وأنا جاهل في درب المُحبـين

البارت الثاني والعشرين

اعذروني ع الحزن الخفيف بهالبارت بس الوناسه تجي بالبارتات الجايه
وأعذروني على قصر البارت بس اني تعبانه ع الأخر اليوم

قراءة ممتعة لكم✨

دقت الباب: نجد حبيبتي افتحي الباب
نجد: ما ابي خليني لحالي
سمر: تكفين ي نجد افتحي ما يصير كذا
قامت وفتحت الباب وبغضب : هذي الغرفه خذيها لتس اشبعي فيها بروح بيت ابوي /ومشت عنها
سمر لحقتها: نجد نجد وقفي
نجد: سمر مابي اجرحتس تكفين خليني
تنهدت وتركتها ومشت
اتصلت على متعب يجي ياخذها مرت من جنب الإسطبل وشافت الرعد نزلت دمعتها ومشت برا المزرعه تنتظر متعب
الهنوف: ييققققههههررررر
دخل نمر بس خواته صدوا عنه
نمر: سمر
سمر: وخر عني ي نمر دام النفس طيبه عليك انت وش ماعندك قلب تقولها بخطبتس وتاخذ غيرها
الهنوف بقهر: اكرهك ماحبك / ومشت عنه
تنهد بضيق ومشى عنهم
دخلت البيت وهي تبكي
شيهانه وقفت: نجد
نجد تركتها وركضت غرفتها تبكي
دخلت معها: نجد
نجد وهي تبكي: خطبها وتركني ي شيهانه حبيته وعطيته قلبي بس كسرني وتركني قال اني مرخصة بنفسي
ضمتها وهي مصدومه : وش تقولي انتي
نجد : طلبته يصدقني يفهمني بس ما فهمني ولا صدقني يوم تكلموا عليه وطلعوا عليه كلام صدقته وسامحته وانا مو متأكده بس قلت نمر ما يسويها شيهانه شلووووون يفكر فيني هاللون
نزلت دمعتها مقهورة على اختها: مايستاهلتس يوخيتي ما يستاهل دموعتس عليه
نجد: اااااهههههه ي شيهانه حرق قلبيييييي قلت انه غير عنهم قلت ما بيكسرنييي اااااهههههه ي حرقة قلبييي اااوووفففف
مرت الليله كلها ونجد تبكي وشيهانه تهدي فيها
__________
كانت تمشي معه عند الخيول وهي تسولف وهو مايسمعها
سناء: بسراحه مرررره فرحانه واخيرا كسرنا عيون العذال
بس مارد عليها
سناء: نمر
نمر تهمهم: ههممم
سناء: أكلمك
نمر: سمعتس أنا بروح الدوام / وتركها
دخلت عشان تسلم على جدها وجدتها وهي صار لها اسبوع على هالحال بس تجي عشان تسلم عليهم وتروح
الجد: هلابتس بنيتي
نجد باست راسه: صبحك الله بالخير جدي
الجد: صبحك الله بالنور
نجد: شلونتس جده عساتس طيبه
الجدة: الحمدلله يبنيتي فيتس الخير والبركة دايم تجي
نجد: انتم اهلي ماقدر ما أزوركم بس بروح الحين متعب معاه شغل ما يقدر يتأخر اجيكم باتسر
الجد: زين يبنتي الله يحفظتس ويوفقتس
نجد: امين يارب/ وطلعت
شافها وراح لها/ نجد
نجد/ بغيت شي ي العميد؟
نمر: بغيت أكلمتس
نجد: عندك زوجة روح كلمها/ ومشت عنه وطلعت بس هو لحقها ومسك ايدها
شافه متعب ونزل وراح له وبعد ايده بقوه: ابد إيدك عن اختي ي نمر يلا يا ملي مشينا
نمر: بس يا متعب
متعب : ادخلي نجد
دخلت السيارة ومتعب راح ل نمر ورفع إصبعه بتهديد: اسمعني ي نمر جزاك الله خير ساعدت اختي ورجعتها لهلها حبتك وكسرتها ياخي انت صدقت شين ماهو فيها علمن يوصلك ويتعداك ي نمر اختي ان قربت صوبها ذبحتك/ ومشى عنه
