وأنا جاهل في درب المُحبـين

البارت الخامس والعشرين

كانت جالسه بغرفتها بين كتبها ورابطة راسها تحسه بينفجر شوي وتذكرت الشهباء ابتسمت" وش ابي ف الدراسه دامني اعرف للخيول "وشوي وتذكرت كلام بتال "ابي اشوفتس دكتوره لا مرضت عالجتني" تنهدت اشتاقت له بس هالفتره عشانها تبي تركز ب دراستها ف ما تسولف معه كثير
دق الباب
نجد: تفضل
دخلت شيهانه و بإيدها عصير: خذي ي دكتورتنا
ابتسمت لها وخذته: جا بوقته ي شوشو احس مخي بينفجر مو قادره ابد
شيهانه: ارتاحي شوي يقلبي م يصير هاللون من مغباش وانتي ع الكتب
نجد: شسوي يوخيتي صعب ويرفع الضغط
شيهانه: تعالي ننزل أنا اقول واتركي هالكتب شوي جايه عمتي شيخه وبناتها
نجد: وع طيب بنزل لاني طفشت
شيهانه: اي يلا يلا/ ونزلوا تحت
هند قامت وحضنتها: شلونتس نجد
نجد: طيبه الحمدلله يقلبي انتي شلونتس
هند: الحمدلله
غلا شمقتها: السلام لله ترا
نجد: عليكم السلام
سلمى شافتها وراحت لها وكانت بتعطيها كف بس إيد نجد كانت اسرع وبعصبيه: شنوحتس انتي
سلمى: بعدي ايدتس عني صدقيني بيجي اليوم اللي بتندمي انتس خذيتي بتال
نجد: وهذا حلم ابليس بالجنه لعنبوتس ماتستحين انتي تتعلقين ب رجل اختس
سلمى بصراخ: موووو رجلتس بتتطلقين منه فاااهمه
تثاوبت وناظرتها ببرود: لا وأعلى ما بخيلتس اركبيه ويلا انقلعي
زفرت بغضب ومشت تاركتهم
هند: الحين ذي من صدژها تحب بتال
شيهانه: يختي أزعجتنا من لما انخطبت نجد وهي دايم تتهاوش معها وهذا وهي التسبيرة
دخل متعب: سلام عليكم
البنات: عليكم السلام
شافها وابتسم ومشى داخل بسرعه
اما هند ف حست برجفه داخلها
شيهانه اللي لاحظت شهقت: هههننندووووهه عينتس بعيني ي بنت
هند: وشووو
شيهانه: النظره هذي ما مرت مرور الكرام اعترفي
تنهدت: اخوكم يبعثرني وش اسوي كل م شفته رجف داخلي وماغير ادعي ان يكون من نصيبي
نجد شهقت: مممننن مممتتتتتى ليه محد لاحظ
هند بحزن وخوف: كتمت الحب بيني وبين نفسي لاني خايفه يضيع مني وخايف أتعلق ويصير وضعي مثل سلمى اي احبه حيل واتمناه شريك حياتي بس خايفه ان هو ما يبادلني
""هل سبق وقلت لكم ان متعب خفيف ماظنتي سمعها متعب وحس فراشات بقلبه فرح انها هي بعد تبادله نفس الحب وراح للبنات وقال: لو خطبتس توافقين
شهقوا البنات
شيهانه بهمس ل نجد: طلع اخوتس خفيف
نجد بنفس الهمس: جالسه انصدم ترا
هند كانت مصدومه حيل صدت عنه وهي ودها تقول اي بس لأنها ثقيله تحمحمت وردت عليه: تعرف وين البيت تبي تخطب تعال من الباب / ومشت عنه وهي شوي وتطير من الفرحه
مسك صدره يحس قلبه بيطلع من مكانه وتنهد: اااههه
شيهانه قامت وحطت ايدها بجبينه: منت مسخن يخوي
متعب: ماني مسخن أنا عشقاااان
ضحكوا عليه
نجد: والله زين م اخترت ي متعب هند بنت ماشاء الله عليها
متعب: تهقون توافق
شيهانه: عطتك العلم تبيها رح لها من الباب
متعب: وألله أنا اللي أبيها بروح اكلم ابوي/ ورفع ثوبه يركض لابوه وخواته يضحكون من هباله
___________
عند أهل حايل
جهـز الملحق المخصص ل نجد وبتال وباقي بس تأثيثه
من يوم رجع لحايل وهو يحوس رايح جاي من ترتيب الملحق ل روحته للحلال وجلسته مع أهله وكان ملحق للكل
في المجلس
منصور: خلص الملحق ي بتال
بتال: اي اليوم واخيرا يخوي مابغينا
هزاع: يلا هانت هانت كلها كم شهر
