وأنا جاهل في درب المُحبـين

البارت الثامن عشر

من الحين اسفه لكمية الضيم بهالبارت نعوضكم بالبارتات الجايه

قراءة ممتعه

كانت بمكان بعيد عن أهلها وتبكي وتصرخ وتستنجد تبغى احد ينقذها من الذكر اللي جالس يعتدي عليها وبس خلص سواته سحبها ورماها عند المزرعه ومشى
قامت وهي تحاول تغطي نفسها وتبكي دخلت وشافت اخوها وصرخت بقهر
ركض لها وانصدم من حالها وضمها بقوه
تشبثت فيه وكأنها تختبي داخله من العالم الموحش ما تبغى تبعد ابد
مسح على راسها : سناء شفيتس شصاير لتس
سناء وهي تبكي: ن نمر ي مازن هو هو اللي قاله أنا مالي ذنب والله والله ما سويت شي والله
أنصدم : شمسوي نمر ياعين اخوتس
نمر: هو اللي قاله والله مازن مالي ذنب والله اني ماسويت شي اي احبه وأعشقه بس مارخصت نفسي له ليش يسوي فيني كذا
حاول يفهم منها شي بس ماقدر كانت تكرر نفس الكلام
وقفها وساعدها تدخل وأخذها غرفتها عشان تهدا شوي
ركضت ل جدها : جدي الحق الحق
وقف: شفيتس شصاير
سحر: نمر ي جدي
فز قلبه بو نمر: شفيه
سحر وهي تبكي: نمر قال ل واحد يعتدي على سناء والحين هي بغرفتها تبكي
انصدموا
بو نمر: ولدي ما يسويها مستحيل
بو مازن بين واثق ان نمر ما يسويها وبين خايف يكون الكلام صح
بو فهد ناظر اخوه وهو مصدوم
بو نمر نظرات اخوانه ضايقته حيل وبعصبيه: مالقيتوا إلا نمر أقولكم ولدي ما يسويها
بو مازن: اسمعني ي ثامر ان كان ولدك مسويها بيتزوج بنتي ويستر عليها فهمت/ وطلع عندهم
مسك راسه وهو مصدوم بس ما صدق ف ولده متأكد مثل اسمه ولده ما يسويها
نمر بفرحه: واخيييييرا
مطلق: شفيك يخوي جعلها فرحة دايمه
نمر حضنه بقوه: مسكنا الثاني من عصابة محسن/ وتنهد براحه/ ماباقي إلا ٤ ونرتاح
مطلق: الحمدلله واخيرا بتعلم جدي
نمر: لا لين نمسكه ونرتاح بعدها كفايه يدري ان مسكنا واحد
مطلق: اللي يريحك يخوك امش ندخل
نمر: قدام/ ودخلوا
بو نمر بعصبية: قلت لك يبوي ولدي ماني مزوجه غصب
الجد: تثني كلمتي ي ثامر
تنهد بو نمر: ما اثنيها يبوي لكن ولدي ما ابغى أزوجه بالغصب
نمر استغرب
الجد: سويتها ي قليل الخاتمه قبل انكرت بس هالحين وش تنكر انت وسواتك وين نودي وجهنا من كلام الناس
مطلق: شمسوي اخوي
بو مازن اول م شاف نمر مسكه وعطاه كف طيحه بطوله
مطلق انصدم
دخل مازن اللي بعد عناء قدر يفهم من اخته وشاف نمر وراح له وهو مايشوف شي من الغضب اللي فيه وعطاه كف ثاني ومسكه من ياقته: ايا المخزي هذي نهايتك وانا اللي سميتك اخو وشديت ظهري فيك ف النهاية تكسر ظهري ي نمر تكسرني ب اختي
مطلق بعده عنه: احد يفهمني اخوي وش مسوي شفيكم عليه انتم
الجد: اخوك المخزي قليل الخاتمه قايل ل واحد يروح يعتدي على سناء
أنصدم حس الدنيا كلها تدور فيه
مطلق: شتقول انت من قال هالكلام نمر ما يسويها
نمر من الصدمه مشى
الجد : لو ما يسويها ما سكت ومشى
مطلق بعصبيه: اللي وصل لكم العلم منهو ابفهم وبعدين شلون تتأجرأو وتفكروا ف اخوي كذا وانت ي مازن عديناك اخو وانت من كلام تصدق ف اخوك كذا
مازن بعصبيه: اللي قال الكلام اختي ي مطلق اختي ضلع من ضلوعي لو الهنوف قالت لك وش ردك
مطلق بصراخ: كنت فهمت الموضوع قبل لا اصدق فيك / ومسكه من ياقته وناظر مازن وعيونه مليانه دموع: شلون تصدق ف نمر ي مازن
