وأنا جاهل في درب المُحبـين

البارت العشرين

انتشر الخبر بسرعه ان نمر ثامر سلمان ال.... صحى من الغيبوبه الكل فرح له وبيت بو نمر ما فضى من الناس اللي جت تتحمد لهم بالسلامه
لدرجة البنات طول اليوم ف المطبخ قهوه رايحه وقهوه جايه وأهل حايل قرروا هالاسبوع يجلسوا عندهم يساعدونهم
الريم: يمه بموت وش ذا
سمر: بولد الحين يمه تعبت
سندس: يابنتي اجلسي محد ملزم عليتس
سمر اللي كانت طايره من الفرحه: اخوي صحى والدنيا مو سايعتني من الفرحه خليني أساعد
لميس ضحكت وهي تشوف نجد توجب المعازيم: اجل وش تقولوا عن نجد اللي يشوفها يقول رجلها
سمر: الله يكتبهم من نصيب بعض
البنات بصوت واحد: ااااممممييييننن
العنود: إلا هذيتس اللي تقول ختبني وينها
الجوري وهي تضحك: جالسه تجهز على أساس بيشوفها ويخق عليها يع
الهنوف: ليتها تتعلم السنع من نجد
شيهانه: محدن يجي مثل وخيتي
نجد دخلت: بنات قهوه قهوه خلصت اللي عند الحريم
سمر: خلتس انتي هنو روحي انتي بدالها
نجد وهي من سمعت الخبر والابتسامه شاقه وجهها: لا ياملي أنا اللي بروح عطوني القهوه بس
شيهانه: اي من قدتس رجع الحبيب
نجد تنهدت: اي والله رجع العين ونظرها / خذت الدله ومشت عنهم
نزلت سناء وكانت لابسه فستان ازرق بدون أكمام وقصير لين الركبه وشعرها نازل على أكتافها وميكب خفيف بارز ملامحها ومطلعها جدًا جميله
سحر: بسم الله ماشاء الله عليتس تهبلييين
ابتسمت ب حيا: والله انتي اللي تهبلين/ وراحوا عند الحريم
ام فلاح: بسم الله عليتس سنعتن مثل امتس الله يرحمها
نجد ابتسمت لها: تسلمين امين يارب ويرحم جميع موتى المسلمين
ام مازن: وصلت خطيبة نمر يا جماعة
الكل التفت لها
ام مشاري: متى خطبوتوا له ي ام نمر
ام نمر: م خطبنا ي ام مشاري
ام مازن: اي لان نمر سوا حادث ما لحقنا نكتب كتابهم
ام فلاح بهمس ل ام مشاري : وش شايفين فيها عشان يزوجونها له شوفي بنت ورد شزينها
ام مشاري: اي والله
ام فلاح: نشوف سناعتها / ولفت ل ام مازن : اقول صيته شسمها بنتس
ام مازن: سناء
ام فلاح: تعالي صبي لي قهوه
طيرت عيونها سناء كل هالكشخه ف النهاية تصب قهوه
نجد كتمت ضحكتها
ام فلاح: نجد العذية عطيها الدله والفناجيل
نجد: ابشري ي ام فلاح م طلبتي شي /ومدت لها الدله والفناجيل: خذي ي ختيبة نمر
سناء حست ب احراج ويا ارض انشقي وابلعيني
خذت الدله ومسكت الدله ب اليمين والفناجيل ب اليسار
ام مشاري طيرت عيونها: يحسرتي صيته بنتس ماتعرف توجب ي بنت الدله ب اليسار والفناجيل ب اليمين
نجد ركضت المطبخ وهي ميته ضحك
شيهانه: شنوحتس
نجد: لا يطوفكم شكل سناء يوم ام فلاح تعلمها شلون تمسك الدله والفناجيل
سمر: بموووتتتت وينها وينها
