انتِ لي 🕊💜

الحلقة 40

دخلت تجري..ودخل حتى هو موراها..راحت عند يماها..لقاتها فصالو..مع باقي لعايلة..شلفوها تلهث هكاك..وباينة مخلوعة...ناضت عندها يماها..مستغربة من حالة بنتها...

جميلة : واش بيك..لجين واش صرا..؟!

حكيمة : خير..علاه..حالتك راهي هكا..؟!

لجين : بابا..راه مريض..مهدي قالي هذاوين...ولازم نروحو نشوفوه..

ليلى : كيفااه...واش بيه..واش صرالو..؟؟

لجين : معلاباليش...لازم نروحو..ودك يلحق مسطفى باسكو عيطتلو..

بقات ساكتة..مهدرت حتى كلمة...غير تشوف فيهم كيفاه خايفين عليه..وحابين يروحو يشوفوه..تبسمت بهدوء..هي عمرها محرشتهم عليه..لعكس كانت تشجع فيهم..يروحو ليه..ويحاولو يسامحوه..

جميلة : روحو..وجدو رواحكم..قبل ميجي مسطفى..

راحت ليلى تجري..توجد روحها...

لجين : ماما..انا راح نروح..نجيب حوايجي..ونروح مع مهدي..راه يسنا فيا برا..

جميلة : مزالو برا..؟!

لجين : ايه..

خرجت ليه جميلة...شافتو واقف فساحة...ويسنى غير شافتو تبسمت..كبر وولا راجل..الله يبارك عليه..وقت شافها عرفها ومعرفهاش..بصح وقت قالت اسمو..تأكد لي هذي..هي مرت عمو خليل..اصلن متبدلتش بزاف..زينها مزالو كيف قبل..برك علامات لكبر بانو على وجها...

جميلة : مرحبا بيك وليدي مهدي..

قرب سلم عليها...
مهدي : يعيشك..خالتي جميلة..

جميلة : ههه..مزلت شافي عليا...

مهدي : ااه..ايه..اصلن متبدلتيش بزاف..

جميلة : ربي يجيب الشفا..ان شاء الله لمريضكم...

مهدي : ان شاء الله...

جميلة (تبسمتلو) : رد بالك..على لجين...راهي امانة..

مهدي : متخافيش..في عينيا..

جميلة : طريق سلامة مالا...

دخلت وخلاتو...شوية وكانت لجين واجدة..اصلن دات شوية حواايج برك..ورفدت شوية..دراهم وخرجت...تلاقات بليلى حتى هي خاارجة..كانت وجدت..

لجين : ليلى..اسناي مسطفى يجي وارواحي معاه..

ليلى : ايه..دك نعاودلو..نشوف وين راه...

قبل متكمل هدرتها كان دخل...خرجت لجين..وهو دخل يجري...فهماتو ليلى..لي صرا..راح باه يرفد صوالحو..وليلى قعدت تسنااه فصاالو...

..................................

****** فارس يحكي ******

لبارح خدمت فليل...جيت صبح ميت لدار...رحت رقدت شوية..مور مفطنت قلت نهبط للتحت...مع جيت هابط..شفت نجلاء طالعة فدروج..ومهبطة راسها..مشافتنيش اصلن..حتى خبطت معايا..قاتلي اسمحلي وكملت طريقها...جبدتها عندي..طاحت عيني في عينيها..كانت تبكي..مفهمتش واش بيها..مخلاتنيش حتى نهدر..سقسيتها..راحت وخلاتني..مفهمتش واش بيها...جيت راح نتبعها..نفهم واش بيها..بصح محبيتش نكمل عليها...قلت امبعد نروح..ونهدر معاها..كملت هبطت للتحت..لقبتهم مجمعبن فصالو..ليلى قدامها كابة ولابسة..وماني تهدر معاها..