نجد ناظرت اخوها بدموع
متعب: لا تبتسين يا ملي
لفت تناظر الشارع ودموعها تنزل
متعب دايم واقف معها حتى لما نمر عطاه الصور وقاله شوف رخص اختك ماصدق وحرق الصور وقال هذي مو اختي من لما جت عندهم وهو واقف لها
ركب سيارته وطول الطريق وهو مقهور على اخته
________
نروح لأهلنا ف حايل
بو منصور: وينه بتال
منصور: عند الحلال يبوي
هزاع: مايطلع أصلا دام هناك
بو منصور: شنوحه
منصور: م دريبوه
ناصر: بابا متى تزوجني
طير عيونه
هزاع ضحك: منهي سعيدة الحظ
ناصر تأفف:هفففف قلت لكم نجد
منصور: قل ل عمك بتال يجيبها هنا
ناصر شمقه: شدخل عمي بتال
هزاع: يمكن يتزوجها
ناصر: لااااااا ما يصير هذي لي أنا/ وراح معصب
منصور ضحك: إلا نجد محد ياخذها منه
هزاع: وش مسويتله
منصور وهو يضحك :لبسته بنطلونه ههههههههه
هزاع: اماااا يمممهههه بممموووتتتت
اما عند بتال كان جالس عند الأبل ويغني:
يمر الوقـت بغيابك..
حنين وشوق ابنسـا وين..
يمر الليـل من دونك..
وانا جالس على الفاضـي...
أكابد لوعـة النسيان..
ورسمـت صورتك بالعيـن..
أنا وشلون ابـي انساك..
ولك في قلبي اراضـي..
تنهد: ايييييه والله اني اشتقت لتس ي نجد ربي يسعدتس مع نمر اييييههه ي عمشه "أسم ناقته"اثاريني طحت ومحدن سمى علي قلت لك ي بتال وش تبي بهالطريق ما تسمع الكلام عاندت كل احد عشان سعادتها عقبال تسمع خبر زواجها منه
العنود: سمعتتتوووووااااا الخبر
الريم: وش خبره
العنود: نمر خطب
لميس: ونااااسسسههه واخيرا خطب نجد
العنود بحزن: بس مو نجد
سوسن شهقت: اجل من
العنود: سناء
لميس: لااااا تكفيييين لييييه والله انها تحبه وتموت فيه ليه ياخذ سناء
العنود: مدري الصراحه بس انقهرت مسكينه نجد ما تستأهل
عهود: اجل بيزوجونها بتال الحين
العنود: والله ان بتال يستاهلها اكثر من هالمخزي
لميس: وانتي صادژة
ام رعد: شعندكن جالسات
لميس: يمه نمر خطب بنت عمه سناء
شهقت وضربت صدرها: يحسرتي شلون تسذا الحين مب هو يحب نجد وهي بعد ويبون بعض
لميس: اي تسذا اللي نعرفه بس مانعرف وش اللي حصل وخطب سناء
ام رعد: يحليلتس ي نجد
———————
كانت جالسه تنظف المطبخ تشغل نفسها عن التفكير فيه
شيهانه: نجد
نجد: لبيه ياملي
شيهانه: شنوحتس 
نجد ابتسمت: خليني اشغل نفسي لان قلبي يوجعني حيل ي شيهانه
مسكت ايدها : ابتسي طلعي اللي بقلبتس
نجد: بتسيت لين تعبت ياملي ما تغير شي اليوم بغى يكلمني
شيهانه: وله وجه بعد
نجد:ما سمحت له ومتعب كلمه بعد
شيهانه: يستاهل
نجد: بس جاني شعور ودي اسمع له ودي اعرف وش بيقول
شيهانه: لا ينجد اللي ما يبيتس وش تبين فيه
نجد: مدري شيهانه احس مابذلت كل جهدي بعلاقتنا يعني هو سوا حادث واشياء كثير صارت له