نجد اشرت لها : شوفي هناك
كانت سناء متوهقه مع ام فلاح وام مازن ماقدرت تتحمل
ام مازن: روحي يمه حبيبتي انتي روحي ارتاحي باكر كتب كتابتس لازم ترتاحي
سناء شوي وتبكي حطت الدلة والفناجيل ومشت عنهم
ام مشاري: مهي بسنعه مثل بنت ورد شلون تزوجينها وهي م تعرف تسوي شي
ام مازن: يجيب لها خدامه بنيتي تربت ع الدلع والدلال م تربت تخدم احد
ام فلاح: شلون يعني بتخلين الخدامه تطبخ ل رجلها وهي جالستن كذا م تسوي شي
ام مازن: اي
ام مشاري: كان الله ف عون ولدتس ي ام نمر
كانوا الحريم كاتمين ضحكتهم بطبع ام مشاري وام فلاح يتكلموا ع الشخص بوجهه وان شافوا بنت مهي بسنعه قالوا مايصير تتزوج
اديم وهي تمسح ع قلبها: اوووههه بردن قلبي
الهنوف: اي والله بردن قلوبنا تستأهل ماجاها
شيهانه: نجد يبونتس يابعد حيي
سمر: اسمعي بتقول الحين ام فلاح ل عمتي صيته لو ان نمر خذا نجد احسن له وش زينها بنت ورد
الريم: نتراهن
لميس: على وش
الريم: لتس مني ي سمر ١٠٠ لو انها قالت اللي قلتيه
لميس: ومني بعد ١٠٠
العنود: وانا ٢٠٠
سمر: اوووههه العنود داخله بقوه
ابتسمت العنود: اييي
سندس: وانا ٥٠
سوسن: وانا ٥٠
مدى: كلنا منا لتس من كل وحده ١٠٠
سمر: حلو اجل يلا نجد
راحت نجد
سمر: يمه تحمست هههههه
العنود: يويلي لو طلع كلامها صح والله ان الفلوس بتطير
سمر: ماعليتس انتي كريمه وانا استاهل
وقفوا كل البنات عند باب المطبخ يبون يسمعون
ام فلاح: هلا ببنت ورد هلا باللي مبرده على قلبي
نجد: هلابتس خالتي
ام فلاح: اجلسي ي امي وصبي لي قهوه
نجد مسكت الدله وصبت لها: اسلمي
ام فلاح خذت الفنجال: تسلمين اقول ي صيته
ام مازن تحاول تتمالك غضبها: قولي
ام فلاح: لو ان نمر خذا نجد احسن له وش زينها بنت ورد
سمر ضحكت: ييييسسسسسس/ ومدت ايدها/ يلا وين الفلوس
العنود كانت بتنحاش بس سمر مسكتها: انتي اول وحده هاتي اشوف
العنود: أصلا انا م قلت
سمر: عنيّد هاتي الفلوس اقول اعتبريها هديه ل ولدي
العنود: اي طيب طيب / وطلعت من جيبها / خذي
الريم: فلوسنا احنا الباقي داخل
سمر: يلا اجل مشينا داخل
سوسن: يبنت شنوحتس انتي بنعطيتس ترا
سمر: لا ياقلبي أنا ادريبكن بتسحبن علي يلا يلا
وراحوا كلهم داخل
سمر: اي يلا الفلوس لو سمحتوا
سندس: مفشوووحه
سمر: والله ادري بس الفلوووووسسسس
كل وحده طلعت وعطوها
_________
سحر: خلاص ي سناء لا تبكين
سناء: أحرجتني بالحيل تقول ماني سنعه وشوفي الحين جالسه مع نجد ليه ما يجلسون عندي
سحر: اوريتس فيها اصبري بس
سناء ارتمت بحضنها: تكفييين سوي اي شي سحر والله قلبي يحترق أبيه بتاخذه مني
شدت عليها: خلاص ياقلبي تطمني مابتاخذه
———
وصلوا وكان الوضع كأنهم زافين معرس والكل فرحان