وأنا جاهل في درب المُحبـين

البارت السابع عشر

ملاحظة:-
"توني أتعلم ع لهجة أهل حايل ف ممكن تكون اللهجة مضروبه شوي بس حاولت اكتبها بشكل يكون مفهوم"

وأعذروني ع التأخير

قراءة ممتعة✨
كانت الأجواء باردة حيل والبنات جالسين بالحوش والعيال طالعين البر والحريم داخل والرجال بالمجلس
عند العيال ف البر
مجتمعين حول شبة نار ويسولفوا
الا ويقوم بتال: اسمعوا عندي لكم نكته
زايد: اسلم
بتال: يقول في واحد اسمه مسعد كبر وصار اصنصير
الكل سكت محد ضحك
بتال: ابك شفيكم ساكتين
متعب كاتم ضحكته
مسعد خويهم وراه كان ويسمعه : تستظرف انت ورأسك
لف وشافه ابتسم وحب خشمه: هلا ب اصنصير اقصد مسعد شلونك شخبارك
مسعد حاوط رقبته وضرب راسه: هذا اللي يبي له تصفيق
ضحكوا العيال
بتال: اسمع طيب في وحده ثانيه يقول في نمل يلعبون كوره ومعهم صرصور ليش
مسعد: ليش
بتال وهو يضحك: لأنه لاعب اجنبي هههههههههه
مسعد: جيتك ي بتال وش النكت الميته ذي
انحاش عنه بتال ووقف ورا اخوه منصور: طيب في غيره اسمع انت ان عجبتك تجيب ٢٠٠ وان ما عجبتك أنا أعطيك ٥٠
مسعد: خير خير شايفني وش يوم اني أعطيك ٢٠٠ وانت تعطيني ٥٠
بتال: شايفك مهندس يخوك وانا يحليلي فقيّر راعي نياق وبر وماعندي شي
مسعد مسك راسه: ياكبرها عند الله عندك محل ذهب شكبره تقول ماعندك شي
بتال: طيب أزود السعر واخليه ١٠٠
تنهد منه: طيب طيب هات
بتال: يقولك في نمله عجزت تدخل من تحت الباب ليه
مسعد: سهله لابسه كعب هههههه
وليد انسدح من الضحك على النكت اللي يقولها بتال
مسعد: يلا حبيبي اشوف وين ال ٢٠٠
بتال مسك راسه: تونا قلنا ١٠٠ متى أمداك تزود
مسعد: تختلف الشروط يابعد حيي أنا اللي جاوبت يعني أنا اللي كملت النكته الميته اللي قلتها
بتال: إسمع آخر وحده والله يقولك في مطوع قطع إذنه ليش
مسعد بتهديد: بتالوه اسمع
قاطعه بتال: يخوي شفيك فنّك "أتحداك "م تضحك
تنهد: ليش
بتال وهو يرفع ثوبه يجهز للنحشه يدري ان بتجيه نعال ف راسه: فيها طبله
مسعد نزل يمسك نعاله بس ماشاف الا غبار بتال: وينوه
هزاع: شفه هناك" واشر له وين راح بتال
وركض مسعد وراه بس فطس ضحك لما شاف بتال طايح ع وجهه
بتال وهو يبعد الرمل عن وجهه : هين ي اصنيصير
مسعد: تستااااهل
متعب ضرب راسه
منصور: وشنوحك
متعب: يخوك نسيت وخيتي تبغى تروح تفحط
زايد: من متى البنات يفحطن
متعب ابتسم: من صرت اخوهن/ وقام عنهم
———-
نجد :شوشو تأخر متعب
فز قلبها: بيجي
نجد: اي بيجي بنروح نفحط
هند: اجي معاكم؟
شيهانه: بدون م تقولي أصلا بتجي
ابتسمت وهي تحس فراشات ف قلبها
لميس شهقت: بدووووونييييي يالخاينات
شيهانه: مانروح بدونتس أصلا
ام رعد: شيهانه اخوتس وصل
نجد قامت: واخيييييرا طفشت
