وأنا جاهل في درب المُحبـين

البارت العاشر

ملاحظة قبل لا تبدوا لعلي سهيت ونسيت
اكتب لكم ان الكل يدري عن ورد ونجد بس نجد ما تدري ان هم أهلها وذكرت ان سمر ما تبغى زواجها يتم لان الكل متوتر عشان موضوع نجد ف أتوقع إنكم فهمتوا ان الكل يدري عن ورد ونجد"

أتمنى لكم قراءة ممتعه"
الكل كان بالحوش مجتمع للفطور وضحك وسوالف وهو كان جنب أبوه ببدلته ويضحك
الجد كان فرحان ان الضحكه رجعت لأحفاده وخصوصًا نمر وصار يشوفه ويفطر معهم
نمر وهو يضحك: تكفين ي سميّر ي عروق قلب اخوتس اعرسي واضح رجلتس بيموت علينا قريب
سمر استحت وحمرت خدودها
فهد: اي يخوي اقنعها عجزت فيها إلا تعرس بعد م تلقون بنت عمتي
نمر ابتسم لهم: لقيناها طيب
الكل ناظره بصدمه
نمر: موجوده عندي فالبيت
بو نمر لف له: شلون مادرينا
نمر: امس الليل يبوي كنتوا نايمين
الجده بلهفه: وينها بنت الغاليه
نمر: ترتاح ي جده اللي صار لها مو شوي سميّر هنو خلكم معها اليوم
فهد وقف وصرخ
بو فهد: شفيك يولد
فهد ضحك: بببعععرررررسسس بااااكككررر
مطلق ضحك: يورع اهجد تقل محد بيعرس غيرك
فهد: قلت لتس ي سميّر اني باخذتس اول م تدخل بنت عمتي البيت قومي اجهزي يبنت بكرا عرستس" وبدا يرقص وهو يضحك والباقي يضحكوا عليه"
كانت تشوفهم وهم فرحانين وقدرت تميزه بينهم وابتسمت
عبير اللي فرحت لما شافت ابتسامتها: وش شفتي عشان البسمه من الأذن للأذن
نجد لفت لها: حياتهم حلوه ي عبير
عبير بداخلها:" لو تدرين أنهم اهلك وش بتسوي"
تنهدت: ودي اطلع شوي
عبير: بس نمر ما سمح لنا نطلع ي نجد
نجد حست بألم قوي برأسها وجلست
عبير قامت لها: نجد انتي بخير
نجد فتحت عيونها بألم : بخير بس حسيت بألم قوي ع راسي
عبير: اثر الطيحه اللي طحتيها ي قلبي طبيعي تحسي بهالالم بس تطمني سوينا أشعه وما تضررتي
وقفت واتجهت للباب:بطلع أنا شوي
إلا وتدرعم سمر وفتحت الباب بقوه وطاحت نجد
شهقت الهنوف: بنت شفيتس انتي الناس تفتح الباب شوي شوي
انحرجت وساعدت نجد تقوم: اسفه بس يعني كذا تحمست أشوفك
ابتسمت لها: حصل خير
عبير همتس ب أذن سمر: ما تدري أنكم أهلها
ناظرتها بصدمه شلون ما تدري تنهدت بضيق وهزت راسها ل عبير
نجد ناظرتهم: شفيكم
سمر بلعت ريقها: اممم شسمه ذا أنا سمر وهذي اختي الهنوف 
الهنوف ضمتها: هلابتس يقلبي
نجد جلست وهي تحس بألم ف رجولها: حياكم اجلسوا
سمر والهنوف جلسوا جنبها وكانوا يناظروها بحزن ع حالها
وشوي ويدخلوا كل البنات حتى سحر وسناء
اديم: ي خاينات تروحن بدوننا ما هقيتها منكن
ترف: لنا الله ي خيتي سميّر لقت غيرنا
مدى تمثل الحزن: يلا يا قلبي سرينا ضاقت الدنيا علينا
همس تكمل مع مدى: مشينا مشينا ماعادت تبينا
ضحكت نجد ع شكلهم وضحكوا البنات
مدى: أحم أنا مدى عادي تقدري تقولي لي مدمد
جوري: وانا جوري أخت مدى
اديم: وانا اديم وهذيلا خواتي ترف وسحر
همس: وانا همس ماعندي خوات
سمر: وانا سمر وهذي اختي الهنوف
ابتسمت لهم: وانا نجد وهذي صديقتي وأختي عبير
سناء ناظرتها من فوق لتحت وكيف واضح عليها التعب وآثار الضرب واضحه ب أيديها ورجولها
سناء بقرف: وش ذااا وع تقرفين
ناظرتها نجد بحده: مو عاجبك اطلعي برا
سناء: وش شايف نموري فيتس يوم انه جابتس هنا ولا بعد حطتس قريب غرفته تقرفين واضح بنت شوارع
البنات شمقوها وهي ما اهتمت ابد
