انتِ لي 🕊💜

الحلقة 42

بعد طريق طويلة...لحقت الطونوبيل تع مهدي..للقصر غير شافو...العساس راح يجري..يفتحلو الباب...دخلو للداخل..كانت حيزية وسليمان وسلمى..يسناو فيهم عند..الباب هبطو مطونوبيل...سلمت عليهم لجين..وحتي هو..سلم على راس يماه..وباس يد مانو وجدو...تبسمتلوو..حيزية..

حيزية : الله يرضى عليك ياوليدي...

مهدي :  امين..ماني...

لجين : ..خليل..وين راه..وكيفاه رااه..؟؟!

حيزية (تبسمت) : ادخلي راه فبيتو..لفووق...

طلعت تجري...رايحة تشوفو..دقدقت لباب...مسمعت حتى صوت..فتحتها بلعقل..شافتو متكسل في فراشو..قربت منو..بخطوات رزان..كان راقد...ومغطي تبسمت..وقت شافت وجهو..بقات مركزة معاه..عندو ملامح مشتركة هو..ومسطفى حطت يدها على راسو..حساتو سخون شوية...بقات جوز في يديها..على شعرو..لي نصو بدا يتحول للون الابيض..

لجين : لوكان تعرف شحال نحبك...بصح منقدرش نقولهالك...تعرف علاه..باسكو لدك..قلبي يوجعني..كي نتفكر بلي عشت بلا اب..طوول هذ السنين..

تنهدت..باستو من راسو وخرجت...هي غير خرجت..شافت خلود قدامها..(بنت عمها محي الدين عرفتهم فوحد البارت..كان فيه دار عم لجين) تبسمتلها..تحسها عاقلة..يعني ماشي كيما لباقي...

خلود : مرحبا بيك..لجين..

لجين : يعيشك..

خلود : متخافيش عليه..مقبيل برك عطيتو دوا..دك راه راقد..

لجين : صحيتي خلود...

خلود : بيتكم واجدة...ماني قالت ل امينة..تسقملكم لبيووت..

لجين( تبسمت) : merci

هزتلها براسها برك وتبسمت معاها..راحت لجين..تريح شوية في بيتها...دوشت وريحت شوية..امبعد خرجت..رايحة لبيت باباها..تشوفو...اكيد دك يكون فطن..دقدقت فباب..وهذ الخطرة جاها صوتو..

خليل : ادخل...

غير دخلت..الفرحة بانت في وجهو..وتبسم ديرااكت..قربت منو..بلعقل وقعدت فلكرسي..مقابلاتو..

خليل(تبسم) : حسيت بيك..كي دخلتي قبيل مالقري كنت دايخ وراقد..بصح شميت ريحتك..وعرفت بلي نتي..لجين بنتي...

لجين( عينيها غرغرو بدموع) : انا...كنت..

فتحلها يديه...رمات روحها ديراكت في حضنو..بلا متخمم..دموعها طااحو..بقى يجوز في يدو على شعرها..ويتبسم..فرحان بقربها منو...

خليل : خاوتك مجاوش..؟!

لجين : راهم جايين..انا ومهدي..سبقناهم..

خليل : مممم..

لجين : خليل..علابالك..خفت عليك بزاف...

خليل : متخافيش..راني مليح..وبشوفتك وليت احسن..