شيهانه: بتتصفقين ترا
نجد: تكفين شيهانه بس هالمره تكفييييين
تنهدت: هالمره ي نجد
نجد: اي هالمره
شيهانه: امشي بقول لمتعب بنروح نشوف سمر
قامت وراحوا لمتعب
شيهانه: متعب يا ملي تكفى والله اشتقنا لعزيز
متعب: لا يعني لا خلاص اقطعوا علاقتكم معهم
نجد جلست على ركبها ومسكت يدينه: متعب طلبتك والله اني اشتقت ل عزيز
تنهد دايم تستعطفه بهالحركات ويلين قلبه: طيب طيب اجهزوا
باست خده وراحوا فوق
شيهانه: نجد هالمره ها غيره مافي اقولتس خلاص عاد
نجد: ابشري
نزلوا وركبوا السياره وراحوا مزرعة الجد سلمان
نزلوا وراحوا عند البنات
سمر بس شافت نجد عطت عزيز للهنوف وقامت وحضنتها بقوه
نجد: اشتقت لتس
سمر: ليه تقطعينا ي نجد
نجد باست خدها: هذاني جيت يا بعد حيي وين عزيز
الهنوف: هذا هو مشتاق لتس
خذته منها وضمته تشم ريحته وتنهدت: اااهههه يزين ريحته بس
سناء شافتها: شعندتس جايه
نجد: مالتس دخل
سناء: اطلعي من حياتنا مو غصب تدخلينها محد يبيتس
نجد عطت شيهانه عزيز وراحت ل سناء وعطتها كف طلعت كل القهر اللي بداخلها بهالكف
سناء: يا حيوانه/ وجت بتعطيها كف بس أيد نجد كانت اسرع ومسكتها ولفتها لورا: ايدتس هذي تمدينها اكسرها لتس تفهمين
سناء: بعلم نموري عليتس
نجد: علميه بخاف منه يعني / ودزتها وطلعت الحوش لأنها حست بكتمه من داخل وكتمه لما قالت انها بتعلم نمر مو خوف من نمر بس هي تبيه هي تحبه ما تبي وحده ثانيه تشاركها فيه
شافته يمشي وراحت له: يالعميد
لف وشافها ابتسم لها: نجدي
نجد بحده: ماني نجدك جيت ابسمع وش بتقول ودي انهي اللي بيننا وانا مرتاحه
نمر: نجد أنا حبيتس والله ماني متخيل حياتي مع سناء
قاطعته: شبعت من هالكلام اخلص
تنهد: نجد الصور واضح انها حقيقه ليه تكذبين علي حتى اللي جنبتس بالصوره اتصل وقال في غيرهم
نجد ناظرته بدموع: للحين مصدق فيني يعني طيب ي نمر وهذا وانا اللي جيت عشانك طيب
نمر: نجد افهميني أنا ما اقدر آخذ وحده مرخصه بنفسها
صرخت: ليتني ما حبيتك الله يلعنك انت شلووون ترضاها فيني وانا اللي صدقتك وحبيتك وما قبلت الكلام فيك أنا ي نمر اللي سامحت العيله كلها عشانك أنا اللي فضلتك عن ابوي وعن كل أحد أنا اللي عطيتك قلبي كله بين يديك انت شلوووون تتجرأ وتقول عني رخيصه أنا أشرف منك ومن اللي خطبتها وصدقني بيجي اليوم اللي بتندم فيه وبتترجاني ارجع لك بس ماني راجعه بطلع من حياتك وعيشها معها بروح وماني راجعتلك ي نمر بروح ومالي رجعه سود الله وجهك اللي ما عرف معنى الرجوله
نمر بغضب: ما دخلتي حياتي عشان تطلعين منها
بلعت غصتها: ليتني ما حبيتك ي نمر
نمر: أنا أصلا ما حبيتس/ ومشى وهو شياطينه طالعه
كلمته ألجمتها وقفت تناظره تتمنى يرجع تحس روحها بتطلع خلاص لكن للأسف ما التفت لها ولا رجع
