزلوا البنات تحت وبقوا ترف وسحر عند أختهم
مدى: وين السيف
نجد بوزت: بتالوه عيا يعطيني إياه
ضحكت: مهي بمشكله ارقصي بدونه
نجد ابتسمت: أكيد يلا
مدى: ناويه ي بنت حايل كل الحريم يتكلمون
نجد: اي والله اني ناويه يلا. ههههه
راحوا وشغلت الجوري أغاني العرضه
وبدت نجد تعرض ومعها العنود وعهود ومدى تصورهم
وسوتها بنت حايل وكل الحريم يتكلموا بس محد ينكر انها كانت جدًا محترفه
وجا الوقت اللي تنزف فيه اديم على أنغام حسين الجسمي
اول م اشتغلت الزفه كل الأنظار عليها
كانت جدًا جميله عروس بكامل أناقتها
.
.ادخلي عمري بخطوتك اليمين
اضوي ايامي وعتمات السنين