وأنا جاهل في درب المُحبـين

البارت الواحد والعشرين

دخلت وهي شايله ولدها بحضنها والكل فرحان لها
ركضت نجد لها واخذت عزيز منها ودخلت والبنات وراها
نجد: ابعدو عن ولدي
الهنوف: وزينوه ياناس ناس ماشالله
شيهانه: بسم الله ماشاء يجنن
اديم: يصير نأكله وقلبس أسم الله
سمر دخلت الغرفه: هاتوا ولدي واطلعوا بناااااام
نجد: بنام عندتس
شيهانه: مالي دخل حتنا
اديم: كلنا
ام نمر: اطلعي انتي وياها خلو بنيتي ترتاح
الهنوف بوزت: يماااا
ام نمر: وصمه روحي روحي
طلعوا البنات وبقت سمر مع امها
نجد : قهررررررر ودنا نجلس مع عزيز
الهنوف: امي عنيييييده
همس: اي والحين وش الحل
ترف: الحل نروح نجلس عند الجدة
نجد: مابي بروح ل الرعد أنا / وراحت عنهم
شيهانه: قصدها ل نمر
ضحكوا البنات
وصلت عند الرعد وجلست جنبه: اليوم سمر جت وب ايدها عزيز اتسائل متى يجي اليوم اللي ادخل فيه البيت وبإيدي ولدي : تنهدت لما تذكرت ان جدها علمها عن بتال ماتبيه ماتحبه وهو يدري انها ما تحبه ليه مُصرين عليهم
ابتسم لما شافها جنب الرعد حب يمقلبها: من انتي
نجد استغربت: نمر
نمر: اي نمر من انتي
نجد: نجد
نمر: ماعرفتس وخري عن خيلي.
نجد انصدمت يعرف الكل إلا هي: ما عرفتني ي نمر
نمر: لا المفروض اعرفتس
نجد : اييييي المفروض تعرفني
نمر: شعندتس شتبين وليه جالستن عند خيلي
نجد: من زينوه عاد مالت عليك انت وخيلك واسطبلك و مالت علي معكم/ ومشت
ابتسم: يحليلتس ي نجد اجل أنا ترديني والله لوريتس يبنت حايل منهو نمر / وضحك
نجد بغضب: حمار حيوان الله يقلعك جزاتي احاتيك بس خير يذكر الكل إلا أنا والله ببتسي اوووففففف
لحقها وهو يضحك : شفيتس ي بنت
نجد: وخر عني
مسك ايدها: احبتس
ناظرته وناظرت ايده اللي على ايدها: تذكرني
نمر: أنسى الكل إلا انتي ي نجد شلون أنسى اللي سرقت قلبي مني شلون أنسى اللي سمعتها بغيبوبتي شلون أنسى اللي دخلتني في درب المُحبـين وانا جاهلن فيه
حمرت خدودها وجت بتبعد بس شدها له
نمر: قلبي يبيتس ي بنت حايل تقبلين ب ولد نجد ياخذتس
ناظرته
نمر: مابغيتك بالحرام ومابغيتس بالظلام
‏مابغيتك غير بالعز الشريف المهتدي
‏مابغيتك بالتلاعب مابغيتك بالكلام
‏مابغيت الا اخوك يكون "خالٍ" لولدي
استحت وهربت منه تحس قلبها فراشات
ضحك: مايزين الحيا إلا عليتس
______
ام نمر: مطلق يمه شلونك
مطلق: الحمدلله يالغاليه انتي شلونتس
ام نمر: الحمدلله طيبه
مطلق: وين سمر ودنا نشوف عزيز
ام نمر: ب غرفتها
قام مطلق بيروح لها
ام نمر: وين وين
مطلق: بروح لها
ام نمر: اجلس اقول رجلها عندها
مطلق: ياكبرها عند الله وش عنده فهيدان
ام نمر: فرحان ب ولده م ودك تعرس انت ونشوف ولدك