العنود تكتفت وتمثل الزعل: افا ي بنت عمي طفشتي مننا ماهقيتها منتس
نجد: لا يعني مو قصدي
ضحكت العنود: امزح معتس أصلا بروح انام
ام رعد: يلا ازعجنا اخوكم
نجد: يلا يلا
طلعوا البنات وركبوا السياره وراحوا البر
نجد: متعب
متعب: لبيه ياملي
نجد: خلني افحط
متعب: تعرفين؟
نجد: شلون م اعرف وانا اخت متعب
ابتسم ونزل وركب مكان الراكب وهي ركبت مكان السايق
شيهانه: الشهااااده ي بنات
لميس: اشهد ان لا إله إلا الله
هند تكمل: واشهد ان محمدًا رسول الله
ضحكت نجد: شنوحتس انتي وياها يلا بسم الله
وبدت تفحط فيهم والبنات صراخ ونجد ومتعب يضحكوا
متعب: منتي بهينه ياخت متعب
نجد ضحكت ونزلت الهاند بريك وداست ع الريس وانطلقت سييييده
متعب: وين رايحه يبنت
ناظرته وابتسمت وناظرت قدامها إلا وبلحظة غير متوقعه كانت بتصدم جلسة العيال
كان زايد ماسك العود ويعزف وبتال يهز ويضحك
هزاع وهو يضحك: وين بو منصور عنك والله يكسر فيك العصا
بتال: يخوي خلنا نستأنس شوي دامه مابوه
منصور صرخ: ي عيااااال ابعدوووو
لف وراه وشاف سياره مسرعه جايه صوبهم جمد مكانه من الصدمه
متعب بصراخ: وووقققفييييي يبنت بتصدمييي
ضربت بريك بقوه وضرب راسها بـ الدركسون وكان شعره بس وتصدم بتال
متعب ناظرها وهو يحس قلبه وقف: نجد ياملي
ناظرته وهي تضحك من الخوف اللي جاها شوي وتذكرت اللي قدامها: ما صدمته صح
متعب ناظر بتال اللي متجمد بمكانه: لا ياملي م صدمتي
شافته وبلعت ريقها لو متعب م صرخ كان بتال بيروح فيها
نزلت وهي معصبه وسكرت الباب بقوه وراحت لبتال : انت ما تشوف شفيك واقف ف الطريق
بتال رمش عيونه اكثر من مره نزل راسه شافها كان فوق الطول بينهم مره كبير : منهي ذي الصغيّره
طيرت عيونها: أنا صغيره ياللي م تستحي ي عمود كهربا ي زرافه غميييييضه يوم اني م صدمتك/ ومشت عنه
بلع ريقه اول مره بنت تكلمه بهالاسلوب ناظر متعب: منهي ذي
ابتسم متعب: نجد انت بخير ماصارلك شين
بتال شد ع ايده: ماصار يخوي
متعب ربت ع كتفه: حقك علي
ابتسم له ومتعب رجع لاخته
نجد كانت معصبه حيل مجرد تفكير انها كان من الممكن انها تصدمه أرعبها وكانت ايدها ترجف شدت ع الدركسون
متعب: أسوق عنتس ياملي!
نجد م ردت عليه ومشت للبيت
—————-
صباح اليوم الثاني
مجتمعين الحريم والبنات داخل والعيال والشياب بالمجلس
لميس وهي تضحك: والله راحت عليكم امس نجد فحطت فينا تفحيط
ام متعب شمقت نجد: من متى البنات يفحطن
نجد ابتسمت: من يوم صار متعب اخوي
هند: مو بس تسذا كانت المجنونه بتصدم بتال
ام منصور شهقت: ياويلي على وليدي
نجد: والله هو واقف بالنص تقل عمود كهربا م يتحرك
العنود ضحكت: يويلتس من الله ينجد كنتي بتذبحين اخوي
نجد: اي احسن تفتكين منه شتبين فيه من زينه عاد
ام منصور: نجدي تبين تصفيق ياملي!