سناء بدلع: بسراحه نمر ختيبي"خطيبي" ابعدي عنه فهمتي يا (وناظرتها من فوق لتحت وضحكت) ي بنت الشوارع/ وطلعت
الكل مصدوم منها
حست بألم بصدرها وبدت تتنفس بسرعه
عبير: بنات اطلعوا إذا ماعليكم امر
طلعوا البنات
عبير: نجد اهدي اهدي
نجد بلعت ريقها وناظرت عبير: قالت عني بنت شوارع؟
عبير: لا ابد ما تقصدك
مشت ب اتجاه الباب وهي تعرج من ألم رجولها وبصراخ: وييينننهااااا
سمر: منهي
نجد: المخزيه قليلة الخاتمه اللي "وقالت وهي تقلدها"ختيبي نموري وييييننهاااا
كتموا البنات ضحكتهم
طلعت من بيت بو نمر وهي تصرخ وتنادي
التفتوا الرجال ل الصوت
الجد بغضب: يا قليلات الحيا ما تستحن تصرخن قدامنا
نجد شافتها جالسها بين الحريم وراحت لها وسحبتها
ام مازن: هييي من انتي شتبين ف بنتي
نجد عطت سناء كف طيحها الأرض بس نجد تألمت اكثر لان للحين جروحها ما طابت
سناء صرخت: لحقوني بتذبحني بنت الشوارع
نمر أنصدم وكان بيروح لها بس انصدم من نجد اللي بدت تضرب ف سناء: اجل أنا بنت شوارع ياللي ما تستحين
بعدها بو مازن عن بنته: من بنته انتي
نمر احتار يقولهم انها نجد لان محد شافها ابد ولا يعرفوها وبنفس الوقت خاف على نفسيتها لا تتدمر
عبير دخلت بينهم وسحبت نجد من يدين بو مازن وبعصبية: قبل لا تهاوشوا بنات الناس امسكوا بنتكم وعلموها الأدب
ام نمر: عبير يمه من هذي
عبير: هذي نجد
الكل انصدم
نجد استغربت من نظراتهم لها وناظرت عبير: شالسالفه تقل شايفين لهم جني
نمر: عبير ادخلوا
عبير: يلا نجد مشينا داخل
قبل لا تروح رفعت إصبعها بتهديد ل سناء: علمن يوصلك ويتعداك ي قليلة الحيا ان تكلمتي عن اهلي قصيت لسانك فهمتي/ ومشت
الجد: بنت ورد ي نمر
تنهد :بقولكم السالفه كلها" وبدا يقولهم كل اللي قراه ب مذكرة ورد وان أبو نجد هو طارق بنت تركي سليمان ال..... وعن كل اللي مرت فيه نجد وختم كلامه": وهي ما تدري ان نحن أهلها
مسك راسه الجد: شلون ما تدري ليش ورد ما قالت لها
نمر: لما حست انها بتموت قريب كتبت رساله ل محد تعلمها عن كل شي
مطلق: يعني احتمال كبير ان محسن له يد بموت عمتي كنا على وشك ان نمسكه لكن هرب
نمر: وكان على وشك ان يقتل نجد بس لحقنا وجبتها هنا
مسك راسه بندم هو السبب الاول والأخير لكل اللي صار لبنته وحفيدته
نمر وقف: أنا بقول لها إنكم آهلها بس لا تضغطوا عليها بتحتاج لوقت لين تستوعب ان لها أهل / ومشى
الجده بكت: بنتي راحت وتركت لنا امانه وما صنّا الامانه ي سلمان
ام فيصل: يمه حبيبتي صار اللي صار وهذي بنت الغاليه معنا الحين بنصونها ونداريها لا تحاتي
ام نايف: اي يمه مثل م قالت حصه اهذي تكفين لا يصير لتس شي
دق الباب وطلعت له عبير: جاي تقول لها
نمر: اي
تنهدت : تفضل حياك
دخل وسحب كرسي وجلس قدام نجد: نجد
نجد: مشكور ع المساعده م قصرت
ابتسم لها: ما سويت إلا واجبي بس جاي اقولتس انتي بين اهلتس منتي وحيده
ناظرته بصدمه: م فهمت
تنهد نمر وشبك يدينه ببعض وكان متوتر حيل ما يعرف شلون يفاتحها بالموضوع: بقولتس الحين بس ماعرف من وين أبدا
نجد: كيف أنا بين اهلي وانا ما أعرفكم اشرح لي
بلع ريقه وبدا يقول لها كل شي وسلمها دفتر مذكرات امها مع الرساله اللي كان فيها اعترافها ان نجد بنت طارق مو بنت محسن
مع كل كلمه يقولها كانت تنزل دمعتها
نمر: استأذن أنا /وطلع
.
.
.
نوقف هنا رأيكم وتوقعاتكم
لا تنسوا النجمـة✨
الكاتبـة نجـد✍🏻