مطلق انحرج: لا يمه أنا وين والزواج وين
ام نمر: ترا ادري انك تحب اديم بنت عمك وهي بعد وراك م تخطبها
مطلق: يمه خير خير لين بعدين يلا مع السلامه/ ومشى عنها
بو متعب: عمي صار الوقت ينكتب كتاب بتال ونجد
بو مازن: وكتاب نمر وسناء
تنهد الجد: طارق بو منصور م جا يطلب ايدها نغصبه يعني وانت ي سيف نمر للحين ما تعافت رجوله
بو مازن: بيكتب ب رجوله هو خله يملك عليها ي بوي سمعت بنتي بالأرض صارت من فعايل حفيدك
بو نمر: ولدي إذا ما يبيها ما بيتزوجها
بو مازن بغضب: يبيها وغصب بنات الناس مهي بلعبة عند ولدك ي ثامر
بو نمر: هذا الكلام تقوله لو ولدي مسوي شي لكن ولدي ما سوا شي
————-
ف بيت بو متعب كان بو منصور جالس مع عياله عشان بتال يقتنع ياخذ نجد لان لو ما اخذها بتصير قطاعه بين الإخوان
منصور: ابوي ترا ماغلط معها وهي بنفسها ما تبيه تغصبونهم على بعض ليه
بو منصور: يولدي لو ما اخذها بتصير قطاعه بيني وبين طارق ترضونها علي طلبتك ي بتال تزوجها بس لين ينسوا السالفه وطلقها بعدها
بتال: يبه ترضاها بنت بهالعمر تصير مطلقه والله حرام ترا ليه ما تفهمون
بو منصور بغضب: بتاخذها غصب ليتك تركتها ورحت بنفسك تنادي اخوها كان ما وصلنا لهالمرحلة أقولك بتصير قطاعه بيني وبين اخوي
تنهد بضيق وطلع يدري انها تحب نمر ومستحيل يصير وقح ويدخل بينهم ماكان عنده غير هالحل يروح يقول ل نمر
———-
سناء: نموري
نمر بقرف: ياشين اسمي منتس خير شتبين
سناء بوزت: بنتزوج قريب ترا ما تبيني ادلعك
نمر: من قالتس اني باخذتس
سناء: جدي قال والليله بيجي الشيخ
أنصدم: وش تقولي انتي
سناء حطت ايدها ب عضده: اي حبيبي واخيرا بنصير تحت سقف واحد
نجد شافتهم وحست ودها تروح وتكفخ سناء
سناء: واصلا أنا بنفسي سمعت نجد تقول انها تحب بتال وبياخذها قريب أصلا وهو بعد يحبها ليه توقف بطريقهم
أنصدم بس ما صدق ابد تركها وراح شلون تحبه معقوله كل هذا صار عشانه مقلبها
دخل المجلس
الجد: الليله بيجي الشيخ وتملك على بنت عمك
نمر ببرود: مابيها
بو مازن قام وعطاه كف: بعد إيش بعد م نزلت سمعتها بالأرض بعد ما وسختها فهمنييي بعد إيش بتاخذها ي نمر فاهم
نمر ببرود الأرض: ماني فاهم ولاني مآخذها وأعلى مابخيلك اركبه مهو بذنبي اللي صار ف بنتك / ومشى عنهم
بتال: نمر نمرر
نمر: ياهلآ والله بتال
بتال: يخوي طايحن بمشكله محد غيرك يقدر يساعدني
نمر: قول يخوي
بتال قال له كل شي صار من لما غمى على نجد وشالها لين دروا أهله ويبونه ياخذها وانهى كلامه: ادري ان نجد تحبك وتبيك وانت بعد تحبها وتبيها والله ي نمر ماشوفها إلا مثل خواتي وماني وقح لدرجة ادخل بينكم كانك تبيها خذها قبل لا ياخذها غيرك
