وأنا جاهل في درب المُحبـين

البارت الخامس

دخل غرفتها بدون لا يدق الباب كانت بالسرير مغمضه عيونها سمعت احد يدخل فكرت ابوها :بابا ما ابغى آكل تكفى خلني لحالي
بس ما سمعت رد رفعت راسها واستغربت لما شافت رجال غريب خافت : من انت وش تسوي بغرفتي
تقدم لها ومسك يدها بقوه وسحبها
نجد صرخت بألم: اااااههه ايدي فكني فك فكككك أقولك ما تسمع من انت وش تبغى مني بعلم بابا عليك
ابتسم ابتسامه جانبيه: علميه
صرخت نجد :باااااابببببااااااااا
ما سمعها او بالأصح طنشها ولا اهتم
ما استسلمت وظلت تصرخ وتصرخ بس ماكان في اي رد
جاسر بعصبيه: اسكتي خلاص
نجد وهي تبكي: وش تبغى مني من انت وين بابا وين ماخذني
ركبها السياره ودخل وقفل الأبواب ومشى
نجد وهي تحاول تفتح الباب: اففتتتحححح البااااببب
جاسر مطنشها ويدخن وهي منكتمه من الدخان وتبكي ومرعوبه من هذا الرجال اللي دخل عليها فجأه وخطفها
بو نجد شافها من شباك المكتب زفر دخانه ولا اهتمّ وبداخله"هذي البدايه ي بنت ورد ان ما وريتك نجوم الليل بهز القايله ما كون محسن"
————-
مزرعة الجد سلمان
سناء: سحر تكفييييين ساعديني لازم اسوي شي يخلي نمر يتزوجني أنا بموت لو م أخذني 
سحر: اسمعي طيب "وبدت تسرد لها الخطه
سناء خافت: بس لو درو
سحر: محد بيدري لان كل الرجال طالعين مافي إلا نمر ف بتنفذ الخطه الحين ما بنلقى وقت انسب
سناء: طيب شلون
سحر:امشي معي انتي
قامت معها وطلعوا
سحر شافت نمر جالس لحاله وراحت له وأول م وصلت مثلت انها تعبانه: نمر نمر الحق
نمر؛ وش في وش صاير
سحر: سناء طاحت علي بالمخزن ومحد هنا من العيال والرجال ياخذها المستشفى
نمر استغرب:شلون محد اخوها وين
سحر تنرفزت منه: اوووههه ينمر أقولك محد البنت بتموت علينا /وراحت المخزن تركض
نمر كان شاك ان الموضوع فيه إن بس لما شافها ما تناقشت معه خاف يكون كلامها صح ومشى وراها
اماً سناء كانت تمثل انه مغمي عليها وكان لبسها فاضح بكل ما تعنيه الكلمه وطبعًا هذي خطة من سحر
نمر ضرب كفّها بخفه: يبنت قومي
بس مافي رد
نمر: روحي جيبي عبأتها
طلعت سحر بس ماراحت تجيب العبايه وقفت عند باب المخزن وخذت كم صوره وما يبين ان نمر فوق سناء وكانت هالصوره كافيه ل تشويه سمعة نمر
وبعدها مشت
سناء فتحت عيونها شوي شوي: سحر وينتس
نمر بعد بسرعه: انتي بخير
سناء صرخت: يييمممماااههه وش تسوي انت هنا ياللي ما تستحي
نمر كان صاد عنها: يبنت الناس شفيتس انتي جات سحر قالت انتس طايحه ومحد عندتس
سناء: كييييف تدخل علي وانا كذا ي حقيييير يا عديم الرجوله
نمر أنصدم شفيها هذي هو حتى لبسها ماركز عليه
التمو الحريم ع صوت صراخ سناء وركضت سحر معهم
ام نمر انصدمت شلون نمر يكون مع بنت ما تحل له بمكان واحد
ام مازن ابتسمت تدري انها خطط سحر عشان تجبر نمر يتزوج سناء
الجده وباقي الحريم مذهولين من نمر
الجده بغضب: وش تسسسسوووووييي ياقليل الخاتمه ما تستحي انت تشوف بنت عمتك كذا
نمر طلع بهدوء ولا اهتم ولحقته سمر
سمر: ادري انك ما تسويها يخوي وإذا ما خاب ظني هذي خطط سحر وسناء
نمر لف لها ومسك أكتافها وبحنية: سمور ي عروق قلب اخوتس تخليني شوي لحالي
تنهدت بضيق بس ما ودها تضغط عليه : ابشر يخوي/ وراحت عنه
كان يبغى يستوعب وش اللي حصل من شوي وشلون سمر تقول خطط بعيد كل ذا لو جده درا بيزوجه إياها غصب بس ابتسم لما تذكر ان وراه أبوه وأمه مستحيل يوافقوا ع رأي جده وهو نفسه بيرفض وجده مايرفض له طلب أصلا
سمر عطت سناء كف طيحها: انتي شلووون تسوي ب اخوي كذا انتي ما تستحين ع دمتس ي حيوانه ي وقحه
سناء: فكيني ي مجنونه
سحر بعدت سمر بقوه عن سناء: والله لقول لأخوي يطلقتس
سمر: يممممه خفت انقلعي بس وانتي ي سناء والله وتالله ان ما بعدتي عن اخوي بتشوفين شي ما شفتيه ب حياتس/ وطلعت عنهم
ترف: م تخيلت انتس رخيصه لهالدرجه/ وطلعت عنهم
الليل
رجعوا العيال والشيبان
كانوا كلهم ب الحوش حريم ورجال بنات وعيال بس الحريم البنات كانوا متغطين
الهنوف: بموت من الخوف والله
سمر: لا تخافي جدي ما يجبر نمر ع شي
