وأنا جاهل في درب المُحبـين

البارت السابع

الكل كان مصدوم من الكلام اللي قاله نمر وخصوصاً الجد سلمان عمره ما توقع ان ممكن بيوم من الأيام احد من احفاده بيعرف عن بنته "ورد" هو خباها عن الكل حتى عياله منعهم من أنهم يجيبوا طاريها
الجده تقدمت ل نمر بخطوات مرتجفه ومسكت ايده: انت تعرفها ي نمر تعرف بنتي آخر العناقيد تعرفها شفتها؟
ناظر ف عيونها وكان مليون سؤال بداخلها ماكان وده يتكلم بس انجبر :اي يجده اعرفها
الجد : شلون عرفتها
نمر: ماقدر اقول"والصدق هو مايقدر يقول ما يدري إذا هي عايشه او ميته لسه ما وصله خبر عنها"
بو نمر مسك أكتافه: نمر وانا أبوك وينها علمني
صد عنهم ومشى ماعنده اي إجابه ل اسئلتهم
كانت بتلحقه الجده بس الجد مسكها
دخل غرفته ومسك الدفتر يكمل
" أحزاني ما انتهت والدنيا مو راضيه تخليني بحالي اعترف اني تركت اهلي وهذا عقاب ربي لي ونادمه قد شعر راسي تكلمت مع طارق وقلت له ودي ارجع لاهلي كلمهم بس ما ظنتي هو كذا من عرفته مافيه خير لاحد كشفني محسن اللي كنت أظن انه اماني وسندي اني اكلم طارق تهجم علي هددني"
" اليوم اكتشفت ان الرجال اللي حبيته وعشقته بكل مافيني طلع تاجر مخدرات طلعت شخصيته الحقيقية والوجه اللي أخفاه عني كل هالسنين يارب انك تسامحني وتنقذني من يدين القاتل"
ركز ع كلمة القاتل تنهد بضيق : معقوله مخطط يقتلها او معقوله حاول يقتلها
كان بيقلب الصفحه بس قطع عليه دق الباب
بو نمر: افتح ي نمر كلمني يبوك اختي وينها
بس ماكان في اي رد
ام نمر: بنعرف بعدين ي ثامر اهدأ
بو نمر والدمعه بطرف عينه جلس وسند ظهره ع الباب هو الوحيد اللي وقف ضد أبوه عشان اخته وحاول يلقاها بكل الطرق بس ما قدر
:ننننمممرررر. افتح اقول
فتح نمر الباب لما سمع صراخ أبوه واللي هز كيانه: ما ادري عنها اي شي ي يبه
بو نمر: اجل شلون عرفتها
نمر تنهد بضيق :يبه اوعدك لا دريت علمتك بكل شي
ام نمر: يلا ي ثامر قوم لا يرتفع ضغطك
نمر مسك يد أبوه وباسها: قوم ي بو نمر قوم ارتاح
قام بو نمر وراح غرفته ونمر دخل غرفته وقفل الباب ما يبغى احد يكلمه يبغى بس يقرأ مذكرات عمته
كل الصفحات كانت مليانه حزن وهم وتعب ولو ان الأوراق تتكلم كان شكت ل نمر عن دموع عمته اللي ذرفتها وهي تكتب وعن الجرح العميق اللي بقلبها لو ان ابوها احتواها لو اهتم ل بنته بدل اهتمامه بكلام الناس من قهره نزلت دمعته وهو اللي جبل م تهزك ريح هزته مشاعر عمته حيل
وصل للصفحه الاخيره اللي كتبتها ورد قبل وفاتها بساعات قليله وكان محتواها
"اكتشفت ان زوجي رجع يتاجر بالمخدرات بعد م وعدني انه يعيشنا أنا وبنتنا حياه كريمه برزق حلال حاسه ان اليوم يوم وفاتي وان هاليوم آخر يوم أشوف فيه نجدي امنيتي اشوف امي وابوي واعتذر لهم عن كل شي ودي برضاهم ودي أتطلق من محسن واجلس عند اهلي أنا وبنتي ليتني ما هربت ليتني تحملت أهانة ابوي لي ليتني ما طلعت من تحت جناحه بس وش يفيد الندم ولا فات الفوت ما ينفع الصوت"
وتحت هالسطور المليانه من الندم كان في سطر بس مشطوب عليه بالخفيف حاول نمر يقراه وكان مكتوب
"بنتي نجد بتتعذب بدالي"
أنصدم شلون يعني تتعذب بدالها وش تقصد
جلس يقلب الأوراق بجنون يبغى اي اثر يبغى يفهم يبغى يستوعب شلون وين نجد وش اللي صار عليها