قامت وباست خشمها وضمت وجهها: والله اني احبتس
ام منصور تحاول ما تضحك على حركات نجد: ما هقيتها منتس
سحبت خدودها وهي تضحك
ما تحملت وانفجرت ضحك
""ام منصور كانت تحب ورد حيل بس حركات طارق ماكانت تعجبها ابد ويافرحتها لما عرفت ان في بنت لطارق من ورد""
تنهدت براحه من لما جت وام منصور معها تحسها مثل امها توها ثاني يوم بس كانت تحس براحه غريبه معها
كان يركض حولهم بدون بنطلونه ويضحك
الريم "زوجة منصور" تنهدت: ناصر يماما ما يصير تسذا تعال البس
ناصر وهو يضحك: لااااا / وركض وحضن نجد
ابتسمت له وباست خده: وين الملابس ي نصور
ناصر: تلبسيني
نجد: من عيوني ألبسك ي قلبي انهج(رح) جيبه
راح لامه وآخذ بنطلونه ورجع لنجد تلبسه
ناصر: ماما ياويسها
ضحكوا البنات عليه
ناصر: بتزوجتس يوم اكبر
نجد: ابشر انتظرك لين تكبر
باس خدها وراح لابوه
نجد: الحين اشرحولي وش يعني ياويسها
الريم: يعني ي زينها
نجد: ياابعد حييي
—
عند الرجال
بو منصور ضحك يوم وصله العلم ان نجد كانت تفحط وبغت تصدم بتال: قوية هالبنت
بو متعب: اخيييييه "فشيله"
بتال: والله انها وقفت قلبي
متعب: انت مصخم "حظك ردي"
بتال: من جيت انت صرت أنا مصخم
متعب شمقه:شقصدك
بتال: ابد م قصدت شي
ناصر ركض لابوه: بابا أنا بتزوج
منصور طير عيونه
ضحكوا الجماعه اللي جالسين
منصور: منهي سعيدة الحظ اللي بتاخذ ولدي
ناصر: نجد
متعب طير عيونه: ابك م تستحي ي وغد "طفل"
ناصر طلع لسانه: لا أبيها أصلا قالت ما بتتزوج لين اكبر حتى هي اللي لبستني اليوم
وليد انسدح ضحك
بتال: وانا عمك شلون تأخذ وحده تلبسك وفوقها بغت تذبح عمك
ناصر: أبيها وأحبها
مسك راسه بو منصور من كلام حفيده: وش نوح وغدك هاللون ي منصور
منصور وهو يضحك: دام عمته العنود أكيد بيصير هاللون يبوي
—————
نرجع ل عايلة الجد سلمان
نمر: لا وين يا رجال خلني عزوبي يزيني
سلطان: شرايك نتزوج أنا وانت
نمر: تزوج انت ومطلق أنا خلوني مرتاح كذا
بو نمر: مطلق م يتزوج قبلك
مطلق: وانا وش ذنبي يبوي
بو نمر: تبغى الناس تقول تزوج الصغير قبل الكبير
مطلق بهمس: اذكر انها تنقال للحريم
نمر: يبوي شعليك من كلام الناس
قام مطلق يرقص ويطق إصبع: وش علي أنا من الناس ووش على الناس مني
بو نمر مسك عصاته بس مطلق شافه وانحاش
الجد :زوجه ويعقل
بو نمر: كل الناس تعقل إلا مطلق يجنن العاقل
شافته يركض ماسك ثوبه ب اسنانه وعقاله بيد وشماغه بيده الثانيه
ابتسمت لا شعويًا :يحليلك ي مطلق
الهنوف: واخيرًا اعترفتي
اديم تنهدت ولفت لها: خايفه ي هنو خايفه يكون مايحبني خايفه يكون مو من نصيبي خايفه يجي يوم ويموت الحب اللي بداخلي في أشياء كثيره بداخل صدري مخوفتني
الهنوف: والله احس انه يحبتس ويموت عليتس
اديم: مدري يختي
ترف: ماشاءالله جالسين بدوني ما تحبوني وش الخيانه هذي
مدى شهقت: بدوووووونننييييي تأكلوا ورق عنب يا خاينين
همس بس سمعت ورق عنب جت على طول: وينه وينه
