انتِ لي 🕊💜

الحلقة 49

حسيت لحمي تشوك...صوتو هذا هو...درت نتأكد...الخلعة حكمتني وقت شفتو قدامي...كيفاه..عرف بلاصتي..كيفاه عرف بلي ني نخدم هنا...الدم نشف فيا...

اسيل : اكرم...

قرب عندي..وهو يتبسم..والفرحة تخرج من عينيه..وانا وجهي..صفااار...لحق عندي..شاف فيها وقالي..

اكرم : اسيل ..صفا..؟! راكي مليحة..

حاولت منبينلووش خوفي..مالقري وجهي ولا صفر...ملخلعة..
اسيل (تبسمت فوق القلب ) : الحمد الله وانت..

اكرم (تبسم) : كي شفتك وليت بخير..

اسيل : ايهيه..المهم انا لازم نروح هذاك هو..لوقت..

حكمني من يدي..جبدتها منو بزرب...
اكرم : اسيل..واش بيك..عندنا قريب..عام متلاقيناش..تتصرفي معايا هكا..ووتقوليلي نروح ديراكت..علاه راكي تهربي مني..

اسيل : مانيش نهرب...صح لازم نروح..

قطعت طريق...نزرب في خطواتي...لحقت لوين يركبو..كنت راح نركب..حتى نسمع صوت فراان قوي...طليت..نلقى اكرم مرمي فالارض..دمو معبي الطريق..وطونوبيل حابسة بعيد شوية عليه..مول الطونوبيل هبط والناس تلمت علييه...قربت منو بزرب...عينيه كاانو يتغمضو بلعقل..وقت شافني تبسم...روشلي بيدو..هبطت لمستوااه...دمووعي بداو يطيحو..لحالة لي شفتو فيها..خلاتني نشفق عليه..دموعي ماشي دموع خوف وحب..كانو دمووع شفقة غااضتني حاالتو..هبطت لمستوااه..شاف فيا..تبسملي وهدر..

اكرم (يحاول يهدر بسيف) : نحبك اسيل..اسمحيلي..على كلش..نحبك..

اسيل : اشششت..اكرم خلاص اسكت....

كمل هدرتو..ونصرع..تحسست نبضوو كان مزالو حي...يعني نصرع برك..

الراجل( لي خبطوو) : والله مشفتو..هو قطع بزرب..ياااربي واااش هذااا...

اسيل : عيطو لومبيلوونص...

تفكرت مسطفى...عيطلو ديراكت..وقتلو يجي...لحقت لومبيلوونص..رفدااتو...بقيت نسنى...موراها ب عشر دقايق لحق مسطفى...جا يجري عندي..اصلن وين يخدم قريب ليا..يعني دقيقة يلحق..هذ اليامات مزالو هنا..صبح ديجا جيت معاه..راح يفري وحد الاورق..لحق عندي..هبط بزرب عندي...مخلوع ويسقسي فيا..وانا وجهي صفر....والصدمة مزال مأثرة فيا...

مسطفى : اسييل..صفا..مصراالك والو..راكي مليحة...؟!؟؟

اسيل : صفا صفا...بصح..

مسطفى : واش صرا..شكون لي خبطاتو طونوبيل..تعرفيه..؟!

اسيل (تهدر بخلعة) : اكرم..اكرم جا..وهدر معايا..و..