طول الليل ونمر يفكر ف كلام عمته لين غفى من التعب
صباح اليوم الثاني الكل مجتمع وينتظروا نمر يجي يبرر لهم كلامه بس نمر بعد صلاة الفجر طلع ما يبغى يكلم احد
الجد: سمر اخوتس وينه
سمر: طلع ل دوامه ي جدي
تنهد بضيق
_______________
كانت تستنجد ب اي احد ودها ب اي احد ينقذها من جاسر اللي ما يرحم ضعفها وقلة حيلتها كان يعنفها ب أقسى أنواع العنف يحرق جسمها ويضربها ويجرحها كان مجنون بكل ما تعنيه كلمة الجنون
حاولت تقوم بس بكل مره كانت تطيح والسلسله اللي برجلها ثقيله حيل
دخل وأول ما شافته رجف داخلها تعبت وصارت تتمنى الموت وما تلقاه
حط الأكل قدامها: كلي
نجد: آخر وجبه قبل الموت يعني
عطاها كف
نجد: وش تبغى فيني كفايه اللي جاني منك يرحم لي والدينك خلاص تعبت اقتلني وفكني خلااصص
جاسر: كلي
نجد: ما ابغى
جاسر وهو يتمالك غضبه: كلي اقول
نجد بعناد : ما ابغى إلا إذا فيه سم باكله
مسكها من شعرها وصار يأكلها غصب ورماها وطلع
صار ما يستمتع بتعذيبها يبغى شي أقوى من كذا
حتى الدموع ما صارت تفيد قلبها ميت خلاص ما يحس بشي بقى بداخلها شعور الخوف كل م تشوفه يرجف داخلها صار ما يهمها وش يسوي كل اللي همها تموت ورتاح
—————
بو نجد: خلاص اجيبلك غيرها ي جاسر تتلذذ بتعذيبها ذي ارميها ل كلابك
فرح وقفل جواله
سعود: محسن وصلنا خبر ان الشرطه تدور عليك
بو نجد: من رئيسهم
سعود: العميد نمر ثامر سلمان ال....
ابتسم على جنب: هو المطلوب جهز رجالك ي سعود بنغتاله
سعود: شلون
بو نجد: بنوصل له خبر عن مكاني وهو بيجي
سعود: ابشر
بو نجد: وهذي بدايتها ي سلمان بتشوف عيالك يموتون قدامك واحد ورا الثاني وقتها بتعرف من هو محسن
____________
عضو الفريق١: سيدي
نمر اللي كان مصدع حيل وماله خلق شي: بعدين بعدين
عضو الفريق١: بس يا سيدي ورد
وقف نمر بسرعه: بشر
عضو الفريق١: للأسف سيدي ف قائمة الوفيات
مسح ع وجهه بصدمه: ونجد
عضو الفريق١: طلعت من المستشفى قبل فتره بس محد يدري عن مكانها
نمر: الآن تروحوا وتدوروا عليها
عضو الفريق٢: ندور على شي ما نعرفه يا سيدي ما يصير
نمر بغضب: مافي اي صوره لها ف البيت ما أخذتوا الصور أنتوا
عضو الفريق٢: خذيناها طال عمرك ابشر نبدأ بعملية البحث الآن/ وطلعوا
حس بضيق ب صدره والدنيا تدور فيه مو قادر يستوعب ابد وفوق هذا كله دخل عليه أبوه
بو نمر: نمر
نمر صد عن أبوه شلون بيقول له ان أختك اللي تدوروا عليها من عشرين سنه هي أصلا متوفيه كان يماطلهم طول هالاسبوع ما توقع ان أبوه بيجيه
بو نمر: نمر وانا أبوك علمني لا تصد عني
نمر لف له ونزل راسه
بو نمر: ناظرني ي نمر وقول الصدق اختي وينها
نمر: اقعد يبوي اقعد
جلس بو نمر وجنبه نمر
نمر بلع ريقه: يبه اهدأ شوي من شوي وصلنا خبر ان عمتي ورد متوفيه من فتره ماهي طويله
أنصدم ووقف
نمر:عندها بنت اسمها نجد وتكون بنت طارق كانت حامل لما تطلقت منه بس ماعلمت احد لان جدي ما تركها بحالها وخافت لو درا يرجعها ل طارق
بو نمر: كيف عرفت كل هالتفاصيل
نمر: عندها دفتر تكتب فيه كل شي
بو نمر تذكر الدفتر دايم يشوفها تكتب فيه
نزلت دمعته وحس ب ألم ف صدره: ودني ل ابوي ي نمر
مسك ايده نمر وراحوا مزرعة الجد سلمان يزفوا له خبر وفاة بنته ورد آخر العناقيد البنت اللي ظلمها بحياتها كثير
