وأنا جاهل في درب المُحبـين

البارت الرابع عشر

وصلت الإسعاف مزرعة الجد سلمان
سمر بكت: تكفون إلا نجد لا يصير فيها شي
مدى ضمتها: اهدي سمور مابيصير لها شي
مطلق: نمر شفت اللي أطلق؟
نمر بعصبيه: الزززففتتت محسن ماغيره
دخلوا نجد الإسعاف وركب معها نمر وراحوا
المستشفى
الجده كانت بتطيح بس مسكها بو فهد: بسم الله عليتس يمه امشي ندخل اديم وانا ابوتس جيبي جاهز الضغط
اديم: إن شاء الله/ وراحت
ترف: تكفين سمور اهدي والله مافيها شي
سمر قامت:بروح اشوف سوارتها كانت بتروح تجيبها
الهنوف ومدى راحوا معها من لما جات عندهم وصارت هي اقرب وحده ل سمر
مدى: سمر يا قلبي امشي ندخل
سمر وصلت عند الإسطبل وبكت
في المستشفى :
مازن: نمر وقف شوي يخوي دار راسي
نمر: كان المفروض تجي فيني ي مازن الرصاصه كان المفروض تجي فيني مو فيها
طلع الدكتور
نمر: بشر
ابتسم له: لا الحمدلله طلعنا الرصاصه وهي بخير الحمدلله بس يحتاج لها ترتاح شوي
تنهد براحه: اقدر أشوفها ؟
الدكتور: بندخلها الحين الغرفه مثل ما طلبت حضرة العميد لحالها
نمر: ماقصرت جزاك الله خير
ابتسم له الدكتور ومشى
مازن: الحمدلله ع سلامتها بطمن جدي/ وراح عنه
طلعوها من غرفة العمليات وشافها وضاق صدره
وطلع من المستشفى كامل وهو يحس بكتمه وكل شوي يتذكر لما دزته بقوه وجاتها الرصاصه حس بدوخه وعرف ان السكري بدأ يرتفع بس طنش الموضوع كان يحاتيها يحس بشعور اول مره يحس فيه بس فسر الموضوع على انه خوف لأنها أنقذته لا اكثر...

*********
مدى ركضت ل سمر: سمووووور البشاره البشاره
سمر: بشريني عسى ربي يبشرتس بالجنه
مدى: نجد طلعت من العمليات والدكتور قال مافيها إلا العافيه بس يحتاج لها ترتاح شوي
ابتسمت ونزلت راسها
مدى جلست جنبها: مافرحتي؟
سمر ناظرتها وعيونها مليانه دموع: شلون ما افرح بس
مدى: بس وشو ي سمر
سمر بلعت ريقها ونزلت راسها تحاول تكتم بكيتها: سمعت مطلق يقول ان اللي طلق على نجد كان بيطلق على نمر
شهقت: شلوووننن
سمر وهي تمسح دموعها اللي مو راضيه توقف: أحمد ربي ان ما صار ف اخوي شي ولا احزن على نجد اللي جاتها الطلقة
مدى ضمتها بقوه: خلاص يقلبي الحمدلله ما صار لها شي ونمر بخير واكيد ما بيخليه بدون عقاب
بعدت عنها وتنهدت: مشينا داخل
مدى: مشينا
ومرت هالليله ثقيييييله حيل على أبطالنا
لكن اليوم الثاني أشرقت شمس الأمل على أبطالنا
كانوا كلهم مجتمعين عند نجد حتى طارق ابوها جا
فتحت عيونها بتعب وكانت الجدة جنبها
الجدة: قامت قامت
طلع نمر ينادي الدكتور
نجد بصوت مبحوح: وين أنا
الجدة مسكت يدها: بالمستشفى ي نجدي
غمضت عيونها ورجعت فتحتها وكررت هالحركة اكثر من مره
دخل الدكتور: الحمدلله ع السلامه ي نجد
نجد ناظرته: كم صار لي بالمستشفى
الدكتور: اقل من ٢٤ ساعه ليه
نجد: الحين مو المفروض أصحى بعد شهر يعني هذا اللي أشوفه بالأفلام
الجد: وانتوا هذا اللي مخرب عقولكم
ابتسم لها: لا الحمدلله انتي بخير  بس يحتاج لك ترتاحي عشان العملية
طارق: الحمدلله اجل بس تطلع تجي عندي بيت ابوها أولى فيها
نجد بقهر وهي تقلده: بيت ابوها أولى فيها الله و الأبو عاد رح رح لعيالك على آخر عمري جاي يبغى يكون أب لي
طارق بعصبية: بنت احترمي نفستس
نجد: محترمه نفسي من قبل لا أعرفك ولو سمحت أطلع
طارق: ماني طالع وأعلى ما بخيلتس اركبيه
بعدت المغذي بقوه: اجل أنا اللي بطلع/ وجت بتقوم بس حست بألم قوي
الدكتور مسكها: بنت بنت اهدي وين رايحه ترا في عميله بتنفك لو سمحتوا انتهت الزياره اطلعوا
بو نمر: يلا ي طارق امش
زفر بغضب وطلعوا
طارق بعصبية: وش هالتربية وش هالتعامل الزفت
بو نمر: انت مادريت عنها أصلا تبيها الحين بيوم وليله تصير تحبك وتحترمك هي من لما فقدت امها فقدت حنان الأبو
طارق: مادريت لان محد علمني ان ورد كانت حامل
بو مازن مسكه من ياقته وبعصبيه: شلوون تعلمك وانت اللي كنت تعذبها انت ماعطيتها الأمان الكافي عشان تعلمك/ وبعد عنه ومشى
حس الدنيا تدور فيه وطاح بطوله
مطلق ركض له ورفعه:نمر نممممرررر
بو نمر لف وشاف ولده طايح وراه له: بسم الله شفيه وش جاه نمر يبوك نمر
مطلق صرخ: اااحددد يييججيييي نمر يخوي شفيك بسم الله عليك قوم نمر
طلع الدكتور
مطلق: شفيه طمني
الدكتور: مافي شي ارتفع السكري عنده بس الحين الحمدلله نزل
تنهد براحه ودخل عنده وشافه نايم وجلس جنبه
طلعوا سلمان وعياله ورجعوا المزرعه
ام نايف: طمنوني عليها كيفها الحين
بو فهد: بخير بخير لدرجة تهاوشت مع ابوها وطردته
كتمت ضحكتها ام نايف
بو مازن: ولا مو عاجبها انها صحت بسرعه قال إيش قال مو الفروض أصحى بعد شهر
ام فيصل: لا واضح انها قامت مروقه تطقطق بعد
سمر: نمر ومطلق وين ليه م جو معاكم
بو نمر: انشغلوا يدوروا ع الزفت محسن
سمر شكت: اهاااا
وانتهى اليوم بدون اي احداث تذكر