اديم ضحكت: تعالن تعالن م خلص تونا بدينا فيه
همس رسلت لها بوسه ف الهوا: ياحبي لتس بس
سناء: احس انه قريب بيخطبني
سحر بفرحه: وناااسسهه وصلتي ل مرادتس
سناء: سمعت ان جدي بيجبره ياخذني
سحر: من وين سمعتي
سناء: امي
سحر: لو طلع م يحبتس
سناء: المهم أنا احبه ادري انه ما يحبني وادري انه يحب غيري بس معصي ما تاخذه مني احبه من لما كنا صغار ودايم تقول لي امي ماتاخذي غير نمر واخيرًا قرب يجي هاليوم
سحر: اي والله واخيرا أصلا نجد مستحييييل تاخذه دامها راحت حايل انسي انها ترجع م تشوفينها من راحت م جت
سناء ابتسمت وجلست تفكر شلون تجذب نمر لها ما تدري ان نمر صار غرقان ف نجد
————
محسن بقهر: لو تكلم عدنان بنروح فيها كلنا
سعود:تطمن مابيتكلم يعرف دامه ساكت بتجيه فلوس
محسن: نجد مافي اخبار عنها
سعود: راحت حايل
محسن: هين ي نجد وين بتروحين مني ذابحك يعني ذابحك
__________
عهود: تمزحيييي شلوون
سلمى: مدري بس احس قلبي يفز كل م شفته
عهود: تبين اظبطه لتس
سلمى: ماقول لا صراحه
ابتسمت: م طلبتي شي
العنود اللي جت ع آخر كلمه : ليه وش طلبت هي
عهود بكذب: كنافي "كنافه"
العنود: هالحين آخر الليل ؟
سلمى: جت بخاطري بعد شسوي
العنود: مالتس طب انتي ابد/ وراحت عنهم
شيهانه: شنوحتس يوخيتي
نجد: احاتي سميّر اذكر البنات يقولوا حملها صعب وتعبانه
شيهانه: لا ماعليها باس ان شاءالله إلا بسألتس
نجد: اسألي
شيهانه: شجاتس ع بتال تهاوشينه
نجد: روعني"خوفني" يوخيتي بغى قليبي الصغيّر يطيح كنت بدعسه
ضحكت شيهانه: بس شكلكم مع بعض تووووحفه يعني ان شاء الله
وقاطعتها نجد: لا تقولي تكفيييييين طلبتس
ضحكت عليها : تحبين!
نجد: منييييين يحسرهه وينه اللي يعاين" يناظر" وجهي دايم اللي يطلعون لي مجانين بس انتي الله يرزقتس بشخصن يحبتس وتحبينه
شيهانه: لا يوخيتي ماااودي أنا أقول خلينا ننام
نجد: وانا اقول تسذا بعد
وناموا
اليوم اللي بعده:-
البنات ف المطبخ ماعدا سلمى وعهود
نجد: لا يقلبي م تسوين بيض اقولتس جلدي يحترق منوه ما اقدر اكلوه
سوسن: جربي يوخيتي مابتخسرين شي
نجد: هذي اللي تبغى تصفق
لميس وهي ماسكه جوالها وتقرا: يقولو يا سويسن البيض يسبب حساسيه يعني البنت صادژة
سوسن: لحول طيب طيب بسوي بس لا تاكلينوه
نجد: طيب إلا بقولكم مابوه فعاليات اليوم
العنود: الصدژ سمعت بتال يقول بنروح البر نخيم كم يوم
شيهانه: احلفييييي
العنود: والله
شيهانه: ونااااسسسههه
ضحكو البنات لان شيهانه تموت ف شي اسمه بر
لميس: عاد انتي ياحبتس للبر
ودخلت سندس اخت سوسن: سمعت ان بنت العم الجديدة وصلت وينها وراكم م علمتوني عنها
سوسن حضنت اختها: شلونتس شخبارتس
سندس: طيبه الحمدلله
سوسن: مابغى يفك منتس الوغد
سندس ضربتها ع راسها:  ترا رجلي ي بنت
سوسن: إلا رجلها ماترضى عليه
سندس: إلا رجلي ما أرضى عليه ههههههه
نجد: هلابتس بنت عمي
سندس شهقت: يااااوويييسسسسييييي