نمر: باخذها ونجد ما تروح ل غيري
بتال ابتسم : ربي يوفقكم
نمر: و يوفقك ان شاءالله عن أذنك
بتال: ربي يستر عليك/ ومشى
تنهد بضيق ما ينكر حس بالغيره بس بعد شاكر له جدا لأنه أنقذها تنهد بضيق مهو بعارف شلون يقنعهم ان مايبي سناء يبي نجد
_________
محسن بغضب: شلوووووون يييعععننننييييي ما ماااتتت اشرحووووليييي
سعود: يا محسن اهدأ ربي كتب له حياة جديدة
محسن: وانا بنهيها فاهمني بنهيها
——————-
كانت جالسه لحالها مقهوره من جدها شلون يجبره ياخذ سناء تمنت لو انه يدري أنهم يبون بعض
دخلت شيهانه: نجد
نجد: هلا
شيهانه : شنوحتس ياملي
نجد: مقهوره ي شيهانه شلون جدي يجبره على سناء وبنفس الوقت شلون مقتنع بكلام ابوتس عني وعن بتال وربي بموت من القهر
شيهانه: هو صدژ انه يقهر بس ترا بتال علم نمر عن كل شي وقال له خذها قبل لا ياخذها غيرك
نجد: قولي والله
شيهانه: والله
تنهدت براحه: اي الحمدلله أشوّه ان شاءالله نمر يتحرك ويسوي شي
شيهانه: يلا نزلنا العشا جاهز
نجد: طيب/ ونزلوا
ام متعب: هذي متى تذلف ونفتك منها
نجد: ودي اليوم قبل باتسر بس رجلتس مب مخليني اطلع
ام متعب: طارق
بو متعب: قلت لتس ي خديجة بنتي ما تطلع من هالبيت إلا وهي مأخذه بتال
سلمى شرقت
ام متعب: حلال حلال اشربي ماي يمه/ ومدت لها كاسة الماي
سلمى اخذتها وشربت: وش وش وش شلون نجد تاخذ بتال
نجد: كله منتس لو ناديتي متعب ما كان حياتي اختربت اسمع ي طويرق بنتك أولى فيه أنا ما أبيه يخي افهمو ماااااا أبيه مب غصب
بو متعب عطاها كف: بتاخذينه غصب فهمتي
نجد بعصبيه: ما فهمت ولا بفهم ولا أبي افهم وأيدك هذي إذا مديتها اكسرها لك / ومشت عنه بس هو لحقها وسحبها من شعرها
نجد: ففكككك شششعععرررريييي ي طويرق الله يلعنك
بو متعب عطاها كف ثاني: تلعنين ابوتس ياللي ما تستحين
نجد: منت ابوي ي طارق ومو رجال اللي يضرب مره بتسترجل على احد استرجل على مرتك راس الحيه مو علي
مسك عقاله وبدا يضرب فيها وهي تبكي
شيهانه: يبه خلها تكفى يبه لا تضربها
بو متعب: اجل انتي آخر عمرتس تقولين عني مو رجال
متعب دخل وانصدم من اللي شافه وركض لها
بو متعب وهو يتنفس بغضب : والله وتالله بتاخذينه غصب ي نجد
متعب: وووخخخررر عنها ماهي ماخذته وراسي يشم الهوا تحلم تاخذه/ وساعد نجد وأخذها غرفتها
سلمى: ماما
ام متعب: تعالي يروحي خلينا ندخل / وراحوا داخل
نجد وهي تبكي: تكفى تكفى متعب ما أبي بتال والله اني ما أبيه طلبتك ي متعب
متعب: ماتاخذينه يابعد حيي
شيهانه دخلت: بسم الله عليتس
نجد: ودوني بيت جدي ما ابي اجلس هنا
متعب: ابشري ياقلبي بس تكفين لا تبتسين
نجد مسحت دموعها وقامت تلبس عباتها وطلعوا
متعب: متأكده ؟
