وأنا جاهل في درب المُحبـين

البارت السادس والعشرين

دخل البيت وهو بينفجر من العصبية وبصراخ:
سلللللمممممى
سلمى كانت عند امها وتبكي اول مره تشوف اخوانها كذا معصبين وخصوصاً متعب اللي جدا حنون عند خواته وما يعرف يعصب عليهم ابد
طلعت ام متعب: جيت
متعب بغضب: وينها
ام متعب: من هي
متعب بصراخ: يمه لا تجننيني سلموه وين
ام متعب بعصبيه: لا ترفع صوتك على أمك
بعد عنها ودخل الغرفه وشاف سلمى تبكي راح لها وسحبها من ايدها وبصراخ: ابفهم شي واحد انتي اخت / وصرخ: انتتتتتيييي اخخختتتتت صاحيه تسوين هاللون ب اختس لو ماتت لو صار لها شي
سلمى وهي تبكي: بس هي خذت بتال مني وانا والله احبه
صرخ: شلوووون تحبييين رجل اختس فهميييننييي هو ما يبيتس هو يحبها وهو بغاها وأخذها انتتتتتييييي شدددخخخللللتتس
سلمى: إنتوا كلكم ما تحبوني ما تشوفوني شي من لما جت وانت طول وقتك معها ولا كأني اختك
ما تحمل كلامها وعطاها كف طيحها الأرض: احمدي ربتس انها ما اشتكت عليتس ي حححمممااااررره لو اشتكت كنتي الحين بالسجن تفهميييين والله وتالله يسلموه ان شفتس تطلعين من هالغرفه ذبحتس ففففااااههمممهه/ وطلع وسكر الباب بقوه
اما سلمى ف كانت منهاره
شيهانه: متعب
متعب لف وشافها تنهد وحاول يكتم غضبه: لبيه
شيهانه راحت له ومسكت ايده: اهدأ يخوي
متعب: هادي تطمني
شيهانه: شصار
متعب: نجد ما اشتكت وطلبت يتسكر ملف القضيه
شيهانه: اقدر اروح أشوفها
متعب: انتظرتس بالسياره/ ومشى
لبست عباتها وطلعت ل متعب وراحوا المستشفى

بيت بو منصور:
العنود: عهود لبى قلبتس يوخيتي سويتي خير يوم انتس وقفتي مع اخوتس ومرته
عهود ودموعها تنزل ندمت انها كانت مع سلمى: ليتني ماكنت معها ليتني سمعت لكم من البدايه
ضمتها: خلاص ياقلبي لا تبتسين والحمدلله نجد بخير
عهود: عادي نروح نشوفها
العنود: اي عادي يقلبي نقومي نجهز وبقول ل هزاع ياخذنا
راحت عهود تلبس عباتها والعنود كلمت هزاع وراحوا المستشفى
بو منصور: عساها طيبه الحين
بو متعب: الحمدلله يخوي ازمه وعدت
بو منصور: وأمسك بنتك ي طارق والله ان نجد متربيه عدل وإلا كان بنتك بالسجن
تنهد هو بعد متضايق من سواة سلمى
_______
في المستشفى
باس راسها وطلع على دخلت البنات
العنود: الحمدلله ع السلامه يخوي
بتال: يسلمتس ربي يوخيتي والله يسامحتس ي عهود وقفتي قلبي وش الحق نجد ماتت
ضحكت: والله خفت والسموحه منك يخوي
باس راسها: ربي يسعدتس يوخيتي/ ومشى
دخلوا العنود وعهود وكان قبلهم موجوده شيهانه
العنود: شالعروس اللي نايمه هنا يبنتي المفروض انتي فالبيت هالحين تسوين فطور ل رجلتس
ضحكت نجد وتألمت: شايفه شلون بعد وش نسوي
عهود: الحمدلله ع السلامه نجد
نجد: يسلمتس ربي يقلبي
شيهانه: اي متى قالوا بتطلعين
نجد: والله يقولوا خلال هاليومين بس يحتاج لي راحه عشان العملية
شيهانه: والله ان بطنتس صامله للحين مره رصاصه ومره سكين بسم الله حولتس وحواليتس
نجد: اي صامله هههههههه
شوي ويدرعموا باقي البنات
لميس: إلا يا بعد حييي ألف سلامه عليتس
نجد: يسلمتس ربي يقلبي
الريم: خوفتينا عليتس عساتس طيبه
نجد: الحمدلله طيبه إلا سلمى أخبارها
هند: كل اللي سوته فيتس وباقي تحاتينها
نجد: تبقى اختي ي هند
شيهانه: هاوشها متعب كثير ومنعها تطلع
نجد: ليييييه
العنود: هذي اللي تبغى احد يصفقها
بوزت: أقولكم تبقى اختي
شيهانه تنهدت: لبى قلبها وخيتي قلبها رهيف ما تبغى المشاكل
نجد: يخي ابغى اطلع طفششتتتتت وفوقها اشتقت اركب ع الأشهب
العنود: لا منتي صاحيه ي نجد ركزي معي لبى قلبتس متأكده ان الاصابه ف بطنتس مب مختس
نجد: نووودددديييي شنوحتس والله ترا أنا بخير وابغى اطلع
