وأنا جاهل في درب المُحبـين

البارت الثالث عشر

دخل مزرعة عمه وهو يبيها بعد ما ملت راسه زوجته لازم تجيبها وانت أولى فيها منهم
كان الرجال والعيال جالسين ب المجلس يفطروا
دخل: السلام عليكم
الجد: اررررحب ولد الغالي عليكم السلام
راح له وباس راسه: البقى ي عمي شلونك
الجد: الحمدلله ي طارق وش اخبارك واخبار العيال
طارق: الحمدلله يسلمون عليك
الجد: وراك م جبتهم
طارق: مدارس يعمي بس والله ي عمي جايك اليوم ولي طلب عندك
الجد: اسلم يبوي انت تأمر ما تطلب
طارق: م تقصر يعمي بغيت بنتي نجد
نمر أنصدم هو يدري ان نجد ما تبي تروح معه وعمره ما جا ياخذها او يشوفها
الجد: بس يولدي نجد بيت جدها جالسه ماهي عند الغريب
طارق: عيالكم ي عمي شكثرهم وبنتي ما يصير تقعد بمكان مليان رجاجيل
بو نمر: الله يهداك ي طارق كل البنات موجودين هنا مهي لحالها
طارق: بتحرموني من بنتي يعني بتمنعوني من اني أشوفها واشم ريحتها وغير كذا يعمي أنا ابوها أولى فيها
تنهد الجد :معك حق يولدي معك حق نايف قم علم أمك تنادي نجد
نايف: ابشر/ وقام
تنهد نمر بضيق وتذكر ليلة امس صح معصب من فعلتها بس ماوده انها تروح
دخلت نجد وشافت واحد جالس جنب جدها استغربت منه
الجد: تعالي ي بنتي لا تستحي هذا ابوتس
وقفت مكانها مصدومه
بو نمر : ابوتس يبيتس تروحين عنده
نجد تراجعت ل ورا: مآبي اروح
بو فهد: يبنتي هذا ابوتس و أولى فيتس منا
طارق لما شافها حن لورد تشبه امها حيل لما كانت بشبابها تقدم لها: نجد
طلعت من المجلس ولحقها: نجد يبنتي وقفي
نجد بعصبيه: الحين عرفت ان عندك بنت بعد اييييش وش تبغى مني تبيني استقبلك بالأحضان واقول يا سلام عندي ابو وارقص وادندن غلطان ي طارق سواتك ف امي ماني ناسيتها وعلمن يوصلك ويتعداك ي ولد تركي ماني جايه معك لو على قص رقبتي فهمت/ ومشت عنه
تنهد بضيق ورجع المجلس يحاول ف عمه يقنع نجد ترجع له
دخلت البيت معصبه ودها تفرغ عصبيتها كلها ب اي احد وللأسف انها صادفت سناء
سناء: جيتي ي بنت الشوارع ي نكره ياللي م معروف اصلتس
مسكتها نجد من شعرها: عيدي عيدي م سمعت وش قلتي
سناء صرخت: ااااهههه فكيني ي مجنونه شعررررييي يمممااااهههه
التموا الحريم على صراخ سناء
نجد بعصبية: أجل أنا بنت شوارع أنا مو معروف اصلي ي عديمة الأصل /ورمتها ع الأرض بقوه
ام مازن راحت لها وكانت بتعطيها كف بس يد نمر كانت اسرع: نزلي ايدتس ي خاله وربي بنتس عدل وايدتس هذي قبل لا تمديها على نجد فكري مليون مره/ ونزلها بقوه ومشى
كان داخل البيت يبغى يلبس بدلته عشان يروح الدوام وسمع الصراخ
ام مازن بغضب: هذي ترتبيتس ي سعاد
ام نمر: ولدي مربيته على الحق ي صيته وبنتس غلطت على نجد كثير وهذي مو اول مره احمدي ربتس ان اللي شافتس نمر مب عمي
طلعت فوق وهي ودها تفهم مره يسمعها كلام ومره يوقف معها عجزت تفهمه