مازن بعده ومشى عنه
جلس على ركبه وناظر جده وعمامه: لا تكسرون ظهري ب اخوي لا تتبلون عليه وهو ماله ذنب لا تظلمونه
الجد: بيتزوج بنت عمه ويستر عليها وهذا كلامي
كانت حالة مطلق يرثى لها انضرب ب نقطة ضعفه اخوه تنهد بضيق لما شاف مافي أمل منهم وطلع يدور على نمر
عند سناء من اللي الخوف كان كل جسمها يرجف
ام مازن: بس يمه تكفين قطعتي قلبي
سناء وهي تبكي: وسخوني يمه وسخوني صرت قذره محد بيقبل فيني محد بياخذني يمممااااههه اااههه
ام مازن: بياخذتس ولد عمتس غصب خلاص يا امي لا تبكين/ وضمتها
سمر كانت مصدومه من اللي سمعته عن اخوها ودخلت ل غرفة سناء وسحبتها: شتقولي انتي
ام مازن بغضب؛ ابعدي يدتس عن بنتي
سمر: اعترفي ي سناء من اللي مسوي كذا انتي تدرين ان نمر م يسويها تدرررييين ان اخوي مستحيل يسوي هالحركات انتي تحبينه وتعرفينه عدل اعترررفيييي
سناء ارتمت بحضن سمر: والله احبه وأعشقه بس اللي سوا كذا قال نمر والله قال نمر /وانهارت بحضن سمر
الكل كان بحالة صدمه من اللي سمعوه
اما بطلنا كان يدري ان ربي بينصره وبتنكشف الحقيقة لكن كل تفكيره لو البنت اللي اخيرا اقتنع انه يحبها درت وش بتكون ردة فعلها بس نفض الأفكار كلها من راسه من دخلت ف راسه فكرة انها ممكن ما تحبه تنهد بضيق
ياشين شعور الظلم وانت بريئ نزلت دمعه حرقت خده انظلم حيل بحياته بس نفس كذا ماقد صار له
مسح دمعته لما حس بيد على كتفه
مطلق: هونها وتهون يخوك
نمر: ماكسر ظهري الا مازن ي مطلق ادري وفاهم ان صعب عليه وتبقى اخته
مطلق: ماعليه يخوك إلا م تنكشف الحقيقه
الهنوف وقفت قدام اخوانها ودموعها تنزل: نمر
نمر مسح دموعها: لا يخوتس لا تبكي وتكسرين ظهري بدموعتس تكفين
ضمته بقوه: من الحيوان اللي يبغى يأذيك مالقوا غير اخواني يكسرون قلبي فيهم
مطلق تنهد: هنو سألتوها طيب
بعدت عن نمر: سألتها سمر وتحلف انه اللي اعتدى عليها قال نمر
مسك راسه بألم يحس راسه بينفجر من التفكير دخل الإسطبل وركب الرعد وانطلق
فهد: يا سميّر اهدي تكفين مو زين لتس كل هالزعل لا تولدين الحين
سمر وهي تبكي وتأشر ع صدرها: بكت هنا وتحلف ان نمر اااهههه ياخوي ياحرقة قلبي عليك
ضمها عجز فيها تهدا وهي بشهرها السابع وخايف تجيها ولاده مبكره: تكفين يابعد قلبي والله كل شي بينكشف اصبري وادعي ربتس يفرج همه
—————
في حايــل
اليوم بيرجعوا لديرتهم ونجد فيها ضيقة الدنيا ما تبغى تروح عنهم حبتهم حيل
شيهانه: نجد ياملي متعب يناديتس
نجد: اللهم اجعله خير ياربي من اليوم وقلبي ناغزني
شيهانه: ليه
نجد: تذكرين ذاك اليوم
شيهانه: اي يوم
نجد: اللي ركبنا فيه الدباب
شيهانه: اييييي
نجد: من يومها ابوتس م يعايني ابد واحس عمي سالم  متغير شوي مادري ليه
شيهانه: لا تحاتي ياملي يلا روحي له
قامت وهي متوتره وطلعت لاخوها: لبيه ياملي
متعب: تعالي ياملي تعالي معي/ مسك ايدها ودخلوا المجلس وكان عمامها وعماتها وأبوها وأخوانها وبتال معهم
بو متعب: تعالي ي بنت
نجد: لي إسم ي طويرق
ناظرها بحده بس طنشت
متعب: اهرجوا وش العلم
بو متعب: ولدك ي ناصر غلط عند بنتي ولمسها
طيروا عيونهم بتال ونجد
بومتعب يكمل: حضنها وشالها بعد وانا مايرضيني وتوسخت البنت عشان تسذا اقول تزوجها بتال