نمر كان خايف على جدته لأنها من درت عن ورد وهي ما تخرج كثير بس كانت دايم بسجادتها تدعي انها تكون عايشه وترجع لحضنها
وصلوا البيت وبو نمر رجعت فيه الذاكر ل عشرين سنه لما مشى بهالطريق وكان رايح لابوه يقوله انها مو موجده ف البيت ولازم يدوروا عليها بس هو رفض لكن بو نمر كان يحبها حيل كانت غير عن كل خواته راح يدور عليها بس مالقاها
هاليوم يمشي بهالطريق عشان يعلمه انها ماتت
وده يعلمه ان هو سبب موتها بس ماقدر
وقف بنص الطريق وهو يناظر نمر
نمر:ابوي انت بخير
بو نمر: ماني بخير يبوك ماني بخير شلون اوصل له هالخبر
كانت دموع بو نمر ما توقف ابد
نمر مسح دموع أبوه ومسك يده بقوه: أنا بقول له بس انت خلك معي يبوي
دخلوا المجلس وكان اللي موجودين الجد والجده وعيالهم الرجال والحريم بس البنات والعيال كانوا محد اللي جامعه واللي شغل
الجد وقف لما شاف نمر صار له فتره ماشافه: نمر
نمر مشى ب اتجاه جده: جدي اجلس بعلمك
الجد بعضب: وينك انت ها وينك الآن تعلمني وين بنتي وينها اللي نزلت راسي قدام الناس"كان يخفي حزنه وخوفه عليها بهالكلام"
بو نمر ماقدر يتحمل وقال: في ذمة الله راحت عن ربي عند اللي احسن مني ومنك
انصدموا
طاح بطوله وهو مصدوم
الجده صرخت: ياااااااااا حررررقق قلبييييي عليييييتس. يوريده اااااهههه ي قلبي ي امييي
ام نايف حضنت امها وهي تبكي: يمه يمه اهدي بسم الله عليتس اهدي
بلع ريقه من منظر جده وجدته وطلع بسرعه
بو فهد: وش تقول انت ي ثامر
بو نمر: اقول الصدق ي عبدالعزيز راحت آخر العناقيد
بو مازن صرخ: يبه يبااااههه
لفوا عليه ولقوه مغمي عليه ماقدر يتحمل من اللي يتحمل يطرد بنته ويندم وبعدها تطلع ميته
سمع صراخ أبوه ودخل بسرعه وشاف جده طايح شاله مع عمامه وراحوا فيه المستشفى
الجده كانت حالتها ما يعلم فيها إلا الله
———————
مرت الأيام والحزن مخيم على عيلة سلمان
بو نجد مُصر ينتقم من عيلة سلمان وللحين ما نفذ عملية اغتيال نمر ينتظر الوقت المناسب
نجد للحين تتعذب من جاسر اللي طفش وهو يعذب فيها صارت ما تحس بشي ابد
*******
في مزرعة الجد سلمان
عند البنات
في المطبخ
سمر: والله قلبي معورني على جدتي ليل ونهار تبكي
الهنوف: محد يلومها ي سمر هذي بنتها
ترف كانت تبكي هي كذا اي احد يموت حتى لو ما تعرفه لازم تبكي
اديم:تروف تكفين عورتي قلبي خلاص
ترف: والله يحزن الموضوع بعد عشرين سنه عرفوا ان بنتهم ماتت بعدين يكتشفوا ان عندها بنت والبنت مفقوده يمه يحززززن/وارتمت بحضن اديم تبكي
همس دمعت: وين البنت طيب ما لقوها
سمر :نمر يدور عليها
مدى: ان شاء الله يلقوها بس
جوري: ان شاء الله لان صدق تعبت من الحزن اللي خيم علينا فجأه
———————-
جاسر: خذوها لكم وش ابغى بوحده حتى ما تبكي
ابتسم بخبث: حتى وهي كذا فاتنه
كانت تناظرهم وفاهمه وش اللي يحصل حولها بس ماودها حتى تدافع عن نفسها تعبت وهي تصرخ وتستنجد تعبت وهي تبكي تعبت وهي تتأمل خير تعبت من كل شي بحياتها حتى نورها انطفى كانت إنسانه تحب الحياه إنسانه متفائلة عندها أحلام وآمال إنسانه شخصيتها قويه حيل وعنيده واللي برأسها تسويه بس الحين صارت تشفق على نفسها صارت بحاله يرثى لها
سحبها وركبها السياره وما قاومت كانت حرفيًا جسد بدون روح
.
.
.
.
نوقف هنا رأيكم وتوقعاتكم
اعذروني إذا في اخطاء
لا تنسوا النجمـة✨
الكاتبـة نجـد✍🏻