في المزرعة وبين الورود وفرحانه وترقص شافها وانبهر ب جمالها لابسه فستان اصفر بدون أكمام كان لونه هادي جدًا للعين بس يعكس شخصيتها هي ابدًا مش هاديه إنسانه فرفوشه وتحب الحياه وعصبيه أحيان وشخصيتها متقلبه عكس شخصيته الهاديه الرزينه
تحمحم عشان تنتبه له: احممم
سمعت صوت ولفت وراها وشافته استحت وحمرت خدودها ونزلت راسها
تقرب لها ورفع فكها ب ايده : تستحين مني
سمر صدت عنه تحس قلبها بيوقف من قربه
فهد: ناظريني ي بنت عمي
سمر رفعت عيونها له وقالت بهمس: م يصير تشوفني ي فهد
فهد حس بحلاوة اسمه لما نطقته تنهد :ليه ي قلبي
سمر استحت: بيشوفنا احد
فهد قرب من أذنها وهمس: وإذا انتي زوجتي وحبيبتي وحلالي
توترت وراحت تركض بعيد عنه
فهد تنهد دايم تهرب منه بس يحبها ما يصبر عنها وهي ما تعطيه مجال يسولف معها ابد دايم تهرب منه
ترف اللي كانت تراقبهم من الشباك شافت سمر وهي تهرب فطست ضحك
الهنوف شافتهم بعد وضحكت:شفتوهااااا كيف استحت ي بنات اختي طاحت ومحد سمى عليها
اديم: اي والله
مشى ب اتجاه المطبخ وشافته: ااااهههه ي سحور والله اني احبه ليت جدي يزوجني إياه
سحر: روحي له طيب وطيحي نفستس عليه أكيد ما بيخليتس تطيحين ويمسكتس
سناء عجبتها الفكره ومشت ب اتجاهه وسوت نفسها بتطيح بس نمر لاحظ انها بتطيح عليه وبعد وهي طاحت بالأرض
نمر: أبو سلمان أبوه وشفيتس انتي م تشوفي
سناء اللي تعورت تكلمت بدلع: عورتني ي قاسي
نمر انقرف حس ان حلال فيها التكفيخ مشى عنها ودخل المطبخ وهو متنرفز
جوري: والله مسكين هالنمر دايم تصادفه سناء
الهنوف: ودي اصفقها اههخخخ من سمر وينها غرقت بالحب وسحبت علينا لو انها
وقطع عليها درعمة سمر: ترا جيتكم ورجعت لكم
الهنوف سحبتها: اسمعي العلوم ي بنت امي وابوي
سمر: هاتي العلوم
الهنوف: هذي سناء المليقه تتلزق ب نمر
سمر: ما جبتي شي جديد ي خيتي هاتي شي م اعرفه
اديم: اللي م تعرفينه ي بنت عمي من شوي الخبله بنت عمتس طاحت ع اخوتس
شهقت: تمزحييييي تكفين قولي انها
قاطعتها اديم: سحب عليها وطاحت بالأرض
فطست ضحك سمر: تستااااااهلللل المعتوووههه
ودخلوا سحر وسناء
سمر: لي طريت الكلب زهب عصاه
سناء:شقصدتس
سمر: اللي فهمتيه
رمت عليها المخده
سمر راحت لها وسحبت كشتها:هييه انتي يالمعتوهه احترمي نفستس
سناء بعدتها عنها بقوه وضرب ظهرها ب الجدار
شهقت الهنوف وركضت لاختها
مدى راحت ل سناء وعطتها كف
وبدت الهوشه بين البنات
دخلت الجده على صوت الهواش وضربت ب عصاها ع الباب: بنت انتي وياها بعدوا عن بعض
ودخلوا الحريم وبعدوهم عن بعض
الجده بعصبيه: وش بلاتس انتي وهي شفيكم على وش تتضاربوا
الهنوف: جده هذي" واشرت ع سناء" المعتوهه دزت سمور ع الجدار وأذتها ومو بس كذا ترمي نفسها ع نمر عديمة الحيا
انصدمت ام مازن: لا تتبلوا ع بنتي وحيدتي ابعدوا اخوكم عنها بنتي ما تسوي تسذا /وسحبت بنتها وطلعت
ام نمر تنهدت بضيق : الله يهداكم ي بنياتي /وراحت ل سمر: انتي بخير ي امي تعورتي ؟
سمر: لا ي يمه م جاني شي بس الحيوانه ذي ان ما تربت واحترمت نفسها والله وتالله ل تشوف شين ماشافته بحياتها/ وطلعت عنهم
اديم: سحر يحيوانه ادريبتس تعبين راسها
سحر عطتها كف وبغضب: ابفهم متى تحترمين اختس الكبيرة وبعدين سناء عقلها ب راسها مو محتاجه احد يعبي راسها فهمتي
تنهدت اديم دايم سحر تعبي راس سناء وتوهمها ان نمر يحبها ومتعلق فيها ويبيها
ترف:اديم ماعليه اختس وتعرفينها
اديم: اعرفها ي تروف بس ضايق صدري على سناء شلون كذا تسوي وهي بهالعمر وكل همها تتزوج نمر
سحر: قولي انتس تحبينه وتبينه وما تبين سناء تحبه
انصدمت منها وعطتها كف وبغضب: وش تقولي انتي
سحر: اجل ليه تمنعين سناء من اللي تسويه
اديم بصراخ: لان اللي بعمرها المفروض ما تفكر كذا فهمتي ي غبيه ي معتوووهه ي مريضه/ وطلعت
ترف بغضب: وهذا انتي الكبيره المفروض تنصحينا وتكوني معنا