نجد: تعبت ي متعب تعبت حيل /ونزلت وهي تبكي
تنهد ومشى
دخلت غرفتها اللي كانت جنب غرفة نمر وارتمت بالسرير وبكت بحرقه
كان جالس بغرفتي يفكر فيها بس شوي وسمع صوت احد يبكي طنش فكره عزيز بس الصوت ازعجه كل ماله ويزيد طلع وهو متنرفز وراح غرفة سمر بس كانت نايمه هي وولدها استغرب رجع غرفته بس شده الصوت اللي طالع من الغرفه اللي جنبه دق الباب مره مرتين بس محد فتح
فتح الباب وشافها انصدم من بكاءها بس سكر الباب وجلس برا ينتظرها تخلص بكى
انقطع بعد فتره الصوت خاف لا يكون صار لها شي فتح الباب وشافها نايمه بس شك لا يكون صار لها شي قرب منها وحط إصبعه قرب خشمها شافها تتنفس طبيعي تنهد براحه وغطاها وطلع
_________
كان جالس بغرفته يفكر فيها تنهد بضيق وقام يلبس بدلته لما تذكر ان وراه محسن بعد لازم يمسكه شوي ودق الباب
نمر: تفضل
دخلت الهنوف ومدت له ظرف: نمر وصل لك
نمر اخذه: تمام ياقلبي/ وحطه ع الطاوله: فطرتوا
الهنوف: لا باقي
نمر: لا اجل بنزل الحين
الهنوف: نمر
نمر: لبيه
الهنوف: تكفى لا توافق على سناء والله ما تناسبك يخوي
ابتسم لها وحط يدينه على أكتافها : امس كلمت نجد اني أبيها تطمني ياقلبي حتى أنا ما ابغى سناء قال وش قال نموري خربت هيبة اسمي
ضحكت الهنوف وطلعت
تنهد شاف الظرف بس قرر يفتحه بس يرجع من الشغل وطلع
بو نمر: صبحك الله بالخير يالعميد واخيرا بترجع لشغلك
نمر ابتسم: صبحك الله بالخير ي بو العميد اي الحمدلله صرت احسن الحين ورانا قضية محسن لازم نقبض عليه
بو نمر: الله يوفقك ان شاء الله اجلس افطر
نمر: لا يبه جعله بالعافيه عليكم بروح أنا / وطلع
شافته ببدلته وابتسمت لا شعوريًا يالله كيف تحبه وتنعجب فيه بس يكون لابس بدلته تتذكر لما أنقذها تنهدت براحه قررت اليوم ترد عليه وتقوله انها موافقه تبي تقوله انها تحبه وأنه هو الوحيد اللي سكن قلبها ودها تقوله انها تبيه يكون ابو ل عيالها الفكرة بحد ذاتها كانت تفرحها وتصنع يومها
نزلت تحت وصبحت عليهم وجلست تأكل
سمر: نجد هاتي عزيز يبكي
نجد: ابشري ياقلبي / وراحت تجيبه
سمر: يمه تعبت منه طول الليل بس يبكي وانا والله ما انام إلا ساعه
ام نمر: وش كنتي مفكره ي بنتي كذا هم العيال هذاني جبت اربعه وتعبت فيهم بس يازينهم لما كبروا
سمر: والله اني فهمت ليه الجنة تحت اقدام الأمهات
ابتسمت لها
نجد: يمه يازينوه ليه تبتسي يقلب خالتك انت الحلوين ما يبتسون ياعمري انت
سمر ضحكت: عطيني إياه يا خالته وزوجة خاله
استحت وعطتها إياه
الهنوف بصراخ: نننننجججججددددد
نجد راحت لها : شنوحتس ليه الصراخ
الهنوف: في حريم جو علمي امي ماقدرت اروح عشاني اسوي قهوه