مسك عطره ورش منه رشتين ودرعمت عليه نجد
نمر: بنت م تستحين انتي تدرعمين كذا
نجد: خليت الحيا لك ي ولد ثامر
نمر ناظرها بحده
نجد: نظراتك ذي خوف فيها المعتوهه سناء مب أنا ابفهم شي واحد من طلب منك تدافع عني
نمر: حالتس حال سمر والهنوف لا تفكري اكثر من كذا
نجد : أسمع ي بو نقا مالك شغل فيني وأبعد عني ماني أختك فاهم/وجت بتطلع بس وقفها كلامه
نمر: اجل وش تسمين حركاتس حقت امس
نجد: الحركات اللي تقول عنها أنا ماسويها
نمر: وراتس م هرجتي من قبل
نجد: يلعن الساعه اللي مارديت فيها عليك وكلامن يوصلك ويتعداك ي نمر ابعد عني فاهم
نمر: افكر ي بنت طارق
وبدون سابق إنذار جاه كف ما يدري من وين وبعدها سمع صوت الباب وهو يتقفل بقوه
شد ع ايده بغضب بحياته كلها محد مد ايده عليه وبهالعمر بنت تمد ايده عليه
دخلت غرفتها وسكرت الباب بقوه
ام نمر: دام هالبيت فيه نمر ونجد عز الله انه ما بيبقى أبواب  ف البيت
الهنوف شهقت
مدى: شفيييييتس
الهنوف: اشوف عمي طارق
اديم بعدتها عن الشباك تبغى تشوف: شششتتت ابلش وش عنده جاي
الجوري جات لهم تركض : العلوم ي يبنات
همس: هاتي العلوم
الجوري: عمي طارق تخيلوا ليش جاي
ترف: ليش
الجوري: بيغى يأخذ نجد
شهقوا البنات
اديم: والله ان عمتي خديجه ما بتخليها ف حالها
ترف: الله يستر بس عشان كذا نجد اليوم طالعين شياطينها
الجوري: وبعد في علم غيره
همس: هاتي الله يستر
الجوري: نجد كفخت سناء تكفيخ
مدى: تستاااااهل
الجوري: وجت عمتي صيته تبغى تصفعها
شهقت ترف: اييييي وبعدين هاتي العلم مره وحده جالسين نسحب الكلام منتس كلمة كلمة
الجوري: نمر مسك أيد عمتي صيته قبل لا توصل ل نجد وتهاوش معها
الهنوف: اااممممااااا نمر اخوي ما غيره متأكده انتي
الجوري: والله يبنت اقولتس شفتهم ب عيني
ضحكت الهنوف: والله اني مو مستوعبه ابد
مدى: صدمه كبيره
ترف: الظاهر اخوتس طاح ومحد سمى عليه
الهنوف: الظاهر
عند الحريم:
ام فهد: ياصيته صلِ ع النبي مايصير اللي تسوينه
ام مازن اللي مو راضيه تهدا ابد: اجل أنا صيته حرم سيف ورع نفس ذا يمد ايده علي
ام نايف: ما مدها بس مسكها والمسكينه نجد من وين تلقاها منتس ولا من بنتس ما خليتوها ف حالها ابد
ناظرتها بحده بس ام نايف طنشتها
ام فيصل: إلا اقول ي مها فهد وسمر متى يجو
ام فهد: كلمني فهد يقول العشا بيجو
ام نمر: ياشين البيت وسمر مو فيه
ام نايف: معتس حق يوخيتي سمر ملح البيت
عند الرجال
الجد: أقنعها ي ثامر مايصير هذا ابوها
بو نمر: ما بجبر نجد على شي هي ما تبيه يبه كفايه عليها اللي جاها تبغى تعيد مُعاناتها خلها عندنا ولا بغت ذيك الساعه أنا بنفسي اوديها
بو فهد: يبوي كلام ثامر صح وانت أبخص ب طارق واللي سواه ف ورد مو شوي ليتنا عرفنا من قبل
بو فيصل: اي والله ليتنا عرفنا من قبل يلا عيال قوموا كلن ع شغله جالسين هنا لا شغله ولا مشغله