سحر :اسمعي ي ترف ماني ناقصتس انقلعي عني
جوري: سمور يابعد تسبدي انتي اهدي شوي يعني سحر وتعرفيها مافي شي جديد ليه معصبه وبعدين نمر ما اهتم لها
سمر بضيق: ادري بس يحز بخاطري اني اشوف سناء واصله لهالمرحلة ي جوري سناء كانت بنت لطيفه رزينه ليه صارت كذا
مدى: تعرفين سحر وسواياها
سمر: الحين ابفهم سحر وش دخلها ب نمر مو اخوها ي ناس ليه متدخله ب حياته هالكثر سلامات تقهر
واستمر الوضع كذا والبنات يحاولوا يهدوا ب سمر اللي مو راضيه تهدا
لين وصل حبيب قلبها وهدت فورًا
———————
سعود :طيب الحين تقول سمعت وشافت وش شافت ابفهم
بو نجد: من كم شهر
نرجع ل كم شهر
ام نجد كانت ماسكه كيسه فيها مخدرات تكلمت بعصبية: وش ذا ي محسن فهمنييي
بو نجد بنفس العصبيه: مو من حقك تفتشين ب أغراضي ي ورد
جلست ع السرير وبكت: ليش تسوي فينا كذا ي محسن انت وعدتني ماعاد تسوي هالشي
بو نجد عطاها كف: مالك دخل ب شغلي فهمتي/ ورفع إصبعه ب تهديد: والله ان تدخلني انك م تشوفين بنتك طول عمرك فهمتي/ وطلع
سعود للحين مصدوم من صاحبه شلون وصل جنونه لهالمرحلة : محسن منت صاحي يخوي روح عالج نفسك وسلم نفسك انت قتلت إنسانه تفهم وش يعني قتلت اعذرني لهنا وخلاص أنا بسلم نفسي أنا عندي عيله وما ودي أضيعهم معي
بو نجد ببرود اتصل: تقدر تقتلهم
سعود أنصدم: تقتل من
بو نجد: افتح كام ي جاسر
فتح الكام وانصدم سعود من اللي شافه كان جاسر ماسك المسدس وحاطه ب راس ولد سعود وصرخ فيه : محسن ما توصل فيك المواصيل كذا ي محسن أنا صديقك وأخوك شلوووون تسوي فيني كذا
بو نجد: اسمع ي سعود أنا زوجتي اللي هي زوجتي قتلتها عشانها درت عن شغلي فما بالك ب صديقي بتروح تبلغ اعرف انك بتكون سبب ف موت عيلتك
أنصدم من الجنون اللي وصل له محسن ومسح على وجهه بضيق ولف له: طيب طيب اللي تبيه بيصير خل عيلتي بحالها ي محسن
بو نجد: خلاص اتركهم ي جاسر/ وقفل
————
فالمستشفى عند نجد
عبير: جاهزه تروحي البيت ي نجد
دمعت: ماودي اروح وامي مو في ي عبير واشتقت ل بابا
ودخل بو نجد: نجد
انصدمت انه جا صار له أسبوع ما شافها ولا شافته ولا سمعت صوته حتى
ودها تركض له ودها تضمه وتبكي بحضنه ودها تعرف ليه م حضر عزا امها ودها وودها بس ما قدرت تتحرك من مكانها
راح لها وحضنها بس مابادلته الحضن: اسف ي قلب أبوك انتي سامحيني كنت ب مستشفى ثاني توني طلعت
بعدت عنه ورفعت راسها تناظره: اي مستشفى عبير قالت طلعت
عبير استغربت هو م نام بالمستشفى حتى
بو نجد: مدري وانا أبوك ماكنت بوعيي" ونزل راسه يمثل الحزن" تمنيت اني أنا اللي مت ولا ورد حتى عزاها م قدرت احضره ااااخخخخ يا حرق قلبي عليك ي ورد
دمعت عيونها: خلاص بابا لا تبكي
حضنها وهو يمثل الحزن وداخله يتوعد بنجد
كانت جدًا فرحانه برجعة ابوها ومن داخلها سامحته وقالت يمكن عبير ما كانت تدري عنه شي بس كانت تبغى تطمنها عليه
نجد: بابا خايفه اروح البيت بدون ماما
بو نجد: لازم نودعها ي بنتي لازم نروح البيت
مسكت ايده بقوه وطلعوا من المستشفى واتجهوا للبيت
اول م فتحت الباب شمت ريحة امها نزلت دمعتها
بو نجد: نجد يبه أنا بدخل غرفة المكتب لا تجين لأني مشغول جدا
تتهدت بضيق بس فكرت ان يمكن يبغى يجلس لحاله وراحت غرفتها بس قبل لا تدخل شافت باب غرفة امها مفتوح دخلت وشافت صورتها هي وامها وأبوها ضمت الصوره وجلست بالسرير تبكي
دخل غرفة المكتب ونقل كل أعماله القذره ب فلاشه
كان يسمع بكائها بس متجاهلها بردت كل مشاعره تجاهها ما يشوفها إلا عدوته ما قدر ينتقم من امها ف بينتقم منها ف بنتها موت ورد ما برد قلبه ابد وقرر يعذب نجد لين يبرد قلبه
.
.
.
نوقف هنا
لاتنسوا النجمة✨
الكاتبـة نجـد✍🏻
أنت تقرأ
وأنا جاهل في درب المُحبـين
Roman d'amourبعد موت امها تنقلب حياتها رأسًا على عقب وتكتشف شخصية ابوها الغامضه وتتعرض ل مواقف مؤذية ولما انطفى نورها دخل حياتها واشغله
