انتِ لي 🕊💜

الحلقة 22

****** عماد يحكي ******

كنت غارق فلخدمة...اصلن هذ اليامات...لاشارج بزاف..سورتوو كي دخلت سلعة جديدة...مالا مولاش عندي لوقت كامل...شفت طفل صغير...دخل للقراج يجري...هذا وليد..عمي صالح...كان يلهث...

عماد : واش بيك انس...واش كاين؟!.

انس : واحد ..راه يقلق في رهف ورغد..مخلاهامش يجووز...

عماد : كيفاااه...وين رااه ؟؟!

انس : قدام الليسي...

عماد : ابقى هنا...دك نولي

غير سمعت هدرتو خرجت نجري...حالف نقتلو...غير لحقت لثم...شفتو ملبعيد...كان قاطلعهم الطريق ويتمايل...وحدو وحدو...الجن حكمني...ليوم واحد ما يسلكو من يدي...شفتو حط يدو عليها...غير وصلت ليه دورتو عندي...خبطتوو بدبزة طاح فلرض حكمتو وبقيت نضرب...معرفتش اصلن كيفاه راني نضرب فيه...عينيا تعماو ملغش...كيفاه يتجرأ ويمسها...بقيت نضرب فيه...كي لمهبوول...حتى طاح فالارض....مقدرش ينوض..جيت راح نكمل عليه....بصح قربت مني بزرب...وشدتني...

رهف (كانت تبكي) : عماد..خلاص قتلتوو...

الغش لي كان فيا وااحد ميقدر يطفييه...كنت حاب نقتلو...الناس تلمت..تفرق فينا...هي لي دموعها محبسوش...ناض هذاك الجان بلعقل...غير وقف على رجليه هدر...

الجان : راح تخلصها غالية...

جيت راح نروح نكسرلو فمو...شدوني الناس لي ثم... شفت راح يمشي ويتعكل...دورت عينيا ليها كانت مزالت تبكي...ورغد معنقتها...

عماد : امشو..نوصلكم لدار...

قربت منها...عينيها كانو حمورة ملبكى...
عماد : رهف...شوفي فيا

طلعت راسها...تبسمتلها نطمن فيها...
عماد : ...شششت صايي متبكيش...مصرا والو...

حسيتها هدات شوية...كنا رايحن لدار...حتى نحس بيد شدتني...درت نلقاها...سلسبيل...

سلسبيل : عماد..لازم نهدرو...

شافت فينا رهف...كانت سلسبيل مزال شادة يدي وتخزر فيا...نحيتلها يدها...وهدرت...

عماد : معندنا منهدرو....

سلسبيل : عماد...اسمعني برك...

رهف : ...رانا رايحن...معليش عماد...يعطيك الصحة...

شفت فيها...كانت تهدر بغصة تع بكى... شغل حاجة خانقتها...طاح مني النص...كي شفت حالتها..

عماد : اسناي رهف....

درت عند سلسبيل...لي مزالت تخزر فيا.....
عماد : ..........

..........................

بداو يقربو لدار...كانت البلاصة...عبارة عن قرية بصح تبان واسعة...الحقول فكل بلاصة...العنب...البطاطا...البطيخ...حتى من القمح وزرع...كاينين...جوزت عينيها على كامل البلاصة...تبسمت....