الجد: فصيل سلطان مازن رحوا للحلال
فيصل: ابشر
مازن: ماابغى اروح أنا بروح سوق الذهب اليوم نمر رجع لشغله
الجد: روح توكل المهم م تجلس ف البيت
كانت تتمشى عند الإسطبل وجوالها ب ايدها شافها وابتسم دايم تجذبه البدايه كان يعصب حيل منها بس بعدها صار يتعمد يصدمها لما يشوفها تمشي يحب عصبيتها لما يحارشها يحب رقتها يحب كل شي فيها مشى ب اتجاه الإسطبل بس ناداه نمر زفر ب ضيق وراح له
نمر: وراك ما رحت الشغل
مطلق: شالسالفه خدك احمر من جهه
نمر: مطلق لا تغير السالفه
مطلق ضحك: يخوي في علامة أصابع بوجهك اعترف من صفقك
سحب أذنه :مالك شغل
ابتسم: الحب
نمر مافهم وش يقصد: وش حبه يخوي امش امش
تأفف مطلق: يخوي سيرتك ع كل لسان من اليوم يقولوا مديت أيدك على ام مازن
مسك راسه: يااااكبرها عند الله يخوي انت صاير تجلس عند الحريم واجد؟
ضحك: لا بس عمتي المزن كانت تقول السالفه ل جدي
تنهد: امش اقول امش في خبر عن محسن
مطلق: يلا مشينا
مر الوقت وجا الليل واجتمعوا كلهم بالحوش وزادت فرحتهم بوصول سمر وفهد
سمر اللي من اول م وصلت وهي تسمع العلوم من الجوري : امممااااا عاد كل ذا طافني وينها نجد طيب
همس: تصدقين من الصبح ما طلعت مقفله الباب كل م رحنا لها تقول ماابغى اكلم احد
نجد: ي تسذوب انتي جيت شوفيني
همس: ايييي عشان سميّر ولا احنا مالنا خاطر
نجد: شلونتس يبنت خالي شعلومتس عساتس طيبه
سمر: طيبه علومتس انتي
نجد: ماكله تبن والحمدلله 
**********
محسن: وصلنا ي سعود هات السلاح
سعود مد السلاح له وأخذه محسن
محسن: بس اطلق عليه شغل السياره ونروح فهمت
سعود: فهمت فهمت
دخل المزرعه ويمشي بشويش وشافهم مجتمعين: أوريكم أنا ي عيال سلمان اول شي سلمان وبعدها نمر وبعدها نجد /وضحك/ من قدك ي محسن
***********
نجد: بروح شوي الإسطبل طاحت سوراتي العصر
سمر: تبيني اجي معتس
نجد: يلا يابعد حيي بروح لحالي
نمر شافها وقام وده يتكلم معها
شافهم وراح وراهم كان نمر معطيه ظهره ابتسم ورفع السلاح
نمر: بنت وش عندتس هنا
نجد: مالك شغل
نمر: لي شغل جايه الإسطبل حقي
نجد: من زينه عاد طاحت سوارتي هنا باخذها واروح وانت اشبع ف إسطبلك
لقتها وقامت بس انصدمت لما شافته صرخت: نننممرررر / ودفته بقوه  وجات الرصاصه ف بطنها
وقفوا على صوت السلاح
نمر صرخ:ننننجججددد/ وراح لها وحط راسها بحضنه ومسح على شعرها/ نجد لا تقفلي عيونتس خلتس معي نجد
بلعت ريقها وكانت تتنفس بسرعه: نـ نمر
نمر: شوفي سوارتس لقيتيها تجنن من وين /كان يحاول يكلمها عشان ما تغمض عينها
وصلوا العيال
نمر: مطلق دق ع إلاسعاف نجد اي من وين السواره
نزلت دمعتها وتكلمت بصوت متقطع: هـ دية من من ام امي
نمر: تجنن تدرين نجد نجد خلتس معي لا تقفلي عيونتس / وصرخ / ننننننجججججججددددد
.
.
.
نوقف هنا
رأيكم وتوقعاتكم
لا تنسوا النجمـة✨
الكاتبـة نجـد✍🏻