انهارت وجلست ع ركبها تبكي مقهوره حيل منه ظلمها حيل وهي اللي ظنت انه مستحيل يظلمها
حبته لدرجة تحملت الضرب كله من ابوها تحملت الكلام اللي يسم البدن عشانه تحملت فعايل سناء وسحر بس عشانه بلحظة حست روحها بتطلع خلاص
شيهانه شافتها ونزلت دمعتها
الهنوف: شوشو تبكين؟
شيهانه: اخوكم جرح اختي بالحيل جاته متأمله فيه خير بس شوفوا حالها
الهنوف ضمتها: مالنا ذنب ب فعايل اخونا ي شيهانه ربي يجبر بقلبها والله انها تستأهل واحد يحترمها ويحترم حبها ويقدرها وهالشي للأسف مهو بوجود ب اخوي
شيهانه :ادري ان مالكم ذنب يا بعد حيي اعذروني بنروح احنا
سمر: وقفي شيهانه بروح ل نجد اكلمها شوي / وراحت لها
نجد شافتها وزاد بكاها
ضمتها بقوه: دموعتس لا تنزل لاحد غير اهلتس ي نجد اي اخوي بس ما يستاهل دموعتس  قوي قلبتس يخيتي انتي تستاهلي واحد يحبتس ويصدقتس
نجد: ااااهههه يا سمر دفني وانا حيه تكفين ابي قلبيييي خليه يرده مابقى شعور ما بقى احساس ما بقى نفس ولا بقت دقات قلب كل شي عطيته ي سمر يوم واحد بس كان باقي يوم واحد ونكون لبعض لييييههههه يصدق فيني وانا اللي نسيت موضوعه وسامحته وقلت ما يسويها وباخذه بكل عيوبه اااااهههه ياقلبي سمر احس بناااار بداخلي
نزلت دموعها : خلاص ينجد تكفين انسيه انسيه والله ما يستاهلتس
شيهانه بضيق: مشينا ي نجد متعب وصل
قامت وهي تمسح دموعها
سمر ضمتها: لا تسحبين علينا
نجد حاولت تبتسم: من عيوني / وراحوا
شيهانه: اي ي نجد وين تبين نروح
ركبوا السياره
نجد : متعب اطلبك طلب
متعبي عيوني لتس امري
نجد: ودي بحايل بجلس فيها كم اسبوع
متعب ناظر شيهانه وهي هزت راسها بمعنى وافق
متعب: ابشري نروح باتسر
نجد ماردت عليه و لفت تناظر الشارع ودموعها تنزل
وصلوا البيت ونجد على طول راحت ترتب أغراضها
شيهانه: ودي اجي عندتس
نجد ناظرتها ودموعها تنزل: ابغى ابتعد عن الكل شيهانه انتي خلتس عندتس جامعه
ضمتها بقوه: تكفين لا تبتسين
نجد حاولت تكتم بكيتها: ابشري
بعدت عنها: تبين إندومي
نجد: طيب ياملي سوي بس اخلص بنزل
شيهانه: احلى إندومي يجيتس الحين/ ونزلت
جلست وجسمها يرجف من قوة التفكير تحس انها بالعة جمره من الغصه اللي فيها ودها تبكي زود بس تعبت من البكي تعبت من حبها له تعبت من كل شي قامت تخلص أغراضها وبعدها نزلت تحت وجلست مع شيهانه اللي كانت تحاول تغير جوها وتضحكها وقدرت وصاروا يسولفوا ويضحكوا وبعدها كل وحده راحت غرفتها تنام بس نجد ما نامت لأنها كانت طول الليل تبكي
________
من صباح ربي طلعوا متعب وشيهانه ل حايل تحس انها كرهت الديره وكل شي فيها ماعاد ودها تجلس فيها
طول الطريق ومتعب يسولف معها يحاول يغير مودها وشوي شوي تحسن او بالأصح مثلت عليه انها صارت زينه ما ودها تشغل باله
