وأنا جاهل في درب المُحبـين

البارت الحادي عشر

كانت تقرا رسالة امها وهي مصدومة ودموعها تنزل
قرتها مليون مره وهي تبكي تعذبت حيل من شخص ظنته ابوها بس طلع زوج امها طلع عندها أبو ثاني مايدري عنها
عبير مسكت يدينها: نجد
نجد وهي تبكي: ابوي مو ابوي ي عبير شوفي /ومدت لها الورقه: بكل برود كاتبه اني بنت واحد ثاني شوفي وش كاتبه بغيتك ي امي تعرفين من انتي ومن بنته ومحسن هذا مو أبوك انتي بنت طارق تركي سليمان ال......شوووفيييي وش كاااتبه صبرت كثييييير والله والله كنت بسامحه لأنه ابوي "وصرخت" قلت ابووويييي ما يأذيني أكيد في غلط قلت مكسور قلبه عشان امي ماتت
عبير حاولت تهديها بس عجزت فيها
ضربت صدرها بقوه: تمنيته معي بكل أوقات ضعفي تمنيته يدافع عني تمنييييت ي عبير بس طلع مووو ابووييي
عبير طلعت ابرة المهدئ وضمت نجد بقوه وغرزت الابره ب أيدها
نجد بدأ صوتها يختفي: ليش عيشتني بكذبه
مسكتها ونزلتها للسرير
الكل كان يسمع صراخها محد كان متوقع انها ما تدري عن اي شي
الجده مسحت دموعها: ودوني لها ودوني لها
ام نايف: يمه ما يصير
وقفت : بروح لها بنت الغاليه ما تنترك لحالها خلتس انتي/ ومشت عنها
سمر: أنا للحين مو مستوعبه انها ما تعرف شي
الهنوف: شلون عاشت كل حياتها داخل كذبه
ترف كانت تبكي بحضن اديم: تخيلي تعيشي مع واحد مو ابوتس وتكتشفي هالشي بعد موت امتس يقهرررروووو والله م تستأهل اللي قاعد يصير لها
اديم: والله صدق احس قلبي يعورني عليها
همس: ربي يكون ف عونها
دخلت الجده وشافتها نايمه
عبير: ي خاله الحين نجد نايمه تعالي لها بوقت ثاني
الجده بعصبية: تخلخلت عظامتس قولي امين هذا اللي ناقص آخذ اذنتس عشان اشوف حفيدتي وخري بس / وجلست جنب نجد ومسحت ع راسها : يا حرق قلبي عليتس ي نجد آخر شي بقى لنا من ريحة المرحومه سامحيني وانا امتس مادرينا عنتس وقصرنا بحقتس واجد
عبير ابتسمت وطلعت تجلس مع البنات
سمر: تعالي عبوره تعالي
عبير جلست جنبها
سمر: شلونها الحين
تنهدت: خلك مكانها أبوك مو أبوك وتكتشفي ان حياتك عبارة عن كذبه ١٩ سنه وهي تفكر ان محسن ابوها ورغم كل اللي سواه فيها سامحته وعذرته فالنهايه يطلع مو ابوها
سناء: يوووهه الحين هذي بنت الشوارع تصير بنت عمتي وييييعع بسراحه ما تستأهل تكون من عايلتنا
سمر: هذي اللي تبيني اصفقها والله انتي اللي ما تستاهلي تكوني من العايله
سناء: ما برد عليتس ي مريضه
سمر وقفت: وخروا عني لحد يمسكني
مدى رفعت يدينها: محد ماسكتس روحي لها
راحت لها سمر وبدت الهوشه
سحر: ماعندكم سالفه تتهاوشوا عشان وحده ماتعرفون أصلها من فصلها
اديم قامت لها وعطتها كف ودخلوا بهوشه
عبير مسكت راسها
همس ضحكت: الموضوع صار روتين تعودي يعني
وبعد هوشه استمرّت نص ساعه بعدوا عن بعض
طلعت اديم وهي معصبه من اختها وتصرفاتها وودها تصفقها زود واتجهت للإسطبل
كان ماسك جواله وماشي للإسطبل
اديم وهي تتحلطم: مستحيل تكون بنت امي وابوي حشى مو اخت اففف ياربي /وصدمت بشي وطاحت
صرخت بألم لأنها طاحت طيحه شينه وتعورت ف أيدها
مسك أيدها ونفخ عليها: بسم الله عليتس اسف م انتبهت
سحبت يدها بقوه عنه: م تستحي انت تمشي وتصدم
مطلق رفع حاجبه ب استغراب: ترا اعتذرت وشوله هالكلام
اديم: لأنك م تشوف لو الاعتذار يحل المشاكل كان الدنيا بخير
ابتسم لها : حقتس علي والله اني لهيت بالجوال/ ومسك أيدها مره ثانيه: لا الحمدلله مافيها شي : وراح عنها
حست قلبها بيطلع من مكانه وحطت أيدها بصدرها: يمه من ذا طيح قلبي الله يطيحه
وطاح مطلق
فطست ضحك: عسى م تعورت
ناظرها بغضب: دعيتي علي ياللي م تستحين وش هالدعوه المستجابه وجع الله يقلعتس ويقلع الساعه اللي اعتذرت لتس فيها/ ومشى
