وأنا جاهل في درب المُحبـين

البارت السادس

جالس عند سعود اللي مُجبر يكون مع محسن لأنه مهدده ب عياله ويخطط كيف ينتقم من سلمان
سعود: محسن عجزت أفهمك
بو نجد: من يومك غبي وما تفتهم وش الجديد
سعود بغضب: احترم نفسك ي محسن
بو نجد: محترم نفسي من قبل لا أعرفك اسمع بس اللي بقوله ونفذه بالحرف الواحد
تنهد بضيق تعب من اوامره وتعب من حياته وده يقتل نفسه ويرتاح من الهم ذا
————
سمر: وش بتسوي يخوي
ابتسم: وش اسوي وانا اخوتس
سمر: السحليه سناء
قاطعها وهو يبتسم: ابد بخليها تكره اليوم اللي تمنت انها تتزوجني فيه
سمر بقهر: يعني بتوافق
نمر رفع أكتافه : مدري بتعرفي بعدين
ابتسمت له وباست راسه
نمر: تحبين الكعبه ي خيتي
وراحت سمر
مازن كان واقف بالإسطبل محتار ما يدري من يصدق الصوره اللي شافها ولا يصدق نمر عقله يقوله صدق الصوره وقلبه يقوله نمر مو راعي هالسوالف تنهد بضيق
ركان راح له :مازن
مازن نزل راسه
ركان بغضب: ارفع رأسك ي ولد سيف
مازن رفع راسه وهو متضايق من نفسه
ركان تنهد بضيق: شفيك يخوي لا يكون مصدق اللي شفته
مازن: مدري من اصدق ي ركان اصدق الصوره اللي شفتها ولا اصدق ان نمر ما يكسر ظهري ب اختي
ركان: انت تدري وش تصدق بس لان الموضوع فيه سناء خايف
مازن: ركان ابفهم شي واحد سحر ليه صورتهم ليه ما نادت احد إذا نمر مسوي شي طيب يمكن حتى مو سحر اللي مصوره يمكن احد ثاني يبغى يأذيني ب اختي يخوي عجزت افهم شي
ركان: اسمعني ي مازن أنا اقول كلم سناء يمكن هي تدري ما بتخسر شي إذا كلمتها تبقى أختنا الوحيده ومالها غنى عنا لازم نعرف كل شي منها
مازن: خايف انها تقول اخواني شكوا بشرفي واتهموني
ركان: اقول امش بس أنا مو مرتاح من ام السعف والليف صراحه من مشت عندها سناء تغيرت
مشى معه وراحوا داخل مازن رافض يكلم اخته ورافض حتى ركان يكلمها
كانت جالسه وخايفه حيل انها تنكشف: سحر قلبي بيوقف من الخوف
سحر: مو تقولي تبغي نمر ياخذتس هذا جدي قرر انه ياخذتس ليش خايفه
سناء: لان اللي سويناه غلط بغلط
سحر ناظرتها من فوق لتحت: ما كان غلط لما رحتي له
سناء: انتي قلتي لي
سحر: لو قلت لتس ارمي نفستس ف بير بترمين نفستس وتقولين سحر قالت لي؟
تنهدت بضيق
سمر جلست عند البنات يلعبون بلوت
جوري: الحين انتي مرتاحه ع الأخير ليه يعني مو من عوايدتس تجلسي كذا إذا الموضوع يضر نمر
سمر:تطمني يبعد حيي نمر يعرف وش يسوي وشلون يحل المشكله تهقين لو ماكنت معه ومتكلمين بجلس كذا مرتاحه
اديم:ايييييي وانا اقول
ترف: سميّر ترا فهد يبغى يكلمتس
سمر تنهدت توقعت وش بيقول لها :قولي له ما ابغى اكلمه
ترف طلعت له: تقول ما تبغى تكلمك
فهد بصوت عالي: بدخل ترا إذا م جيتي ي سمر
سمر بنفس النبره: كانك ولد أبوك تعال وأدخل أنا ما بجي
فهد: ترا بدخل تغطوا
سمر: ما يسويها خلونا نكمل  يبـ
وقاطعها دخول فهد و سحبها" من يدها وطلعها معه برا
شهقوا البنات
ترف: والله يعني قلت لها بس هي عيت
اديم ضحكت: مجنونه زوجة اخوي
ودخلت همس: بنات شفتو اللي شفته
مدى ضحكت: شفنا شفنا تعالي بس
همس: بس شكله معصب
مدى:اييييي مو سمور رفعت صوتها ع جدي وتجاهلت عمامي وفهيدان سمعها الظاهر عشان كذا
همس: يحليلتس ي سمور
الهنوف: اي والله يحليلتس يخيتي
أديم: ماعلينا منهم الحين خلونا نكمل لعب
ترف: ان غشيتي ي هنوف ذبحتس أقولتس من الحين
الهنوف: وجع ماغشيت أنا
اديم: حطي عينتس بعيني
الهنوف حطت عينها ب عين اديم:ها حطيت
ترف: بحاول اصدقتس عشانتس اخت سمور
الهنوف رمت عليها المخده: يعني مو عشاني بنت عمتس وبحسبة اختس
ترف: لا/ وطلعت لها لسانها
الهنوف: ابك م تستحين اكبر منتس ترا
ترف: لحووووووول ماعلينا يلا العبي
عند سمر وفهد
فهد: سمر
سمر : اسمع ي فهد ادري انك بتهاوشني بس اعذرني أنا اللي يأذي اخوي ادفنه ب ارضه واخوي خط احمر عندي كانك بتهاوشني ليش رفعت صوتي على جدي ف بقولك من الحين جدي ظلم نمر حيل وانا مستحيل اسكت فهـ
وقطع كلامها حضن فهد لها
استغربت وانصدمت واستحت وحست ب شعور ي ارض انشقي وابلعيني
فهد:ما ودي اتهاوش معتس ي روحي انتي ودي أكلمتس عن موعد عرسنا
سمر بعدت عنه: بس كنت معصب
فهد ضحك: خفتي يعني
سمر: لا ليش اخاف يعني
فهد: كنت معصب من جدي ي قلبي
————