العنود: بتتصفقين ترا
نجد: بعلم امي مريم عليتس
العنود: باللهي
نجد: يب يب
عهود: بنات هو البنيه صارت كيوت بزياده ولا أنا يتراوالي"يتهيألي
لميس: لا يقلبي هو صدژ تسذا صارت وتحسينها بيبي صغيّر
ضحكت نجد: شنوحكم
سوسن: يبنتي انتي شنوحتس تخرعين يعني المفروض اللي تبتسين عشان عرستس خرب
جتها لحظة ادراك متأخره ان صدق زواجها خرب نزلت راسها ودمعت
سندس: ليييييه تخلونها تبتسي حرام والله يزينها وهي تضحك
العنود ضحكت: اي هذي نجد اللي نعرفها
نجد حست بألم قوي ف بطنها وصرخت
شيهانه: بسم الله عليتس يقلبي
نجد : ااااهههه يعور يعور شيهانه بموووتتتت ااااههه
كان واقف عند العيال يسولفوا ويضحكوا إلا وسمع صراخها ودخل بسرعه لها وراح من باله ان في بنات على طول ل نجد ومسك ايدها: نجدي يا روحي وش توجسي يقلبي
نجد وهي تبكي من الألم: بطني بتال يووججعع ااههه
ضرب الجرس عشان الممرضه تجي : بسم الله عليتس يقلبي هذا يمكن لان المهدي خلص بسم الله عليتس اهدي
دخلت الممرضه وشيكت ع الخياطه وكانت شوي منفكه لان نجد كانت تتحرك كثير وهي تسولف رجعت ضبطت الخياطه : حاولي ما تتحركي كثير ي نجد عشان الخياطه ما تنفك / وعطتها المهدي وطلعت
طلعوا البنات وبقى بتال مع نجد
نجد: بتال
بتال: لبيه
نجد بحزن: اسفه لان عرسنا خرب
ابتسم لها: نسوي واحد ثاني انتي بس تأمري
ناظرته: صدژ
بتال: اي يقلبي صدژ اجل حرم بتال يخرب عرسها ولا نسوي لها واحد ثاني مايصير
كان بتال معها بالسرير ابتسمت وحطت راسها بحضنه وراحت ف سابع نومه
تنهد براحه لما شافها نايمه ولا بحضنه بعد يحبها حب مايشبه شي ولا له مثيل باس راسها ونام هو بعد
___________
صباح يوم جديد
الكل مجتمع بيت بو منصور عشان يروحوا يزوروا نجد
قد راحوا الحريم والبنات وباقي بس عمامها اللي ما راحوا ف قرروا كلهم يروحوا اليوم يسلمون عليها
والمفاجأه ان حتى ابوها قرر يروح معهم
بو سندس: يخوي تبقى بنتك وزين انك قررت تروح تشوفها
بو متعب اللي بدأ يحس بالندم لان أهملها كثير وبسبب إهماله لها كانت دايم تطيح ف مشاكل
بو منصور: يلا مشينا لا نتأخر
بو سندس: اي يلا
طلعوا وراحوا المستشفى
ام متعب بغضب: ارتحتي الحين هذا هو راح لها بعد ما كنتي البنت المفضله عنده
سلمى وهي تبكي: تكفيييين يمه خلاص كلنا بناته ما تعبتي وانتي تملين راسي على نجد يمه خلاص كفايه تكفين كله منتس بسببتس كنت بذبح اختي كانت حياتي كلها بتضيع خلاص كفايه اتركيييننننيييي/ وطلعت من الغرفه وهي تبكي
شافتها عهود وراحت لها تحس انها صارت وحيده
:سلمى
سلمى: خلاص إذا ودتس ب اهانه مذله صراخ ترا امتليت وندمت قد شعر راسي
ضمتها بقوه: وهذا اللي نبيه ي سلمى هاليودعوه روحي شوفي اختس واعتذري منها والله انها بتعذرتس
سلمى شدت عليها وزاد بكاها
_____
في المستشفى
دخلوا عمامها وسلموا عليها
بو منصور: في مفاجأة لتس ي نجد
نجد: وش هي
بو منصور: ادخل
دخل ابوها : السلام عليكم
ناظرته بصدمه وخوف مسكت أيد بتال وبلعت ريقها
بو متعب قرب منها وباس راسها: الحمدلله ع السلامه ي بنتي
تجمعت الدموع بعيونها وناظرت بتال تحاول تستوعب ان قالها بنتي
بتال هز راسه ب ايه
جلس جنبها: اعترف اني اهملتس كثير واني ما اهتميت فيتس ابد بس والله والله يوم صار لتس تسذا خفت كثير / ونزل راسه: تسامحين ابوتس اللي ملا راسه الشيب وندم
نزلت دموعها وضمته بقوه. وبكت تمنت كثير يكون لها سند وظهر تمنت إذا طاحت تقول عادي لي ابو يقومني
بو متعب ماكان متوقع انها تسامحه نزلت دمعته ندم ع اللي سواه ف ورد وندم ع اللي سواه ف نجد