بتال: لو الود ودي الحين ارووح أجيبها
بو منصور: شنوحك مستعجل اركد ي ولد
بتال: ابشر يبوي
بو منصور: شلون الشغل ب محل الذهب
بتال: لا الحمدلله أمور الشغل كلها زينه
بو منصور: هالحين لازم تشد حيلك بالشغل يبوك لا تنسى بتصير عندك عيله محتاجين احد يصرف عليهم ولا تخيب هقوتي فيك ي بتال حافظ على بنت عمك تراها جايتن ديرة مالها احد فيها غيرنا وما تثق ب احد إلا انت حطها بعيونك ولا تقصر عليها بشي ومن هالحين اقولك ان ضربتها ولا رفعت صوتك عليها أنا اللي بتبرأ منك
بتال: ابشر يبوي نجد بين ضلوعي ماني مأذيها
ابتسم له: كفو عليك ي ولد ناصر
هزاع: م تبون تزوجوني أنا بعد
بو منصور: انت بس اشر ع اللي تبيها وانا أكلم أمك تجيبها لك
هزاع: إلا يااا بعد حييي
منصور: ودي اقول وانا بس عندي وغد شكبره
بو منصور: ان طلبت وحدتن غير الريم فقعت عيونك ي منصور تعبنا كثير لين لقيتها
ابتسم بالفعل ماجت بالساهل كل ما خطب وحده قال لا ما دخلت قلبي لين وصلوا ل الريم ووافق من اول م شافها
العنود: ايييي وانا متى يجي دوري ان شاءالله
بو منصور طير عيونه: ابك م تستحين انتي
العنود: لا الزواج لا هو عيب ولا هو حرام ابي أتزوج زوجوني
بتال: بالله ي يعيال م تشبه احد
هزاع: من
بتال: مسعد /وضحك
منصور ضيق عيونه يبي يركز بس اي والله حركاتها وحركات مسعد نفسها وضحك
بوزت: مالت عليكم بس / ومشت وهم يضحكوا
بتال: يحليلتس ي عنيّد / وقام/ يلا ابوي بروح ل السوق تآمر على شي
بو منصور: لا يبوك ربي يوفقك ويسعدك ويرزقك من حيث لا تحتسب قل امين
بتال: امين يارب اجمعين / ومشى
ام منصور: تستاهلين محد قالتس
بوزت: ما تحبوني انتم أنا ادري
الريم وهي تضحك: هالحين عشان ما زوجوتس صاروا م يحبونتس
العنود: اي
ام منصور ضربتها ع راسها بخفه
الريم: خالتي نبي نشوف الملحق تكفيييين
ام منصور: باقي يبنتي مابوه اثاث
الريم: عادي
تنهدت صار لهم فتره ينادوا يبون يشوفونه: طيب قوموا
طلعت ام منصور ومعها البنات وراحوا للملحق
شهقت العنود: وش ذااااااااااا يييججنننننن
الريم: اييييي يبختس ي نجد والله يهبل
كان عبارة عن صاله وغرفة ومطبخ تحضيري وحمام أكرمكم الله وألوانه كانت هاديه جدًا
ام منصور: يلا خلاص طلعنا الحين يجي بتال ويعصب
طلعوا والعنود والريم م وقفوا مدح فيه
_______
كان يمشي بالسوق ويسلم ع الكل له هيبته واحترامه كل من شافه قام يسلم عليه بتال ناصر تركي ال..... معروف عند الكل وكل من سأل عنه ما سمع إلا كل طيب إنسان يحب الخير لغيره قبل لنفسه
وصل ل محله ودخل: السلام عليكم
بسام "يشتغل عنده": عليكم السلام والرحمه تو ما نور السوق ي بتال
ابتسم له: منور بوجودك طمني شلون الشغل
بسام: ابد على م تحب ماشاء الله ربي فاتح عليك الناس تجي من كل ديره م يسألون إلا عن محل بتال ناصر
بتال: الحمدلله رب العالمين
بسام: يخوي شمسوي انت عشان كل هالناس تحبك
بتال: فضل من الله يخوي
بسام: ونعم بالله
بتال: يخوك الطقم الجديد اللي وصل وباقي م انعرض وينه
بسام: موجود ليه
بتال: مافي منه اثنين صح
بسام: اي قطعة نادرة وخاصه وما يجي منها اثنين
بتال ابتسم: هات اشوف
بسام: ابشر / وراح يجيب الطقم ورجع وفتحه
بتال ارتسمت بسمه على وجهه لما شاف جمال الطقم. وتخيله على نجد : من يومتس نادرة ما يليق إلا عليتس إلا النادر