نجد استغربت منها: شنوحتس
سندس: تحتسي زينا
شيهانه ضحكت: ليه شلون تبيها تحتسي
سندس: مدري /وحضنتها/هلابتس بين اهلتس يابعد حيي/ وبعدت
نجد ابتسمت لها
سندس: امي وين سويسن ماشفتها
سوسن:تلقينها مسيّره عند الحريم
العنود: لعنبوتس يبنت قومي ساعدي
عهود وهي تحط مناكير: ما ابغى بيخرب مناكيري
العنود شمقتها ومشت عنها
تجمعوا بعدها الحريم والبنات بالصاله والرجال والعيال بالمجلس
بتال: م تبون نروح النفود
رعد: مشينا يخوك
وليد: تم قدام أنا اقول نروح الليله كلنا نخيم لنا كم يوم
متعب: نبغى دبابات ي بتال هذاني أقولك
بتال: بس تم ابشر /وبصوت عالي/ ها ي الشياب تبون النفود
بو منصور مسك عصاه: ايا قليل الخاتمه نحن شياب
بتال: ابد من قال أنا الشايب يالغالي
ضحكوا العيال دايم يتوهق مع ابوه
بتال: اقول علموا عمتي فاطمه عن روحة النفود لا تغيب الشمس علينا
——————
وصلوا النفود وجهزوا المكان والحريم بصوب والعيال بصوب
بو متعب: قم ي متعب سو لنا كبسه
بو منصور: والله م يسويها إلا بتال
بو متعب: يا رجال خل متعب يسوي
بو منصور: حلفت م يسويها إلا بتال قم قم ي ولد
بتال كان يتهاوش مع العيال
رعد: يلا ي راعي النفود سوها
بتال: غميييييضه فيكم بس بسويها عشان ابوي ولا انتم ما تستاهلون/ ومشى عنهم وهم يضحكوا
نجد: اقول شيهانه
شيهانه: قولي ياملي
نجد: ودي اروح ل الدباب
شيهانه: قومي ياملي نروح أنا وانتي
عهود: سلموه قومي طيب
سلمى: مابي
عهود: بتال بتلقينوه هناك
سلمى قامت: مشينا اجل
وصلوا عند الدبابات نجد وشيهانه كل وحده ل حالها وسلمى وعهود ف دباب واحد
شيهانه: جاهزه ياملي
نجد: جاهزه يابعد حيي
وانطلقوا البنات
وكانوا مغطين وجههم
بتال شاف بنتين توقع خواته العنود وعهود سحب ع الكبسه وخذا دباب ولحقهم
سلمى بفرح: عهود شوفيه يلا مشينا
ابتسمت هي تتمنى سلمى ل بتال وانطلقوا
بتال كان ناوي يمقلبهم وصل لين عندهم وصار يفحط حولهم وكان لاف شماغه على وجهه مايبين غير عيونه
ونفس تكفير شيهانه ونجد يفكرونه متعب
نجد: ياملي لا تتحداني/ وصارت تفحط معه
اما شيهانه وقفت تصور
وصاروا هم الاثنين يفحطوا وشيهانه تشجع وتصور
وصلوا عهود وسلمى وسلمى انقهرت لما شافته مع نجد
سلمى: وش تسوي نجد مع بتال
شيهانه انصدمت : هذا بتال؟؟؟؟
سلمى: اي بتال
شيهانه: والله احسبه متعب
عهود: من يومها نجد من جت عندنا وهي لا حيا ولا مستحى
شيهانه بغضب: لا بارك الله فيتس كانتس تقولين عن اختي م تستحي إلا انتي الي م تستحي
عهود: يوم انها تستحي وراها تفحط مع اخوي
شيهانه: تحسبه متعب
وهم يفحطوا إلا ويصدم دباب بتال دباب نجد ويطيحوا هم الاثنين وتدحرجوا من فوق
بتال خاف عليها وحاول يثبت نفسه
نجد كانت تتدحرج وصدمت فيه وهو حضنها
شيهانه بخوف: نجد ياملي نجد
بتال استغرب"نجد!" وبصوت عالي: انتي العنود؟
شيهانه: أنا شيهانه
سلمى وعهود ركضوا لهم
سلمى: بتال انت بخير
نجد بصدمه "بتال!"