نجد بعدت ومسحت دموع ابوها: بابا والله والله سامحتك تكفى لا تبتسي
تنهد تنهيده طوويييييله : أصيله ي نجد من يومتس أصيله يبنتي
بتال: اييييي ي عمي معك حق ف النهاية حرم بتال مو اي وحده
بو منصور: شدخلك انت
بتال: رجلها
بو سندس: مايقدر ما يدخل نفسه بالموضوع
بتال: معي حق صح يابعد حيي
نجد ضحكت: صح يا بعد حيي
طير عيونه بو متعب: افااا ي نجد
نجد: يعني اي انت ابوي وحبيبي بس هو زوجي وحبيبي بعد
بتال لما قالت زوجي حس بفراشات بقلبه
نجد: متى اطلع والله طفشت
بتال: الحين اروح اكتب لتس خروج يخسى الطفش يجي لتس/ وراح يكتب لها خروج
بو متعب: مب صاحي ولدك
بو منصور: يعني بنتك اللي صاحيه الحين
بو سندس: الحمدلله على بناتي ههههههه
وبعدها رجع بتال ومعاه الممرضه عشان تشيل المغذي عن نجد: اهم شي ي نجد تنتبهي ل نفسك وما تشيلي شي ثقيل ابد
بتال: ابد لا تحاتي ب أمانتي نجد يلا بسم الله ياقلبي
ساعدها تقوم
نجد: بدخل أغير ملابسي
طلعوا ابوها وعمامها وبقى بتال
نجد: بتال يلا برا
بتال غمز: ماتبين اساعدتس
نجد ب احراج: بتتتاااالل اطلع
بتال: رجلتس ترا عادي شنوحتس
تنهدت: تكفى بتالي
مسك قلبه: يمممهه ااههه م اقدر على تسذا أنا
نجد: يلا ي بتال بنتأخر ترا
بتال: طيب طيب / وطلع
غيرت ملابسها ولبست عباتها مع انها كانت تواجه صعوبه بس تستحي من بتال كثير وبعدها طلعت لهم
مسك ايدها بتال ودخلها بذراعه وساعدها تمشي
بو متعب كان يناظر بنته شلون مرتاحه مع بتال وان بالفعل بتال يستحقها اكثر من اي احد ثاني
وصلوا بيت بو منصور ودخل بتال نجد عند الحريم وهو راح المجلس
سلمى شافت نجد راحت لها وهي دموعها تنزل
نجد: سلمى قلبي وخيتي شنوحتس ليه تبتسين
ضمتها بقوه : اسفه ي نجد والله والله اسفه ما قصدت كان قلبي محروق يوخيتي سامحيني تكفيين والله اني فهمت حبه لتس وحبتس له وفهمت اني غبيه تكفين سامحيني ي نجد
ابتسمت اليوم يوم السعد تصالحت مع ابوها. والحين اختها
باست خدها: مسامحتس وتبقين اختي التسبيره ويشهد علي ربي اني احبتس
بعدت ومسحت دموعها: كيف الجرح
نجد: مابوه جرح وينوه انتي تشوفينوه
ضحكت من بين دموعها : ما اشوفوه
ضحكت نجد
ام متعب تنهدت لما شافت انها بقت لحالها قررت هي بعد ما تسوي مشاكل ل نجد وخلاص تخليها لحالها
نجد: امي مريم وين
ام تركي هي بعد قررت تعدل علاقتها مع نجد : بالمطبخ
كل من كره نجد لما شافوها بوسط دمها بيوم عرسها خاف عليها فهموا وقتها شكثر إنهم كانوا غلطانين بحقها وأنها مالها ذنب ولا سوت لهم شي عشان يكرهونها
وما مر هاليوم إلا والكل معتذر من نجد وطالب السماح منها وهي سامحت لوجه الله والدنيا ما تسوى شي باتسر نفقد لنا احد ونندم ان ما اعتذرنا له
__________
كانت نايمه ودخل هو ومعه حليب نياق ابتسم لما شافها باقي نايمه وراح لها وجلس جنبها وبهمس: نجدي
نجد بصوت مليان نوم: ههمممم
باس خدها: بعد حيي
فتحت عيونها ولما شافت وجهه قريب منها استحت وابتسمت: صباح الخير
طبع قبله لطيفه خفيفه على ثغرها : صباح النور
اشتعل وجهها من الاحراج وقامت بسرعه : كأن الجو حار
ضحك: لا ي عيوني هذا من وجهتس اللي صار احمر
نجد : ءء أنا بروح عند امي مريم أساعدها بالفطور ووو ءءء بروح اجيب حليب من عند عمشه وءء
قطع كلامها حضن بتال: خلتس لا تروحي مكان خلتس بحضني دايم ما ودي تبعدي ولا ودي تختفي من عيني
ابتسمت تحس بالأمان معه وشعور ما تعرف تفسره بس اللي تعرفه انها ما تبي تبعد عن بتال ابد ودها تكون معه طول الوقت
همست: احبك
بعد عنها ورفع دقنها ب ايده و🌚🌚🌚🌚
__________
كان بمكتبه جالس إلا ويجيه اتصال من رقم غريب استغرب ورد: سلام عليكم
: انت نمر ثامر ال..