بسام ابتسم: تبيه
بتال: أبيه
حطه بكيس وعطاه بتال
اخذه ومشى وطول الطريق وهو يبتسم وكل شوي يدخل محل وياخذ شي يتخيله على نجد وتزيد ابتسامته
شوي وسمع احد يناديه لف وشاف طلال خويه
طلال: اررححببب ابو الشباب تو م نور السوق
بتال: البقى ي طلال منور ب أهله يالله انك تحييه شلونك شخبارك
طلال: والله طيبين مبروك يخوي توني اسمع من العيال انك خطبت
بتال: ربي يبارك بحياتك وعقبالك
طلال: امين يارب ومتى زواجك
بتال: شهر بالكثير
طلال: يلا الله يوفقك وانت رجال والنعم فيك وتستاهل كل خير
بتال: ربي يسعدك عن أذنك يخوي بروح للحلال
طلال: الله يستر عليك ويحفظك/ وافترقوا
_________
مرت الأيام والأسابيع وما بقـى إلا يومين عن عرس نجد وبتال
نجد نقلت سجلها الجامعي ل جامعة حايل
كانت غرفتها حوسه كبيره من تجهيزاتها ل زواجها
دخلت شيهانه ومعها هند اللي خطبها متعب وهم بعد ماباقي شي لزواجهم
هند: يااااارررراااااسسسي ي نجد وش ذااا
نجد اللي شوي وتبكي: ساعدوني والله تعبت أوف ياربي ضروري اخلص باتسر بنروح حايل وانا ماقضيت
شيهانه ضحكت: اهدي ياملي ولا تبتسين احنا هنا موجودين يعني خدمة الطواري
نجد: طيب ساعدوني يا خدمة الطواري احسني خلاص ما قدرت تعبت
جلسوا هند وشيهانه يساعدوها وسلمى تناظرهم بحقد كان المفروض هي مكان نجد
كبر الحقد بداخلها وبدت تخطط كيف تنهي زواجهم
متعب طلع وده يروح يشوف اخته او الأصح يشوف هند اللي دايما تهرب منه تقول ما يصير نشوف بعض لين يوم الزواج
استغرب من وجود سلمى عند الباب: سلمى
سلمى: هلا هلا
متعب: شتسوين يا بعد حيي ليه م تدخلين معهم
سلمى تلعثمت: لا يعني أنا كنت بدخل بس :ورفعت جوالها: عندي اتصال يلا مع السلامه/ ومشت عنه
ما اهتم كثير ودق الباب
شيهانه طلعت له: هلا
متعب: بغيت اسلم على نجد
شيهانه: مو فاضيه
متعب: شوشه وخري خليني اسلم عليها
شيهانه: متعب ادريبك تبي تشوف هند بس تحلم يلا مناك مافي / وسكرت الباب بوجهه وهي تضحك
وليد ناظره وضحك
متعب بصدمه: الحين هذي قفلت الباب بوجهي
وليد: اي قفلته
متعب: يا مال اللي مني بقايل اجل أنا تقفلين الباب بوجهي
هند: لاااا حرااام تكفييين
شيهانه: ما يهون عليها
هند بحيا: م يهون
نجد بعصبية: بعدييييين تفاهموا الحين ساعدوني اوووفففف
إلا ويدق الجرس
فتحت الخدامه الباب ودخلوا حفيدات سلمان يبون يسلمون على نجد
متعب سحب وليد : امش امش
سمر وصلت ودقت الباب
شيهانه: اوووففف منك يا متعب/ وفتحت الباب بقوه: خييييي
وقاطعتها سمر: سااااعه لين تفتحي وخري بس
ودخلوا البنات الغرفه
نجد بكت لما شافتهم
سمر ضحكت تعرف هالشعور عدل راحت وضمتها: نجد ياقلبي
نجد وهي تبكي: ما خلصت للحين ي سميّر والله تعبت
سمر ضحكت: ماعليه يقلبي احنا كلنا موجودين عشان نساعدتس لا تحاتين
وما خلص اليوم إلا والبنات مخلصين كل شي وحطوا أغراضها بالسياره وراح متعب ووليد حايل عشان يرتبوا الحريم هناك أغراض نجد
________
ف النفود كانوا العيال مجتمعين
طلال: الحين انت يعني خلاص زواجك باتسر
بتال: اي نعم
طلال: يعني بتودعنا
بتال: لا وين يخوي جالسن ع رأسك
منصور: ايييي ي بتال وش يقول الشاعر
بتال ابتسم: يقول
العيال: اسلم
بتال: ان شفت زوله كني مبشر بخير..
ياحظ هلوه في مقابل عيونه..