انتِ لي 🕊💜

الحلقة 47

نجوى : المهم..يما هذاك هو لعشية نروحو ليماها..ان شاء الله برك نلقاو تالين فالدار..

حكيمة : ان شاء الله يابنتي...

زياد : شكون هذي لي تروحو..عند.يماها..؟

دعاء : سيف الدين وليد...طاطا لمية عجباتو..تالين وراه حاب يخطب..

زياد (بقلة صبر) : ههه..والله اسيدي..

نجوى : وعلاه واش خصها..خموس عليها..

زياد : عندك الحق..الله يبارك..مام انا مقلت والو..

خرج مدار مرنك كامل..لجن لكحل داير بيه..كل خطرة..يهدر عليها واحد..كل خطرة يخطبوها..كره حيااتو...ركب في طوموبيلتو..وقلع بقى يسوق وتخماامو بعيد..خبط لفولو بيديه...

زياد : ياار** كل خطرة هكا دك نحبس ق*** فدار انا ولا واش ندير..

رفد تيليفونو عيطلها..مطولتش وريبوندات عليه...سقساها وين راهي..قاتلو الخدمة..قلع ديراكت لعندها..لحق عيطلها تخرج..
زياد : راني برا..اخرجي...

بقا رايح جاي..حتى شاافها خرجت..راحت تجري عندو..باسكو حسباتلها كشما صرالو..حالتو مكانتش تعجب..

تالين : زياد واش كاين..كشما بيك..؟!

للحظة الغضب لي كان فيه..كامل طفى وقت شافها قداامو..وشاف خووفها عليه..زياد قدامها..تتبخر كامل قوتو..ويطيح قنااعو..قدامها زياد طفل صغير..تالين بابنسبة ليه..عالم اخر...حبو ليها وعشقو..وخوفو وغيرتو عليها..كلش يبين بلي هي نقطة قوتو..ونقطة ضعفو فنفس الوقت...

زياد : عندك خدمة دك ؟؟

تالين : ااه..ايه..بصح واش كاين قولي..متحيرنيش عليك..

زياد(تبسم) : مكاين والو حبيت نشوفك برك..

تالين : زياد..نعرفك..ديجا من صوتك..وخزراتك باين بلي كاين حاجة..

زياد : يعني....

كان راح يهدر..حتى خرج لؤي..وجا عندهم..شاف في زياد ملفوق للتحت..وهدر موجه كلامو لتالين..
لؤي : تالين..واش راكي ديري هنا..

تالين : ااه..دك شوية نجي..

زير على قبضة يدو..عروقو بداز يبانو..غير شافتو تالين..حكمتلو يدي..علابالها لوكان يفقد السيطرة..راح يدير حاجة..همستلو بلعقل..
تالين : تعيش زياد..

لؤي : ههه...ااه فكرني في اسمك..

زياد ( ضحك بقلة صبر ) : ههه....كي تكملي عيطيلي..
هزتلو براسها ايه...

لؤي : متشقيش روحك..راح نجيبها انا..

دار عندو زياد..بلعقل شاف فيه بتحدي..وقال..
زياد : اذا شت روحك راجل..وصلها...

هو غير كمل هدرتو..دخل فيه لؤي بدبزة..وزياد.ردهالو..كبرت بيناتهم...وتالين تحااول تفك..بصح والو حتى جاو..لي زاجو لي كانو واقفين ثم..بعدووهم على بعض..لؤي ينهج..حاب يقتلوو..على لهدرة لي هدر..وزياد النار شاااعلة فيه..