****** تالين تحكي ******
ديجا جازت سمانة ملي جيت للبلاد حتى الحومة متبدلتش كلش باقي في بلاصتو وين مندور وين منخزر عندي ذكريات وخصوصا دارنا كل تركينة فلبيت عندي فيها ذكرى مع بابا الله يرحمو احيانا كي نشوف ماما نندم لي وافقت نروح لأمانيا ونلوم روحي كيفاه خليتها في وقت لازم نكون جنبها اما كي نشوفها فرحانة لنجاحاتي نقول الحمد الله رحت وكملت قرايتي بالاك لوكان قعدت هنا نفشل و منحبش نكمل في هذ السمانة مكنتش نخرج ولا بلأحرى محبيتش نخرج منها كنت عيانة ونحب نسترجع قوتي منها منحبش نخرج ونواجه ذكرياتي بصح لوقتااه راح نبقى هكا !! وانا وسط تفكير قاطعني صووت اختي
مها(بإستعطاف) : تالين تلعبي معايا !!
تالين : هههه شووف كيفااه دير بعينيها اكيد نلعب معاك
تبسمت لها ورحت نلعب معاها شحال توحشتها وتوحشت ريحتها وقت ولدتها امي انا كان عمري 10 سنين حبيتها وتعلقت بيها كي بدات تلعب مكنتش نخرج نلعب مع لبنات كنت نظل فدار معاها وطار عقلي وقت قالت اول مرة اسمي كانت احلى تاالين نسمعها في حياتي اما الظرووف مسمحتليش نبقى معاها لهذ الوقت جوزت 7 سنين بلا بيا هي تلعب وانا نساير فيها ونخزرلها انا وهي تقريبا عندنا نفس الشبايه شعرنا اسود وطوويل وبشرتنا بيضة انا عينيا عسليين وهي كحولة كي حبة الزيتون ملامحنا تشبه بعض خصووصا الانف لصغير والفم المرسوم وحنا وسط اللعب دق الباب رحت باه نفتحها قابلتني طفلة صغيرة جي في عمر مها
كوثر : صباح الخير طاطا
تالين : صباح نوور ياحلوة اما انا مش طاطا هههه
كوثر : ....سمحيلي
تالين : ههه لالا عادي تقدري تعيطيلي تالين
كوثر : اسمك شباب ....وحتى انتي شابة
تالين : ياعمري مشاء الله عليك حتى انتي شاابة واش اسمك
كوثر : اسمي كوثر انا صاحبة مها
تالين : كوثر اسمك شبااب هيا ادخلي مها لداخل
تبسمتلها عجبتني الطفلة هذي مشاء الله صغروونة اما تعرف تهدر ولسانها عسل
تالين : انتي بنت من يا الشابة ؟
كوثر : انا ...
قاطعتها مها
مها : هذي اخت نجلاء
تالين : ااا الله يبارك
مها : هيا كوثر ارواحي نحلو التمارين تاعنا
دخلو راحو لغرفة مها وقعدو يحلو فالتمارين تعهم
نجاة : تالين خصني شوية قضيان تهبطي تشريلي !!
للحظة كنت راح نرفض اما بزاف عليها تعبت بزااف هذ اليامات ومحبيتش نزيد نتعبها اكثر
تالين : وي ماما دك نهبط
لبست حوايجي وزدت ملفوق فاست كان لبرد شووية سقمت شعري وخرجت
VOUS LISEZ
انتِ لي 🕊💜
Roman d'amourلحكاية راح تكون بزاف شابة نتمنى تبعوها وتعيشو كل تفاصيلها 🥹👌🏻 واكيد راح تكون باللهجة الجزائرية 🩵