وصلوا حايل ونزلوا بيت عمهم بو منصور
كان داخل وشايل حليب الإبل ورابط ثوبه بخصره وشماغه بكتفه
متعب: عساك ع القوه ي بو ناصر
بتال: يقويك ربي ي بو طارق يأهلا والله زارتنا البركه عاش من شافكم
متعب: تعيش يخوي احد موجود من الحريم
بتال: اي حياك الله ادخل الحين أنادي البنات/ ودخل وبصوت عالي: يمممااااههه
ام منصور بعصبيه: وصمه ان شاء الله كم مره اقول لا تصرخ م تفهم انت
بتال: حقتس علي ي ام منصور بس متعب جاي وأخته معه بغيتس تطلعين لهم
ام منصور: ياقليل الخاتمه مخلنهم برا م تستحي انت/ وراحت لهم
متعب: السلام عليكم ي عمتي
ام منصور: هلا يمه هلا
متعب: شلونتس عساتس طيبه
ام منصور: الحمدلله منهي اللي معك
رفعت نقابها: نجد ي عمتي
ضمتها : هلا ببنيتي هلا بحبيبة قلبي شلونتس يمه شخبارتس
نجد: الحمدلله عمتي انتي علومتس
ام منصور: الحمدلله
متعب: يلا فمان الله هذي نجد امانه عندكم كم اسبوع
ام منصور: حياها الله انت وين رايح يولدي
متعب: والله ان مشاغل الدنيا كلها فوق راسي
ام منصور : اجلس ارتاح شوي ي يمه
متعب: لا ي عمتي كثر الله خيرتس انتبهوا ل نجد
ام منصور: نجد بعيوني يمه لا تحاتي
متعب ودع اخته وراح
ام منصور: حياتس يمه ادخلي
نجد دخلت معها
العنود شافتها: ارررححبببييييي/ وضمتها
نجد: الببقققى يابعد حيي
الريم: ياااهلااااا اشتقنالتس
نجد: وانا اكثر والله
الريم: وين شيهانه اجل
نجد: جيتكم لحالي والله تبوني ؟
العنود: من ما يبيتس يوخيتي اجلسي اقول
ابتسمت لها
بو منصور: هلا ببنت اخوي
راحت وباست راسه: هلابك عمي
بو منصور: تحبين الكعبة يبنيتي اجلسي افطري
بتال: يمه حليب النياق وصل تبونه
نجد تعشق شي اسمه حليب نياق همست ل العنود: يالله قولي له يجيبه والله ان قلبي يحبه
العنود طلعت وراحت له: هات
بتال: منهي هذي
العنود تنهدت: نجد
استغرب: غريبه
العنود: م الغريب إلا الشيطآن يخوي
بتال: صدقتي بس اقصد المفروض تكون خلاص تزوجت نمر
العنود: الله يلعنه تزوج وحده ثانيه وتركها
أنصدم: تمزحي شلون طيب نمر قال ماياخذها غيره
العنود: مدري يخوي مدري هات الحليب البنت تموت فيه
بتال مده لها: اي خذي خذي
أخذته ودخلت
مشى وهو مستغرب حتى ما فرح ان في أمل عشان ياخذها بالعكس تضايق اثنين يحبون بعض وما يكون بينهم نصيب تنهد ودخل عن اخوانه
هزاع: شنوحك
بتال: ابد تبون حليب نياق
منصور: جا بوقته والله
بتال: جا متعب جاب اخته ومشى
منصور: ليه م جلس
بتال: يقول مشغول بس اخته بتجلس عندنا كم اسبوع
هزاع: اي الله يحييها إلا شخبار عمشه م ولدت
بتال بفرحه: ايييي اليوم ياويسي بس
منصور: الحمدلله
بتال: بروح النفود اليوم تجون الشباب يقولوا في سامري اليوم
منصور: قدام علم العيال يجون بعد
بتال: ابشر اعلمهم
هزاع: متى ترحون
بتال: تسذا الساعه ١٠