نمر: اي نعم تفضل
:تعرف سناء سيف ال...
أنصدم: وش عرفك فيها
بدأ يحكيله عن ان اليوم اللي اعتدا فيه على سناء وأنه كان بطلب منها وهي وعدته تتزوجه بس هو انصدم لما عرفت انها تزوجت غيره ف حقد وبغى ينتقم وعن الصور المزوره ل نجد وان نجد بريئة من كل التهم اللي جتها وبعدها قفل من نمر
كان مصدوم صدمة حياته
تذكر لما صدق الصور اللي ما يدري شلون وصلته وتذكر لما كذب نجد ولما قالت له بتعرف الحقيقه وبتطلب مني ارجع لك بس ما برجع وبتندم
خذا مفاتيح السياره وطلع بسرعه ل البيت وده يفهم ويستوعب
وصل وشياطينه كلها طالعه وبصوت عالي هز البيت كله: سننننااااااء
طلعت من المطبخ هي وام نمر والهنوف وكانت مستغربه من صراخه: نمر
مسكها من ايدها وسحبها للغرفه ورماها ع الأرض بقوه وبعصبيه: وش قصة الصور والاعتداء اللي صار لتس ي سناء
انصدمت: و وش تقول انت
نمر بصراخ: تتتكككللللمممييييي
سناء خافت: وش تقول ي نمر ماني فأهمه
نزل ل مستواها وسحب شعرها: الحييين تفهميني وصلني العلم ترا ي سنااااااء تككككلللممميييي
سناء بكت
قام وصرخ بقهر وضرب المرايه اللي ع الجدار وانكسرت وجلس وهو دموعه تنزل: ليه تسوين كذا ي سناء والله والله اني حبيتها وبغيتها حلالي ليييه تفرقين بيننا
سناء وهي تبكي: وانا حبيتك ي نمر حبيتك وبغيتك حلالي لي هي تدخل بيننا
نمر بصراخ: ما حبييييتس أصلا ما بغيتس لي الله يلعن اليوم اللي قررت اني احترمتس الله يلعنننيي يوووم انييي خذيييتس بس تدرين انتي كل ذا ما تستاهلينه اطلعي برا
سناء : نمر لا تكفى ي نمر والله اني احبك تكفى طلبتك
مسكها من شعرها وسحبها لين تحت 'تحت أنظار أهله ' ورماها برا البيت: انتي طالق طالق طالق / ودخل البيت وسكر الباب بقوه
ام نمر ركضت له: يمه نمر شصاير
نمر حط راسه بحضنها وبكى مثل الطفل الصغير اللي يبي حنان امه: ااااهههههه ي يمه اااهههه ضاعت من ايدي صدقت الغريب عليها ي يمه
ما بغت تتكلم وتسأله بس ضلت حاضنته لين هدا وراح غرفته
اما سناء رجعت ل أهلها وهي تبكي وتقول لهم ان طلقها وهي ما سوت له شي
مابغت تفضح نفسها قدام أهلها وأنها رخصت نفسها كثير عشان تاخذ نمر
بس ابوها ما عدا الموضوع على خير وراح لنمر يهاوشه بس نمر علمه بكل شي ورجع خايب ورأسه وصل القاع من فعايل بنته
.
.
.
.
.
نوقف هنا
والسموحه ع قصر البارت
لا تنسوا النجمـة ✨
الكاتبـة نجـد ✍🏻