سناء بهمس ل سحر: تسمعيهم
سحر بنفس الهمس: عندي شي قوي يخلي جدي يجبر نمر يتزوجتس
ام مازن: اااههه ي سيف م دريت وش سوا ولد اخوك ف بنتك وحيدتك
استغرب سيف واستغربوا الباقي
يوم مازن: وش تقولين ي مره
ام مازن: نمر اختلى ب سناء بروحهم ولا قال بنت عمي ستري وغطاي وما يصير اسوي اللي أسويه
نمر كان جدًا هادي
بو مازن بغضب: اي واحد ي صيته من هاللي ما يستحي اللي يختلي ببنتي
ام مازن: نمر
ألجمتهم الصدمه نمر اللي ماله بهالسوالف ابد وعمره عينه ماطاحت بعين بنت يسووي كذا
ام نمر: اكييييد ان بنتس اللي م تستحي خططت من وراه ولا ولدي م يسويها
بو نمر بغضب: اسكتي ي مره اسمع ي سيف الموضوع في ان ولدي نمر ما يسوي هالحركات
سحر ببرود: عندي الدليل طيب
أنصدم نمر وش دليله وش تقول ذي
الجد: وش دليله ي سحر
راحت ل جدها و عطته الجوال وشاف الصوره وانصدم
الجد: والله تتزوجها ي نمر وتستر عليها
ناظر جده بصدمه
بو نمر خذا الجوال وانصدم من الصوره ونزل راسه
بو مازن شافها بعد وانصدم كان وده وده يكذب بنته ويصدق نمر بس أنصدم
مازن كان مصدوم من نمر وطلع بسرعه وهو يحس الدنيا كلها تدور فيه
ركان ما صدق وحس ان الموضوع غلط مو راكب ع بعضه
سمر صرخت ف جدها متجاهله وجود عمامها وفهد: والله انك تظلمه وانت تدري انها خطط سحر وسناء ع اخوي يويلك من عقاب ربي يوم انك تظلم واحد ماله ذنب / وطلعت
البنات لحقوها وكانت تبكي بقهر على اخوها هو نقطة ضعفها وقوتها هو سندها هو ابوها الثاني ابد ما تتخيل بيوم ان كل هذا يصير له وهي مو قادره تدافع عنه
الهنوف وهي تبكي: والله والله ما يستاهل ليه يسوون فيه كذا ليه يبون يحرقون قلب امي عليه
ترف ضمتها :اهدي ي الهنوف بيلقى حل نمر اصبري عليه لين تهدا الأوضاع
مدى مانت حاضنه سمر: خلاص سمور عيونتس الحلوه تعبت لا تبكي
سمر بقهر: والله ظلم ما يصير اللي يسوونه
—————-
دخلها مكان مهجور مافيه احد بس هم الاثنين والشيطان ثالثهم تقرب منها ومسح على وجهها: يزينك ي بنت محسن
نجد فكرت انه من أعداء ابوها وصرخت تترجاه لا يقرب منها: تكفى طلبتك وخر عني والله ما سويت لك شي اللي بينك وبين أبوي أنا مالي ذنب فيه
كان وده يقولها ان ابوها هو اللي رماها بس فضل انه يسكت ويستمتع بهاللحظه
نجد تراجعت ل ورا: تكككففففىىى وووخرررر. عنيييي باااااابباااااا
بس ماكان يسمع لها وكل مره يلمسها كانت تحس بروحها تطلع متقززه منه تصرخ بس محد يسمعها شافت حصى صغير جنبها مسكته وضربته براسه ومن الألم بعد بسرعه
قامت وهربت وهو يركض وراها
تخبت داخل بيت مهجور وحاولت تكتم بكيتها بس كان صوت شهقاتها يوصل مسامعه حط كفه ب كتفها وصرخت
سحبها من شعرها ومشى فيها لين السياره وهو مقرر يرجعها ل ابوها ما يبيها
كانت طول الطريق تبكي وتترجاه يتركها بحالها بس كان متجاهل كل صراخها
وصل بيت ابوها ونجد فرحت وجت تبغى تفتح الباب بس مقفول ناظرته ب رجاء: تكفى طالبتك افتح الباب تكفى والله ما بقول ل ابوي شي بس خلني اروح
نزل وفتح لها الباب وسحبها من أيدها ودق باب البيت
طلع له بو نجد واستغرب من وجودها
نجد فرحت لما شافت ابوها وراحت لحضنه بس ما بادلها كانت ترجف ومرعوبه من الشخص اللي خطفها بس الصدمه لما سمعت ابوها يقول
بو نجد: قلت لك تخلص منها ليه رجعتها لي
جاسر ابتسم بخبث كان يبيها تسمع الكلام من ابوها
نجد: بابا وش تقول انت
بو نجد بعدها عنه بقوه: خذها ما ودي أشوفها
نجد: يبه أنا بنتك وش قاعد تقول انت
بو نجد ببرود: اللي سمعتيه ماعندي بنت أنا جاسر خذها
مسكها بس بعدته بقوه: يبه وش تقوووول انت يبه أنا نجد بنتك شلوووون ترميني ل واحد نفس هذا يييييببببههه بغى يعتدي علي بغى يموتني يييبببهههه
بو نجد صد عنها: بقلعتك ما هميتيني خذها ي جاسر
سحبها وطلع ونجد تنادي ابوها ما تبي تصدق اللي سمعته منه عاذرته والله عاذرته قالت يمكن لان امي ماتت وهو حزين للحين ودها تتمسك ب أمل بس انقطعت آمالها لما تسكر الباب ب وجهها.
.
.
.
نوقف هنا رأيكم
لا تنسوا النجمة✨
الكاتبـة نجـد✍🏻