هزاع: حلو اجل
منصور: اجل يلا انقلعوا كل واحد لشغله
الريم: أخبارها شيهانه
نجد: تسلم عليكم ودها تجي بس جامعه
العنود: اي الله يوفقها
نجد: بنات ودي اروح انام تعبانه حيل
العنود: تعالي معي بغرفتي نامي
قامت معها وراحت لغرفتها
العنود: نجد شنوحتس
نجد بلعت غصتها: مابوه شي بس تعبانه شوي
فهمت انها ماودها تقول لها ف طلعت عشان ترتاح
الريم: كاسره خاطري والله
العنود: ربي يجبر بخاطرها
الريم: امين اسمعي شرايتس ننادي البنات وتسذا نتونس وبعد نجد كان خاطرها تتعلم سامري
العنود : طيب ليه لا
ام منصور: وينها نجد
العنود: دخلت ترتاح تقول تعبانه من الطريق
ام منصور : اي زين يحليلها
____________
اليوم محكمة محسن بعد ضغط تحقيقات اعترف بكل شي سواه
القاضي: حكمت المحكمة بالسجن المؤبد مع الأعمال الشاقه للمتهم محسن ال.......
محسن: اعترض مااااااسويت شي أنا مايصير تظلموني
اخذوه الشرطه وهو يصرخ
القاضي يكمل: وحكمت المحكمة بالسجن لمدة ١٥ سنه للمتهم سعود ال....
سعود جلس من الصدمه ومسك راسه هو اللي جاب كل هالمصايب لنفسه
_____________
الجد: اي الحمدلله ارتحنا من محسن ومشاكله مابقى شي ما سواه ف أحفادي
بو متعب: اي الحمدلله اقول عمي دام نمر وزوجته بقت نجد
الجد: إذا م جا ابو الولد بنفسه يخطب ما بزوجها فهمت
تنهد
بو فهد: اجل متى العرس ي بو نمر
بو نمر: والله مدري عنهم يخوي متى ما بغو
بو مازن اللي ارتاح ان نمر تزوج بنته : خلوهم لين يجهزوا أنا اقول
ام مازن: ها يمه عساتس مرتاحه الحين
سناء: اي يمه الحمدلله وصلت للي أبيه
ام نمر كان ودها نجد بس وش تسوي مابيدها حيله تنهدت بضيق: سمر يمه هاتي لي ماي ابل ريقي فيه
سمر: حاضر يمه/ وراحت تجيب لها
سحر: من قدتس يقلبي بتعرسين
سناء: مررررره فرحانه لاني خذيت نموري ولاني كسرت عيون العذال
شمقتها الهنوف
___________
الساعه ١٠ كل العيال مجتمعين ب النفود
بتال وهو يضحك: يازينك ي مسعد
مسعد: صدژ اقولك بخطب قريب عقبالك
بتال: لا جت اللي تسرق قلبي
رعد: اوووهههه كلام كبير اسمع راعي النياق يبي يحب وبعدها يتزوج
هزاع: شايف شلون
زايد: وينهي اللي تفكر تدخل قلبك مافيه إلا حبك ل عمشه
بتال تنهد وبداخله" والله انها موجوده بس ربي يجبر بقلبها "
تميم: اقول خلونا نلعب بس
بتال: وين اللي يقول في سامري
تميم: هالحين تبونه؟
بتال: اي اجل متى
رعد: احسب تبون آخر الليل يخوي
بتال: اقول اسكت بس خل نستانس
منصور: ترا أقولكم اليوم عمشه ولدت يعني ولدنا مستانس ع الآخر محد بيقدر يعكر مزاجه
بتال: اي قوموا يلا
مسعد وهو يغني والباقي يدقوا

لاعبيني ياهوى والليل سامر
‏لاعبيني ب اللحون السامرية
بتال وهو يرقص وبصوت عالي: الللعععببب
.
.
.
.

.
نوقف هنا
لا تنسوا النجمـة✨
الكاتبـة نجـد✍🏻