نجد: يالله صباح خير طيب/ وراحت تبلغ ام نمر
_________
نمر: ما عرفتوا وين مكانه بالضبط
عضو الفريق١ : للحين حضرة العميد كل م قدرنا نحدد نروح نلاقيه مغيره تقل في احد يعلمه
عضو الفريق٢ دخل: سيدي وصلتنا معلومة بالغة السرية عن مكان محسن صاروا يشكوا ان في خاين بيننا ويوصل المعلومات كلها ل محسن عشان كذا المعلومة جدًا سرية
نمر وقف: مشينا اجل
طلعوا لحالهم وراحوا للمكان المحدد
نمر: بدخل أنا وقت أعطيكم الاشاره ادخلوا انتم/ ونزل
__________
سعود: تطمن محد يدري عميلنا السري يقول للحين يدوروا عليك
محسن وهو يمسح السكين: اي زين هين ي نمر موتك على ايدي بيكون اصبر بس
شوي ويدخل نمر: ارفع إيدك
سعود مسك سلاحه بس نمر كان اسرع منه وأطلق عليه ب ايده اللي ماسكه السلاح
محسن ابتسم : جيت وجابك الله ي نمر انشهد انك ذكي حيل
نمر: هلابك محسن يقولوا بغيت تقتلني بس م قدرت
هجم عليه ب السكين بس نمر مسك ايده اللي ماسك فيها السكين وكسرها ورمى السكين
محسن: موتك على ايدي ي حفيد سلمان
ابتسم نمر : موتني هذاني قدامك
هجم عليه بس بكل مره يهجم نمر يضربه ويطيح
نمر خنقه: اجل انت تحاول تقتلني مرتين ي محسن بغيت تقتل نجد وتقتلني
محسن كان يحاول يبعده بس ما قدر
حط الكلبش ب أيديه وسحبه
سعود مسك السكين وقام ورماها وجت ب عضد نمر
نمر لف وراه وشافه رفع سلاحه وأطلق على سعود
الأعضاء سمعوا طلق ودخلوا بسرعه
نمر رمى محسن عليهم: خذوه
اخذوه ودخلوه السياره
تنهد لما شاف السكين بعضده مستقره سحبها بقوه وغمض عيونه بألم سحب شماغ كان مرمي ع الأرض ولفه ع الجرح وراح السياره
__________
دخلت الغرفه وسالت الظرف وحطت بداله ظرف ثاني وطلعت وهي ميته من الفرحه : من قدتس ي سناء اليوم أكيد كتب كتابتس هههههههه
سحر: ها خلصتي
سناء :ايييييي واخيراً واخيراً
سحر: اجل امشي ننزل تحت لا يشكوا فينا بعد
سناء: يلا مشينا /ونزلوا تحت
نجد وهي تصب قهوه للحريم كانت تحس بألم ف قلبها
ام فلاح: نجد شفيتس يمه وجهتس مصفر
نجد: لا يخاله مابوه شين اسلمي/ ومدت لها الفنجال
شوي وطاحت الدله من ايدها
وقفت سمر : بسم الله عليتس نجد شفيتس
نجد مسكت صدرها تحس بخنقه
ام مشاري : خذيها داخل ي بنتي واضح انها تعبانه
سمر حطت عزيز عند امها وراحت ل نجد تساعدها وطلعوا
نجد ناظرت سمر وعيونها مليانه دموع: نمر فيه شي ي سمر احس قلبي بيطلع من مكانه من الخوف
سمر: بسم الله عليتس وعليه مافيه شي توه مكلمني كان
نجد: طلبتس دقي
طلعت جوالها تعمدت تحطه سبيكر
نمر كان بالمستشفى ورد : لبيه ياعروق قلب اخوتس
سمر: وينك يخوي ابطيت
الدكتور: خلصنا خياطة الجرح وكتبت لك شوية أدوية مسكنات وانتبه ل جرحك
سمر شهقت: نمر وش جراحته يخوي