ناظروا بعض هم الاثنين وكل واحد مصدوم ان الثاني مو اخوه
بعدت عن حضنه وهي تحس نفسها مكتومه
بتال بعد شماغه: ابو ناصر ابوه والله اني احسبتس العنود اسف يوخيتي ماصيدي"ماقصدي"/ ومشى
نجد : شيهانه
شيهانه راحت لها : ياملي شنوحتس
نجد اللي من قوة الطيحه اللي طاحتها داخت: راسي
مسكت ايدها: نجد ياملي اجلسي
بتال كان بمشي وهو مصدوم منها وشوي وتذكر صح العنود تسوق الدباب بس م تفحط فيه وعهود نفس الشي حس بكتمه لما تذكر انه كان حاضنها وقطع تفكيره صراخ شيهانه
رجع يركض وشاف نجد طايحه وناظر عهود: اركضي ي بنت علمي متعب/ وراح لهم
شيهانه: نجد ياملي قومي شنوحتس يوخيتي
حالوا يصحوها بس ماصحت ومتعب تأخر او بالأصح عهود ماراحت تناديه لان سلمى منعتها قالت خلها تموت مابيشيلها
بتال ب احراج: عذريني ي اخت متعب بشيلها
شيهانه تدري مالها غير هالحل: شيلها
شالها وهو منحرج بس ماعنده إلا هالحل وركبوا الدباب وشيهانه ساعدته ف نجد
بتال: ترجعي لحالتس؟
شيهانه: اي بس تكفى اروج "استعجل" لا يجيها شي
انطلق بتال ونجد بحضنه وشيهانه وراهم
سلمى بصدمه: شلون
عهود تنهدت: قلت لتس اخوي راعي فزعات مابيخليها امشي نرجع
وصلوا الخيمه
بتال بصوت عالي: تغطن تغطن بدخل/ ودخل وهو بحضنه نجد وحطها
ام رعد بخوف: شنوحها
شيهانه ودموعها تنزل: طاحت من الدباب وتدحرجت وبعدها طاحت علينا
بتال طلع بسرعه كافي عليه الاحراج اللي جاه
بو منصور بصراخ: وين غديت "وين رحت
بتال : السموحه يبوي متعب يخوك بغيتك
استغرب ان ولده هاجد كذا بالعاده يبربر فوق راسه
متعب راح معه وطلعوا برا
بتال وهو يحسب ان متعب عنده علم عن نجد: السموحه يخوك شلت اختك يوم انك ابطيت
متعب طير عيونه: شتقول انت اي اخت وليش تشلها
بتال: نجد يخوك م علمتك عهود
متعب: م جتني أصلا شفيها نجد
تنهد بضيق: يخوك شفت يوم اني رحت اسوي الكبسه إلا وشفت بنات رايحين بالدباب واتحسبهن خواتي ومشيت وانا مغطي وجهي ب شماغي وجلسنا نفحط وبعدها صدمتها والله والله ان ماصيدي اصدمها وتدحرجنا وقفت نفسي ومسكتها بعدها جت شيهانه تقول نجد طاحت قلت ل عهود تنهج تناديك بس ابطيت وانا جبتها / ونزل راسه: اسف
ربت ع كتفه وشكره ان جابها وراح يشوف اخته
شيهانه شافته وحضنته
متعب تنهد: اااهه يابعد حيي وش موديتس انتي وياها
شيهانه: كان ودها نروح ومابغيت أقولها لا
باس راسها وبحنيه: حصل خير ياملي لا تبتسين وينها الحين
شيهانه: داخل عندها عمتي
متعب بصوت عالي: تغطن بدخل/ ودخل وشاف اخته جالسه تقدم لها وحضنها : وش توجسي ياملي
نجد: بخير ياملي ما يوجعني شي
متعب: تبين ننكس البيت
نجد: لا والله خلنا مستانسين
باس راسها بعد م تطمن انها بخير وطلع
تنهدت بضيق وين م راحت لازم تجيب العيد
——————-
محسن: فاهمني بعد اسبوع أبيك تصدمه ويموت
سعود: ابشر ماطلبت شي
ابتسم بخبث: وجاك الموت يا تارك الصلاه
.
.
.
.
نوقف هنا
رأيكم وتوقعاتكم
لا تنسوا النجمـة✨
الكاتبـة نجـد✍🏻