ناظرت بتال بصدمه وكأنها تقوله"ليه تعلمه
ناظرها بتال بنفس النظره وهز راسه بالنفي بمعنى "ماقلت له
متعب: ابوي شنوحك هاللون ما سوا شين الرجال بنفسه علمني لو ما كان مجبور ماشالها
بتال: عمي بنتك فيها الخير والبركة لكن مابيها يناس ماسوينا شي غلط ابفهم شالتفكير
نجد راحت لين ابوها: انت بالذات مالك حق تتحكم بحياتي وبتال ماني متزوجته لو على قص رقبتي
بتال: حي عيييينتس ي اخت متعب والله أنتس كفو
متعب ضحك: اجل خلاص البنت ماتبيه وهو ما يبيها
ام تركي: بتاخذها ي بتال ورجلك فوق رأسك اجل تشيلها وتحضنها وش تبي الناس تحتسي علينا
بو سندس: حتسي عمتك صح
نجد مسكت راسها من تفكيرهم: ابفهم شي واحد فهموني لان مخي مقفل اللي صار بيننا وحتى احنا ماندري شلون وصل لكم الخبر شلون بيوصل للناس إذا انتم ما حتسيتوا
بتال: اتفق مع بنت عمي واختييييييي"شدد على الكلمة اختي"
نجد: جعل محد يتفق معي غيرك ي خوووووووي
متعب كان كاتم ضحكته من وضعهم
ام رعد: يا إخواني أنا أقول ترا بتال ماغلط معها بشين ولو أصلا ما شالها محدن درا عنها وجزاه الله خير
بو منصور: وهي صادژه بعدين يخوك انت شنوحك ليه ترمي بنتك هاللون كانك ما تبيها بآخذها أنا واربيها
بو متعب وقف بعصبيه: بياخذها يعني بياخذها غير هالحتسي ماعندي/ وطلع
بتال بعناد وصوت عالي: ماني مأخذها ماني مأخذها
قاطعته نجد بصوت عالي: غير هالحتسي ماعندي
وقامت هي وبتال وجت بتطلع بس بتال بعد بغى يطلع وانحشروا سوا
نجد دزته وطلعت
ام رعد: أقولك ي متعب ذولي ان اجتمعوا سوا الله يحسن خاتمتنا بس
متعب: وانتي صادژه ياعمتي يلا نحن بنمشي ورانا طريقن شطوله
ام رعد: توصلون بالسلامه ياوليدي
متعب: يسلمتس ربي يابعد حيي
ام متعب: م ودي نروح بس شنسوي بعد يلا مع السلامه
الكل: مع السلامه
ودعوهم وطلعوا ومسكوا طريقهم
طول الطريق وهي ساكته تفكر ف كلام ابوها تحس بقلبها يعورها ماتدري وش السبب ما تتخيل حياتها مع بتال هو مايعيبه شي بس هي ماتبيه مستحيل تكون زوجته ومستحيل تخلي ابوها يمشيها على كيفه
وليد: ياملي يا نجد
نجد ماردت
وليد: شنوحها من اليوم هاجده
متعب تنهد :ابوي يبي يزوجها بتال بس هي وبتال رافضين
وليد وشيهانه مع بعض: ووششووو
نجد مسكت أذنها: شنوحكم أنتم أذني راحت فيها
شيهانه: صدژ اللي سمعناه
نجد :وشو
وليد: بتتزوجي بتال
نجد كشرت: ويييييععععع مالقيتوا الا ذا
شيهانه: حطي عينتس بعيني تبينه ولا لا
نجد حطت عينها بعين شيهانه: لا
وليد: ليه شصار
شيهانه شهقت: لا يكون
متعب تنهد: اي عشان هذاك الموضوع ياملي
وليد: شموضوعه
متعب: احتسيلك بعدين
شيهانه: شلون دروا
متعب: مدري تهقين من سلمى ولا عهود؟
شيهانه: ماظنتي مدري يمكن إيه
نجد: والله ان طلعت سلموه ياويلها مني بتخرب حياتي ذي مع واحد راعي نياق لا وع الله لا يقولها
انفجروا ضحك من وضعها
——-
كان جالس بالبر وكلهم حوله الا مازن اللي قطع علاقته فيه
تنهد بضيق يحس الدنيا تسكرت بوجهه جده وعمه قاطعوه اخوه وصديق عمره قاطعه تمنى أنهم ماصدقوا فيه تمنى لو ان سناء تكذب عليهم
مطلق: يخوك ماودك تطلع اللي ف قلبك
نمر : يقول الشاعر
فلاح: اسلم وش يقول
نمر: وإن ودكم باللي حصلي تعرفون
‏اخاف من هرج العواذل لا ابتلو