اديم: بحياتي م شفت واحد حيوان نفسه ياربي
مشى وهو وده يرجع لها ويصفقها ويصدمه فهد
فهد: وجع م تشوف
مطلق بعصبيه: فهيدان وخر عني وإلا بحلف انك ما تعرس على اختي انقلع
فهد انخرش: بسم الله شفيك خير
مشى عنه وهو يدعي انه ما يصدم احد مره ثانيه
فهد: شفيه ذا غبي
مازن كان يلحق سلطان: والله ي سطسط ان م وقفت يويلك
سلطان: سطسط بعينك ورني وش بتسوي
مازن: أوريك الحين /ومسك نعاله ورماها بس جت ب راس الجد
سلطان انحاش وبقى مازن متوهق
راح له الجد وضربه بالعصا: والله ان شفتك قدامي ي مازن لعلمك ان الله حق انقلع
مازن باس راسه: حقك علي جدي/ ومشى
——————-
سعود: لا م عليك باس
محسن: اسمعني ي سعود والله ان ما جبتها لي ذبحتك فاهم
سعود: ابشر طال عمرك
محسن: وانت مسوي فيها محد قدي وانت حتى مو قادر تمسكها بس تبغى فلوس والله ي عثمان ان ما جت نجد هنا ذبحتكم فاهمين
عثمان: فاهمين طال عمرك
محسن: هين ي سلمان اجل انت تعطل كل بضايعي وتخسرني ملايين والله أنا أوريك
قلت بنتقم منك وآخذ بنتك بس انت مُصر إلا تعطل الشغل اللي أبوي بدأ فيه
——————
كان جالس لحاله ويفكر وش اللي سواه ببنته شلون هانت عليه ليش ما اخذها لما عرف انها تزوجت ولد عدوه ليش سمح لهالزواج يتم
فلاش باك:
سلمان: وش تقول انت
سطام: مثل ما قلت لك طال عمرك ورد تزوجت محسن سعد ال.....
ضرب الطاوله بغضب: ايا الحقير يبغى بينتقم مني ف بنتي
سطام: ينتقم من وش طال عمرك
سلمان بقهر: سعد كان بيني وبينه شراكه وبيوم من الأيام اكتشفت انه يتاجر بالممنوعات كل شي يخطر ف بالك ي سطام مخدرات اسلحه وغيره لما عرفت لغيت الشراكه اللي بيني وبينه وحصتي كانت اكبر ولما فصخت الشراكه هو تعرض لازمه ماليه كبيره ودايم كان يحاول يعطل شغلي وللحين يحاول والظاهر الكلب لما عرف ان ورد تطلقت قرر ان يزوجها ولده وبنتي سودت وجهي وهربت والظاهر ان سووا خطه وجمعهم سوا واوهمها انه يحبها وبنتي غبيه ااههخخخ
سطام: ما بتسوي شي طال عمرك
سلمان: مابسوي شي يفكر نفسه بيلوي ذراعي فيها بس مو سلمان اللي تنلوي ذراعه وبنتي متبري منها"
"تذكر لما كشف سعد وسعد حاول يغتاله بس ما قدر وبعدها بلغ سلمان الشرطة عليه حاول سعد يهرب بس ما قدر لانهم اطلقوا عليه ومات ومن يومها محسن يبغى ينتقم من سلمان لأنه السبب ف موت ابوه ويبغى يقتله "
نزلت دمعته دمعة ندم وقهر ندم ان بدأ نفسه على بنته لو اهتم فيها لو رجعها كانت الحين هي معه ماكانت تحت التراب محد يدري بهالسر الكبير إلا سطام صديق عمره
_________
كانت حاضنه دفتر مذكرات امها وتبكي ماعاد ودها ب احد يدخل حتى عبير ماودها تدخل تجلس معها
لما درا انها صار لها اسبوع م تطلع طلع فوق ودق الباب
صرخت: فكييييني ي عبير ماودي بشي اتركوني لحالي
تنهد وطلع المفتاح من جيبه وفتح الباب: نجد
لفت عليه وناظرته: شعندك جاي اطلع برا
نمر: ابفهم الحين شفيتس حابستن روحتس وما تطلعين بيتغير شي يعني مصيرتس تطلعي
نجد صرخت فيه: اطططلللللعععع اطلع اطلع الله يلعنك اطلع وش تبغوا مني اتركوني بحالي كفاااااايه امي كذبت علي كفايه ان ابوي مو ابوي
قرب منها: ماتت وشبعت موت ي نجد وابوتس الحقيقي قريب منتس لو تبينه ناديته ومحسن قربنا نمسكه حاولي تتخطي
قربت منه وضربت صدره بقهر: محد يحس فيني محد يبيني مالي أمان عند احد كلهم خذلوني
تركها تضربه ع راحتها لين تعبت وطاحت ع الأرض تبكي
دخلت عبير تبغى تعطيها المهدئ بس نمر منعها لازم تبكي لازم تطلع اللي بداخلها كله عشان تتعافى روحها
بكت وبكت لين نامت من التعب شالها وحطها ب سريرها وطلع وترك الباب مفتوح
.
.
.
نوقف هنا رأيكم وتوقعاتكم
لا تنسوا النجمـة✨
الكاتبـة نجـد✍🏻