وأنا جاهل في درب المُحبـين

البارت الاول

في مزرعة الجد سلمان كانوا عياله وأحفاده مجتمعين حوله ابتسم لهم يحب يشوفهم مجتمعين حوله وهم بصحتهم وعافيتهم دايم يدعي ربي ان ما يفرق شملهم.
نمر: يورع شفيك انت م تعرف تلعب نفس الناس
سلطان: م الورع إلا انت يخي اعترف انك غشاش
نمر رمى عليه المخده: م الغشاش إلا انت
ركان: اعترفوا ياخي ما تعرفون تلعبون
نمر وسلطان مع بعض: خلينا لك اللعب
فهد: ماعلينا الحين اسمعوا ترا فلاح عازمنا اليوم
نمر: الصدق مافي احسن من جلسات أبو الشباب احسن من جلساتكم اللي ترفع الضغط
فيصل: ايا اللي م تستحي صارت جلساتنا ترفع الضغط
نمر:أي جلساتكم ترفع الضغط
مازن: هذا وجهي إذا قلت لك مره ثانيه تعال
نمر وهو يقلد مازن: هذا وجهي إذا قلت لك تعال يعمي انقلع بس انت ووجهك تقل طماط
مازن: ابك يعمي ولدك م يحترم الكبير ابد
نمر: كل ابوها شهر بيني وبينك وين الكبر مدري
ضحك أبو مازن عليهم
————
عند البنات
سمر: ايييييي مثل ما قلت لكم ام السعف والليف حاطه عينها على اخوي مدري وش تبغى فيه احسها راميتن نفسها عليه وهو حتى م يشوفها
مدى: مرخصه نفسها حيل ودي اقوم واتوطى ببطنا
جوري: معتس انا
أديم: صح أنها اختي بس الصدق ينقال صايره غثيثه وما تنبلع وعليها شوية ملاحظات
همس: شووووويييي؟؟؟؟؟؟
ضحكوا البنات
الجده: بس انتي وإياها فجرتوا مخي انقلعوا عني
سمر تمثل الحزن: افا ي جدة افا اجل ننقلع يلا مو مشكله بنروح وما تشوفينا مره ثانيه
مدى تكمل معها: سقى الله يوم انتس تبينا نقعد معتس طول الوقت
سحر: اووووووڤر دراما
اديم: وش دخلتس انتي انقلعي بس
سحر: تراني أختس وأكبر منتس احترميني شوي
سمر كشت عليها: انتي خليتي احد يحترمتس
سحر: اقول انطمي انتي الثانيه
قامت سمر وسحبت شعرها: ترا أنا مو اديم اسكت لتس أنا اتوطى ببطنتس وامسح فيتس الأرض /ودزتها: انقلعي من عندنا
سحر مشت وهي حاقده عليها
مدى انسدحت ضحك: والله انتس كفوو هههههههه
جوري: كفووو عليتس بس ثامر والله انتس بردتي حرتي
سمر: فقعت تسبدي الله يفقع تسبدها
اديم: ليتها تحس بس ماش ماعندها كرامه
مدى: الكرامه تصيح فالزاويه
ام نمر: سمر يمه قومي صبي القهوه ل عمتس
سمر قامت ومسكت الدله وصبت لعمتها
ام فهد: تسلمين يقلبي
سمر: يسلم قلبتس ي عميمه/ ومشت عنها
ام فهد: أسم الله عليها سمر كبرت وحلوت وصارت حرمة بيت
ام نمر: ادريبتس تلمحين لشي
ابتسمت ام فهد: دومتس فاهمتني ي ام نمر أي والله ودي سمر ل فهد
ام نمر: خير ان شاءالله اشوف ابوها وأخوانها
—————-
ف بيت أبو نجد
كانت داخله وهي تدندن وفرحانه لأنها جلدت الاختبار
نجد: يييمممممهههه
ام نجد: هلا ببنيتي هلا بقلبي ها يمه بشري كيف الاختبار
نجد: جلددتتتته جلد ي ماما يعني ب أذن الله ناجحه
بو نجد: كفو عليها بنيتي
حضنت ابوها: وش رأيك فيني بس
قرص خدها: والله انك كفو
ام نجد: اجل دام كذا الوضع وش رأيك ي بو نجد نطلع نتعشى برا
بو نجد: بس تم نطلع
نجد : وناااااااسه يلا اجل بطلع تغير وانزل اتغدا
ام نجد: يلا يلا
راحت نجد وضحكوا امها وأبوها
بو نجد تنهد : ربي م رزقنا إلا ب نجد بس يا إنها تسوى مليون واحد
ام نجد: الحمدلله
بو نجد: اليوم سلمان وافق على فكرة المشروع اللي طرحتها
ام نجد بفرح: صدقق
بو نجد: أي وقال بتتنفذ قريب
ام نجد: الحمدلله
نزلت نجد وجلست ع الطاوله وبدت تأكل
—————
: مثل ما قلت لك تنفذ فهمت
:فهمت فهمت بس الله الله بالمبلغ لا تنسى
: ماني ناسي انت بس نفذ الخطه
ابتسم بخبث: ابشر م طلبت شي
—————
فلاح: ياهلآ يالله انك تحيهم
نمر: هلابك يالخوي
فلاح: وينك ماصرت تجي ولا تتغلى علينا
نمر: ابد بس اشغال
فلاح: وش إشغاله عميد ويروح دوامه غصب ونايم طول الوقت
حك راسه بفشله: يخوي استر استر م تعرف تستر انت
ضحك فلاح: ادخل ادخل
حمد: وصل العميد الشاعر اليوم لازم تسمعنا شي
نمر: ابد تم ابشر م طلبت شي
حمد: كبير ي بو سلمان
نمر: يقول الشاعر
فلاح: اسلم وش يقول
نمر: إحذر إنك تحداني على عزة النفس
‏وإحذر تذلني وتحدني على القطاعه

