It's Playtime, Alpha! (Online Game Romance)

021: It's Playtime

THAMINA ⟢
7:30 am

"Excited na ako mamaya sa exam!"

"Ito lang yung exam na excited ako hahahaha!"

"Sino kaya ang mananalo ano?"

"Swerte naman niya huhu,"

Bumuntong-hininga nalang ako dahil kahit nandito na ako sa labas ng classroom ay rinig na rinig ko parin ang ingay ng mga kaklase ko. Everyone is talking about the Recruitment Exam. Mamayang 11:00 am ito gaganapin. Saktong lunchtime para daw makanood ang lahat.

Sa totoo lang wala ako dito sa labas dahil naiingayan ako. Nandito ako para pakalmahin ang sarili ko. Simula ng maipasa ko ang application form ay hindi na ako mapakali. Bigla-bigla nalang bumibilis ang tibok ng puso ko at nanginginig ang mga kamay ko. Hindi ko na alam ang ang nangyayari sakin. Nababaliw na ata ako!

"Blaze! sabihin mo na kasi. Kagabi pa ako hindi makatulog eh!"

Naputol ang moment ko ng marinig ang boses ni Modrad. Natanaw ko naman silang apat na kaka-akyat lang mula sa hagdan at patungo na dito sa direksyon ko.

"Harujusko! may tama ka diyan! kita mo tong mata ko?" wika pa ni Ezron habang pino-point out ang mata niyang ginawang tambayan na ata ng eyebags. "Binahayan na ng eyebags sa sobrang pago-overthink, Alpha! kaya sabihin mo na please!" ani pa nito pero dinedma lang siya ni Blaze.

Anong pinagsasabi ng mga 'to?

"Oh, Thamina! nandiyan ka pala," bungad ni Zero sakin dahilan para matigil ang dalawa sa kakakulit kay Blaze.

Ngumiti naman ako bilang tugon at hindi sinasadyang dumapo ang tingin kay Blaze na nakatingin na pala sakin. Napalunok naman ako at mabilis na binawi ang tingin ko. Tangina naman kasi, ba't ba ganyan siya tumingin? parang tumatagos sa buto. Kainis talaga.

"Ang aga-aga ang ingay niyo ah? anyare ba?" pag-iiba ko.

Narinig ko naman ang malalim na hininga ni Modrad, "Ito kasing si Blaze, ayaw sabihin samin kung sino si V—"

Hindi na natapos ni Modrad ang sasabihin ng agad na siyang niyakap sa likod ni Blaze sabay takip ng bunga-nga niya.

"Sa sobrang ingay mo parang gusto kitang yakapin hanggang sa mag-violet ka," sarcastic na sabi ni Blaze habang ang kamay ay nanatili parin sa bunga-nga ni Modrad na ngayon ay panay ang pagpupumiglas.

Nagpigil naman kami ng tawa na tatlo habang nakatingin sakanila.

"Bitawan mo na 'yan, nag-aagaw buhay na oh!" wika ni Zero at malakas na tumawa.

Agad naman siyang pinakawalan ni Blaze. Si Modrad naman ayon muntikan ng malagutan ng hininga.

"Plano mo talagang patayin ako 'no? tangina ka talaga," mura niya habang habol ang hininga.

"Rami mo kasing sinasabi," tanging sagot sakanya ni Blaze at nauna ng pumasok ng room.

Inirapan naman siya ni Modrad at nag-martsa na rin papasok ng classroom nila. Nakisabay na rin ako sa dalawa sa pagpasok.

Naupo ako sa upuan ko ng saktong dumating din si Maze. Nang makita niya ako ay agad na lumapad ang ngiti niya at panay pa ang kindat nito sakin.

"Napuwing ka ba? kanina ka pa kindat ng kindat diyan," wika ko ng maka-upo na siya.

Natawa naman siya at inilapit ang mukha sakin, "Excited na kasi akong makita kang mag-laro as Viper mamaya," bulong niya.