زياد : واش راك تخلط نتا هبلت ؟؟؟
عماد : لالا راني نهدر واش ني نشوف زياد مروماركيتش روحك...
زياد : اسكت يرحم باباك منيتك نتا علابالك بلي بنات الحومة كامل كي خياتي وتالين وحدة منهم كيما منحبش عليهم منحبش عليها...
عماد : ..بصح....
قاطعو زياد : بلا متكثر الهدرة
غير سمعت هدرتو تبسمت بإستهزاء زعما واش كنت نسناه يقول تنهدت وطلعت لدار محبيتش نزيد نسمع كثر اصلن عندو الحق يعتبرني كي ختو بصح مفهمتش علاه تقلقت ياك نورمال دخلت لدار بدلت حوايجي محبيتش نتعشى رحت قعدت شوية مع مها امبعد رحت نرقد غدوة نبكر.
..................
****** رهف تحكي ******
مور ما وليت مليسي رحت ديراكت نرقد محبيت نخمم فحتى حاجة
بديت نفطن حسيت بيد حنينة جوز على وجهي ومرا مرا توشي شعري ...فتحت عينيا طلعت راسي ...لقيتها ماما تبسمتلي رجعتلها التبسيمة ...
مريم : مسلخير الفنيانة.
رهف : مساء نور ماما
مريم : هيا بنتي روحي اغسلي واهبطي تتعشاي
رهف (تبسمتلها ): ...اوكي ماما
غير خرجت ماما دخلت رغد قعدت قدامي فلبونك خزرت فيا شوية وهدرت
رغد : رهف راكي مليحة ؟
رهف : صفاا
رغد : مزالك مقلقة من واش قالت سلسبيل ؟!
رهف (ساكتة ): .........
رغد : رهف مديريش عليها ...بالاك تكون تكذب متعرفي بالاك....
رهف : رغد صايي مانيش حابة نهدر عليه حابة ننساه حبيت نبعد عليه ...
غلبوني دموووعي.
رهف : عييت والله حبيتو ومزالني نحبو لوقتااه رغد ؟؟؟ ااه حتى نحضر عرسو ؟؟ كل خطرة نسمع راه مع وحدة كل خطرة قلبي يتحرق بزاااف عييت
عنقتها رغد وتمسح على شعرها
رغد : يااروحي انتي خلاص متبكييش امسحي دموعك ميستاهلش تبكي عليه....
رهف : نغسل وجهي ونجي ...
رغد : اوكي انا نحبط نسناك للتحت ....
تفكرت هدرت سلسبيل كنت قاعدة انا ورغد فكلاصة حتى جات عندي هي تقرا معايا بصح ماشي من حومتنا ملحومة لفوقانية
سلسبيل : رهف معليش نسقسيك
رهف : وي غير الخير
سلسبيل : عندكم فلحومة واحد اسمو عماد يخدم في قاراج تع طونوبيلات ؟؟
رهف : ااا...ايه...علاه !!
سلسبيل : ااا هو يعني تعرفت عليه فأنسطا و...حبينا نتلاقاو ...
VOUS LISEZ
انتِ لي 🕊💜
Romanceلحكاية راح تكون بزاف شابة نتمنى تبعوها وتعيشو كل تفاصيلها 🥹👌🏻 واكيد راح تكون باللهجة الجزائرية 🩵