‏ترا الكرامه مغروسة بصدري غرس
‏ترد قلبي عنك لو إنه بكامل إندفاعه

‏كانك ناوي تعطيني بالمحبّه الدرس
‏بعطيك درس عن الكرامه بكل براعه

‏إن بعدت بخليك ذكرى ليلة الأمس
‏وبغلي قلبي لأنه ماهو بـ لك بضاعه .
صفر حمد: صح لسانك
نمر: صح بدنك
فلاح: وش رأيكم نرقد هنا الليله
حمد: أنا ماعندي مانع بس الظاهر نمر يخاف
ضحك نمر: أنا اللي طول وقتي ف البر وعند الأبل اخاف ارقد هنا الله يسامحك بس
فلاح: اجل تم
_________
سمر : يا يمه ياحبيبتي افهميني ترا طلبي صغير ماهو كبير بس طلبت اني ارقد عند الجده
ام نمر: طلبتس مرفوض بتسهرين مع هالخمه ادريبتس أنا
مدى: افااااا الحين احنا صرنا خمه
جوري بضيق: شايفه شلون يلا لنا الله مشينا يبنات
اديم: ما هقيتها منتس ي عمتي
ضحكت ام نمر : خلاص انتي وياها خذوها لكم وامشوا عني يلا هش
شهقت مدى: تهشين علينا ي عميمه
ام نمر: ابك ي بنت امشي اقول تراددين على كل شي
ضحكوا البنات واخذوا سمر معاهم
———————
ف المطعم كانوا يتعشوا وهم مبسوطين صح إنهم عايله صغيره بس فرحتهم كبيره ما يعطوها لاحد
نجد: بابا ودي ب المول عادي
بو نجد: إذا ما خذيتك آخذ مين ي روحي
ام نجد: اجل نخلص ونروح
نجد: ونااااسسسههه
بعد م خلصوا من العشا طلعوا واتجهوا للمول وطول الطريق كانت نجد تسولف لهم وهم يضحكون على سواليفها وفجأة
صوت سيارات شرطه وإسعاف وصوت انفاسها كانت تشوف امها مرميه بالشارع وتنادي بصوت مبحوح: ماما
.
.
نوقف هنا توقعاتكم
الكاتبـة نجـد✨
لا تنسو النجمـه✨