وأنا جاهل في درب المُحبـين

البارت الثلاثين والاخير

كان يشرف على كل التجهيزات وده يحقق أمنيتها وده يشوف الفرحه بعيونها كان مُصر محد يشرف على ترتيب عرسه غيره.
مثل ما طلبت نجد هو ينفذ والفرحه ماليه قلبه انتظروا هاليوم كثير،،، صارت لهم احداث كثيرة خربت عليهم فرحتهم ودهم يعوضوا كل حزن ب حياتهم لفرح وده تكون هي اسعد وحده بالدنيا.
............
كانوا البنات كلهم مجتمعين ب الصالون
شيهانه: جاهزين ي بنات
لميس: جاهزين بس العروسه وين
سلمى: شوي وتخلص من جلسة المساج
الريم: يقلبي عليها بتفرح كثير
سوسن: قولوا ان شاء الله ما يغمى عليها من الفرح
الكل ضحك
طلعت واستغربت مابه احد: بنات وينكم
اخذتها العامله ل الغرفه اللي فيها البنات بس كانت ظلمة بلعت ريقها بخوف: إش في خير
شغلوا اللمبات وبصراخ: سسسبببررراااايززز
صرخت من الفجعة اللي جاتها
شيهانه ضمتها وهي تضحك: بسم الله عليتس
ناظرتهم وامتلت عيونها دموع كلهم حولها والكل فرحان لها جمعة بدون نفس ثقيله
سلمى: ياااهه لا تبتسين
نجد: فرحانه والله ما ابتسي من حزني بالعكس ابتسي من فرحتي
ضموها البنات
باقي يوم على اليوم المنتظر والبنات قرروا يسوون لها مفاجأة
شعور ان كل اللي حولك يحبك ويقدرك شعور ابد ما ينوصف من جماله.
الريم: يلا قصصصي الكيكة
قصتها وبدت تأكل البنات وهم يضحكوا
سلمى: جاهزه ل باتسر ياملي
نجد: الصدق متوتره مرره بس هالمره ما احس بخوف يعني توتر عادي
شيهانه: اي زين ماودنا والله احس ووالله مدري وش
ضحكت: لا مافي تطمني إلا سندس لقيتي فستان
سندس: والله الصدژ ينقال تعبت لين لقيت لي فستان ندخل فيه أنا وبطني
سوسن: هههههههههه
نجد: تهقون اقدر ارقص سامري بفستاني
العنود: اهجدي يبنت
شيهانه: اختي مالها طب ابد بترقص وقولوا شيهانه ما قالت
الريم: نتراهن
شيهانه ضحكت: جوووووي
الريم: أنا اقول انها ما بترقص
شيهانه: وانا اقول بترقص
سلمى: اجل مني ٢٠٠ إذا رقصت
سندس: ومني ١٠٠ إذا م رقصت
لميس: ومني ١٠٠ إذا رقصت
العنود: مني ٣٠٠ إذا م رقصت اسألوني عنها هذي لو احد شغل لاعبيني بالهوى تلقوها ترقص
نجد ضحكت عليهم
_________
عيلة الجد سلمان كلهم من كبيرهم ل صغيرهم راحوا حايل
وكلهم اجتمعوا بيت بو منصور
الكل بدون استثناء فرحان ل نجد وبتال
حتى ام مازن وبنتها راحوا حايل ب اجبار من بو مازن
لكن خوف خوات نجد وخوات بتال بدأ يزيد لما تذكروا وش صار لها حتى سلمى اللي ندمت انها طعنت نجد بيوم عرسها خافت من سناء لما شافتها
سحر كانت عينها على سناء تعرفها عدل وتعرف نظراتها وتدري انها بتسوي شي يخرب فرحة نجد
ام منصور كانت محاتيه هي بعد ما عندها استعداد تشوف ولدها يتعذب
ام منصور: اقول ام فهد
ام فهد: لبيه
ام منصور: هو صيته ناويتن على شي ولا أنا يتراوالي
ام فهد :من اول شاكه فيها بس ما بتقدر تطمني سمعت ان بو مازن مهددها بالطلاق لو سوت شي
تنهدت: اي خير ان شاءالله
"اي أكيد ام مازن ما بتسوي بس بنتها بتسوي"
اما عند البنات :
سحر: اييي نجد سمعت بترقصي وتراهنوا عليتس
نجد: مب صاحيين وربي
سحر: بس انتي هل بترقصي
نجد: تبين الصدق ودي بس مدري
ضحكت: اي خير ان شاءالله
نجد: فاهمتني ادريبتس
سمر وهي تلبس عزيز : بنات هالنتفه يصير اخليه عند الرجال
نجد: ليييييههه
سمر: عشاني برقص وين أحطه
نجد ابتسمت: عندي
العنود دخلت ومعها أكل: شرايكم نسهر اليوم
همس: ويييين يوخيتي نجد عروس لازم تكون مأخذه كفايتها من النوم
نجد: بس والله مافيني نوم تعالي نودي خلينا نسهر بحلل هالليله مو كل يوم تلقوني معكم
جلسوا على شكل دائره
عهود: نلعب صراحة وجرأة
البنات: يلا يلا
عهود: حلو شوفوا معي قاروره اللي عليها الغطا تسأل واللي عليها الجهة الثانيه تجاوب
وبدت تدور القاروره وطاحت بين نجد وسمر
عهود: حلو سمر تسأل ونجد تجاوب
نجد: الله يستر
سمر: صراحة جرأة
نجد: جرأه
سمر: اممممم ارقصي مصري
البنات تحمسوا وصفقوا
الجوري شغلت أغنيه طبطبة
قامت وبدت تهز على أنغام الاغنيه والبنات يصفقوا
جلست بتعب ورجعت شعرها اللي طال لورا: اااههه تعبت ههههههه
عهود: اقين يلا / ودورتها و كان اديم تسأل والريم تجاوب
اديم: صراحة جرأة
الريم: صراحة
اديم ابتسمت : اعترفي بسر محد يعرفه غيرتس
لما تذكرت بالسر اللي محد يعرفه غيرها حمرت خدودها
لميس: ااااوووهه شكله سر خطيييير
العنود: ققووولللييي
الريم: طيب طيب بقول. الصراحه اني حبيت منصور من قبل لا يتزوجني وصرت ارفض كل الخطاب عشانه ولما قالوا لي منصور ناصر ال.... جاي يخطتبس ماصدقت لين شفته بعيني ما أحكيلكم عن الفرحه اللي جتني بوقتها ووافقت بسرعه
البنات: اااوووووهههههه ححررركككااااتتتت
_____________
ف النفود
العيال كلهم مجتمعين
احفاد سلمان واحفاد تركي
بتال فرحته مو عاطيها احد كأنه اول مره يتزوج بس صدق هالمره مشاعره جدًا غير
متعب: يورع اهجد أشغلتنا خلنا نعرف نلعب نفس الناس
بتال: يخوي ابغى سامري اليوم ابغى ارقص ابغى أستانس شنوحك انت
وليد: قلنا زوجوه بيعقل بس اخذ وحدتن مثله
متعب: وانت صادژ يخوي
منصور: م عليك منهم يخوي أنا ارقص معك
بتال: يابعد حيي يخوي محد متعاطف معي غيرك
متعب: قصدك محد مسلك لك إلا هو
مسعد شغل ليتني وياه في وادي
بس الكل قام محد يقدر يسمعها ولا يرقص عليها
كان بتال ومتعب بالنص والباقي احد يمين واحد يسار