وأنا جاهل في درب المُحبـين

البارت التاسع والعشرين

اعذروني على قصر البارت
.
.
.
قراءة ممتعه✨

وصل وانصدم من المنظر
نجد بطرف الهاويه
نمر يتقدم بشويش
بتال صرخ: ننننجججججددددد
بكت واخيراً سمعت صوته وصرخت: بتتتااااللل
ركض لها
نمر تقدم خطوه
نجد تراجعت وطاحت
صرخ برعب
الضابط شاف خوف مطلق يبقى اخوه رفع سلاحه وطلق النار على نمر
بتال ركض لنجد وشافها ماسكه بالحافه: بعد حيي وميتي
نجد تناظر للاسفل لو م مسكت كانت ميته تكلمت بخوف : تكفى تكفى ساعدني بتال تكفى
انسدح ومد ايده لها: امسكي ايدي
حاولت ترفع ايدها له بس الخوف مسيطر عليها: ماقدر ماقدر
بتال وعيونه عليها خايف تطيح: تقدري يابعد حيي تقدري / وضحك: ولا ما تبين عرس ثاني
نزلت دموعها : إلا أبي / وحاولت اكثر من مره لين قدرت تمسك ايده
بتال بصراخ: مططلللقققق اسحبني ي مطلق
مطلق سحب بتال من رجوله وبتال يسحب نجد لين قدر ينقذها
بتال: نجدي
ضمته بقوه وبكت
هنا بتال رجعت له روحه خلاص هي عنده وبحضنه محد يقدر يفرقهم عن بعض شد عليها بقوه
نجد بصوت مبحوح: خذني من هنا تكفى
شالها وراح للسياره
تقدم بخطوات مرتجفه يناظر اخوه اللي بوسط دمه من اثر الطلقة اللي جته جلس جنبه وسكر عيونه ونزلت دموعه: اااههه ي نمر وش سويت بنفسك وفينا  يخوي انكسر ظهري ي نمر / ورفعه لحضنه وضمه بقوه وصرخ
في المستشفى
كانت نجد بسريرها الابيض اللي صار جزء من حياتها على كثر المواقف اللي صارت لها
جالس جنبها بتال وهي نايمه
الدكتور: عندها سوء تغذيه لازم تنتبه لاكلها وبعد ممكن انها تعاني من اضطراب مابعد الصدمه بحال ودك بموعد مع دكتور نفسي اقدر اسوي لكم تحويل
بتال: ما تحتاج أنا معها
الدكتور: على راحتك ع كل حال ألف سلامه عليها
بتال: ربي يسلمك/ وطلع الدكتور
كان يناظرها يحمد ربي ألف مره انها بخير مع انها متأذيًا جسديًا من كثر الضرب اللي كان يجيها من نمر ونفسيًا من تخويفه لها
تنهد بضيق وده بس تقوم ياخذها حايل وخلاص يخبيها عن العالم
فتحت عيونها بتعب وناظرت حولها شافت بتال بدت دموعها تنزل ماهي مصدقه انها عايشه آخر شي تذكره لما طاحت لو م مسكت ع الصخر اللي الحافه لو ما لحقها بتال بالوقت المناسب كان هي الحين ميته خلاص
ضمها: خلاص ي بعد حيي وميتي تطمني انتي معي مافي احد حولنا بس انتي وانا
نجد وهي تبكي: خفت كثير ي بتال لمسني كثير وقص شعري خفت كثير أنا أنا طعنته ب ايده بس هو بس هو كان يلحقني حاولت اهرب بس ماقدرت اهرب منه هو ما خلاني بس بس أنا كنت متأكده انك بتجي
بتال: وجيت وكنت قد الثقه ي نجدي وهذاني معتس وماني مخليتس ابد
نجد هدت شوي وناظرت بتال: مات؟
تنهد بضيق: الله يرحمه
نجد ما تنكر انها حزنت عليه
قطع تفكيرها دخول أهلها
بو متعب تنهد براحه: نجد
ناظرته بدموع ما تنكر انها احتاجته هو بعد: بابا
ضمها بقوه: ااااهه يقلب ابوتس انتي
نجد كانت ساكته بس تحس براحه دخلوا شيهانه وسلمى ومتعب ووليد
وبعد سلام وأحضان وبكى
سلمى: اي نجيّد من قدتس يوخيتي كلنا عندتس
ضحكت: محد قدي
شيهانه كانت طول الوقت ماسكه ايدها
ضحكت نجد: شوشو ترا ما بطير
شيهانه: إلا بتطيري
________
مزرعة الجد سلمان
ام نمر وهي تصرخ وتضرب على صدرها: اااااهههههه ي قللللببيييي اااهههه ييمه ررراااححح ببكككررريييي
ام فهد ضمتها تحاول تهديها: اصبري ي سعاد اصبري
ام نمر: وش اااصصبببررررر ي مها راح ولدي وهو ياااااكبر ذنبه
سمر والهنوف بحالة انهيار مهما سوا نمر ب نجد يبقى اخوهم وكلمة عظم الله اجركم ب اخوكم تكسر الظهر
بو نمر العالم الله بحاله والله يلوم اللي يلومه
مافي شي اقوا من ان ولدك بكرك يموت وقبل لا يموت مسوي ذنوب كثيره
للأسف نمر كان يعاني من التعلق المرضي اللي يسحب الإنسان من حياته العملية يصير يفكر ب شخص هو يحبه لين يدمنه
والتعلق هذا أنهى حياته لو انه ما صدق ف نجد من البدايه او لو ما وصله خبر عن فعايل سناء كان ممكن يحب سناء ويعيشوا حياتهم وكان ممكن انه يكون عايش بين أهله وناسه كان ع الأقل نجد ما بتعاني هالكثر
_____
بتال خذاله شقه له ول نجد لين تتحسن حالتها
كان جالس ويناظر الشباك ويشرب قهوة إلا ويسمع صراخ
من فجعته طاح كوب القوه عليه بس م اهتم وركض لها
نجد وهي تبكي: لاااا تتتقققرررربببب وخرررر عنيييي وخر وخر
بتال: نجدي قلبي حبيبي اهدي أنا بتال راعيني
نجد كانت بالزاويه وضامه نفسها وتبكي
مسك ايدها بس صرخت : اااببببععععددد.
سحبها لحضنه وثبتها: بسم الله عليتس يابعد حيي انتي بسم الله عليتس
حست بالحنيه ب صوته بدت تهدا وغفت بحضنه
شالها وحطها بالسرير وغطاها وجلس جنبها يدعي ان هالمعاناه تنتهي
واستمر الوضع قرابة الشهر وبتال يحاول مع نجد يوم تتحسن حالتها وعشره تنقلب بس ماتركها لين تعافت تماما وصارت تقدر تطلع وتروح وتجي ورجعت لها الحياة
والحين يخططوا لعرسهم اللي بتال وعدها فيه
_______