شكب للكاتبة صفاء حسني حقوق النشر للكاتبة

١٤

قولى عايزة تعرفى ايه وانا هقولك

قطع حديثهم فتح الجد للباب وقال
كدا يا نوفي يعني انا جبتك من ورا ماما عشان تطمنى على عمار من بعيد تروحى تدخلى عنده
اقتربت نوفى من الجد وقالت
ماتخفش يا جدو والله ما تعبت  عمو عمار طلع فاكر اسمى وكمان عارف ماما شكب حتى اساله
فرح الجد واقترب منه ووضع ايده علي وجهه
انت افتكرت شكب بجد يا عمار الحمدلله كنت خايف  عليك والدكتور كان مانع انه نفكرك بيها  لتتعب اكتر   منه لله شمس كان هيتسبب فى موتك وموتها
انت عارف ان ملامحها اتغيرت بسبب الحادثة
كان عمار بيسمع بفضول ويهز راسه ويوهم ابوه انه فاكر
اكمل الجد
كانت شكب بتهرب من شمس وهو كان بيلحقها
وجات عربية نقل صدمت  العربية الا هى راكباها فكسرت كل الازاز  الامامى و دخل فى وش شكب ولما الاسعاف انقذتها وعملوا عملية ليها ادهم صور السكرتيرة اللى كانت شغالة عندك عشان
ماحدش يتعرف عليها والمسكينة فضلت تحت رحمته سنيين طويلة
هز راسه عمار وهو بيجمع الخيوط من حديثهم شوية
لكن هو عايز يفتكر كل حاجه ورد
الحمدلله ان  شمس  مات كابوس وانزاح  يبقي نشكر ربنا ومايهمناىش  ايه حاجه تانى
ابتسم الجد
الحمدلله كان هيموتك يا ابنى وانت بتنقذ شكب منه
بس الغلبانة انهارت وانت تعبان وفضلت معاك الفتره دي ولما انت فوقت وماتعرفتش  عليها خافت تحكيلك لتتعب زى ما الدكتور قال يلا غم وانزاح حمد الله على السلامة يا ابنى
ابتسم عمار وطلب منهم
ممكن ماتعرفوش شكب انى افتكرت
استغرب الاب وساله ليه
تنهد عمار وقال
انا عايز شكب هى اللى تحكيلى لازم ارجعها شكب بتاعت زمان البولجر شكب اللى كانت بتتكلم وبتحكى وكانت فاتحة  صفحة كانت فيها عدد كبير من المتابعين عايز ترجع بقوتها
وتحكى قصتها وكل حاجه حصلت معاها عشان توعى  اي بنت لو  حصل معاها كدة ازاى تتصرف
ابتسمت نوفى
صح والله صح انا موافقة يا بابا عمار انا لما شفتها وهى بتتفرج على نفسها زمان كان نفسي اشفها تانى وهى طالعة زى المذيعات وتتكلم بس هتقنعها ازاى
ابتسم عمار
دى لعبتى
بعد شوية من الحديث وبدا عمار عقله يفوق مع كل ما حد يحكى حاجة
رجعت شكب بعد ما جهزت نفسها وسالته
حضرتك انا راجعت الصفحه بتاعتك هى كانت الاول فى بلوجر كنت شغالة  عليها وبعد كده حضرتك بقيت تسمع مشاكل الناس فيها من اتصلاتهم صح
ابتسم عمار
صح جدا
سالته شكب
طيب ايه المطلوب منى اعمله حضرتك
رد عمار
هتحكى حكاية عيشتها او سمعتيها بصوتك وبعد كده يبدوا المتصلين يتصلوا علي الارقام الا انا احطها على الشاشة
شعرت شكب بخوف لانها  سنيين ممسكتش تليفون او شافت تليفزيونيّ او طلعت فى  عالم السوشيل يا تري اتغير ازاى وكمان هى كانت من اول الناس اللى عملت فكرت البلوجر لكن  دلوقتي سمعت انى بقي فى منصة كتير تيك توك وغيرها  والكل بقي بلوجلر وتنهدت وردت
مش عارفة هعرف ولا لا انا جاهلة فى السوشيل والنظام ده
كشر عمار
اكيد هتهربي ما انتى نسخه من نسمة عايزة مصلحتك وبس ومش مهم تساعدى غيرك
انصدمت شكب وسالته:
ليه بس الهجوم ده حضرتك انا ماغلطش فى حاجة كل اللى قولته ليك خايفة مااكنش اقد الثقة او احرجك  فى صفحتك العجيبة دى وليه مسميهم الاسم العجيب ده
شكابلي
ابتسم عمار وقال:
احكيلك فى واحدة زمان كانت حكت لي ان جدها لم سماها شكب  كان اختاره من اللغة العربية عشان كان شغال فى  مجمع اللغة العربية وكان بيدور على اسم جديد