نمر: تطمني ياقلبي مابه شي بس ارجع البيت اعلمتس وعلمي الورعه اللي تبكي عندتس تراني بخير وضحك وسكر
نجد بس سمعت خياطه شهقت بصوت عالي وعرفها نمر بسرعه
سمر: تطمني ياقلبي بخير مافيه شي
نجد بكت
سمر: ياراسي كل ذا خوف اهدي يقلبي يلا أنا بدخل اسمع عزيز يبكي / ودخلت
______
رجع البيت وهو فرحان لان واخيييييييرا مسكوا محسن وحطوه بالسجن وده يبلغها هي اول وحده
دخل غرفته بس شاف الظرف اخذه وفتحه وانصدم من اللي شافه صور مُخله بالاداب حاول يستوعب انها صور مركبه مستحيل صدق بس ماقدر رمى الصور ونزل وهو معصب وراح ل جده
نمر: أنا موافق أخذ سناء
الجد بفرحه :اي هذا الحكي اللي يونس كفو عليك ي نمر ربي يوفقكم اليوم الشيخ يجي ويكتب كتابكم
نمر: يكون احسن بعد / وطلع
لحقه مطلق: وش تقول انت
نمر: مابي وحده رخيصه نفس نجد تكون زوجتي وانا قررت وانتهينا
ام نمر كانت مصدومه: نمر يمه وش تقول انت
نمر: اللي سمعتوه / وصرخ بصوت عالي: سناء بتكون حرم نمر والحاضر يعلم الغايب/ ودخل غرفته
نجد سمعته وجاتها صدمه الصبح كان ودها تعلمه انها موافقه طيب امس امس هو طلب منها تكون زوجته طلب يكونوا اخوانها خوال عياله متى لحق يغير رأيه
_________
دخلت غرفته وهي معصبه وتبكي: خيبت هقوتي فيك ي ولد نجد ما هقيتها منك انت آخر واحد توقعته يسوي هاللون انت على اي أساس تمسك قلبي وتكسره عطيتك قلبي وحطيته بين ايديك شلون تكسره ي نمر أنا اللي تحملت كل شي عشانك تحملت ضرب ابوي لي عشان ما آخذ بتال تحملت المذله والمهانه عشانك الصبح كنت بجي اعلمك اني موافقه تكون خال عيالي شلوووون تكسرني ي نمر
مسكها من عضدها: شووووفي (واشر ع الصور المنثورة بالأرض: عاندت اهلي وتحملت عشانتس ف النهاية كذا طلعتي وحده مرخصه بنفسها
انصدمت من الصور
نجد: تصدق يعني ان هذي أنا
نمر: واضح انها انتي
نجد من القهر عطته كف: نسيت يوم انك تترجاني ماصدق سواتك ف سناء نسيييييت اللي صار لك لا تظلمني ي نمر والله مو أنا والله أنا تربية ورد ي نمر ماسوي هاللون أنا حفيدة سلمان ي نمر أنا اللي حبتك وهي جاهله بالحب معقوله ما عرفتني
صرخ: مااااعرفتس أنا ما اعرف من انتي /مسكها من عضدها ورماها برا غرفته بقوه وسكر الباب
كانت حيل مصدومه منه كانت حاسه ان في شي بيصير
كانت وحده تراقب اللي يصير وتضحك اي هي سناء فرحتها مو عاطفتها لأحد
وصل الشيخ واجتمعوا ف المجلس
الشيخ: قل قبلت الزواج من سناء سيف سلمان ال....
كانت تسمعه وتبكي تتمنى يقول ما قبلت بس انكسر قلبها وقت قال: قبلت الزواج من سناء سيف سلمان ال....
دخلت غرفتها وانهارت
.
.
.
.
نوقف هنا
لا تنسوا النجمـة✨
الكاتبـة نجـد✍🏻