انتِ لي 🕊💜

الحلقة 41

فارس : مدام الدار فيها رجال..ولهدرة ولات هكا..راح نتزوج نجلاء...والراجل يحل فمو...

حلو كامل فمهم..هدرتو خلعتهم..لعبت بيها الارض..كي سمعت واش قال...
ليلى : ااه...كيفااااه..فارس هبلت..

نجوى : كيفاه..؟! فارس..واش..راك تقول..

فارس : ...غدوة راح نعقدو...

نجلاء : مانيش قابلة..مانيش حابة تشفق عليا..صحيتو..لي درتوه معايا يكفي ويوفي..

فارس : واحد مراه شافق عليك..هكا ولا هكا..راح تبقاي هنا..والهدرة خلاصت غدوة ان شاء الله نعقدو..

حكيمة : فارس عندو حق..هكا راح تقدري تكملي..حياتك..وتكوني الاز..

الكل بقى مخلوع من هدرتو...بصح هو دا قرارو وحاجة..متقدر توقف فطريقو..قرر يردها..على اسمو..وخلي لي حب يهدر يهدر..فالاول نجلاء تصدمت..ورفضت بصح فالاخير قنعها...ليلى قريب تتغاشا ملي تسمع فيه...قلبها يوجع فيها..راهي تشوف حب حياتها..راح يتزوج بغيرها..قدام عينيها...جا مسطفى بعد مكان..لم حوايجو...خرجو مع بعض..ودمووع في عينيها...طول طريق..وهي دايرة للكارو وتبكي...مسطفى حسباتلو راهي تبكي على باباها..ومقلقة عليه...

مسطفى : ليلى..راح يكون بخير..هدي روحك..

ليلى : ااه..ان شاء الله...

نولو عند نجلاء وفارس...شاف معاها..نحالها لكابة من يدها...
فارس : هيا..اطلعو ترجعو حوايجكم..لبلاصتهم...

نجلاء : بصح..

فارس : نجلاااء...خلاص..

هبطت راسها..ميتة بلحشمة..حطها فموقف..تمناات تنشق الارض وتبلعها..حشمت منو ومن عايلتو..خصوصا امو...مع انها مهدرت حتى..حاجة لا رفضت..ولا وافقت..طلعلها الكابة للفوق..جا رايح..حتى حبسااتو...بهدرتها...

نجلاء : فارس...

دار ليها..وتقابلت العينين..عينيها لي بلون الاخضر..تتخللهم شوية حمورية..ملبكى..مع عينيه..العسليين لي يسحرو..اي واحد يشوف فيهم...

نجلاء : فارس..مراكش مجبور دير هذ الشي..يعني..

قرب منها..حط يدو على فمها..يسكت فيها...
فارس : نجلاء..نعرف لي انا مانيش مجبور...بصح ديري فبالك لي صرا...كان راح يكون ليوم ولا غدوة...

راح وخلاها..حايرة في هدرتو...دخلت للبيت..تسقم في حوايجهم..تبسمت عجبتها وقفتو معاها...وكيفاه مقبلش عليها..ودافع عليها..قدامهم كامل...لحقت بيه حتى يقول بلي..حاب يتزوجها...