انتِ لي 🕊💜

الحلقة 50

سعيد : لازملي زدمة للحومة للتحتانية..

ناض مبلاصتو شا فيه وهدر..
حمزة : هبلت نتا..قالولك حاب صداع الراس انا...

سعيد : لكلبة تع احلام..لقيتها ثم..وراهي تروح مع واحد وتولي معاه..شفتو ليوم داها..

ناض ملكرسي بقوة حتى طيحو...وقف وعينيه حمورة وينهج..صدرو يطلع ويهبط..
حمزة : كيفاااه..واش دا ر** لثم..ااه..

سعيد : لحكاية كيما تعرفها...وجابلي ربي راه مخبيها عندو...

حمزة : تعرف اسمو..؟!..

سعيد : سقسيت عليه هذاوين..قالولي مروان ****..

حمزة (شرع عينيه) : يار** ختك ملقات وين تروح غير لهذيك لعاايلة...

سعيد : علاه..واش كااين..تعرفهم..

حمزة : حنا باه جبدنا على حومتهم..تفاهمنا مع هذ لافامي وتفاوضنا..ادعي ربك منلقاوهش وليد عم زياد...

سعيد : المهم..انا لازم نجيبها..ونقتلها..باه نبرد قلبي..ونقي لعار لي دارتو...

حمزة : ساهل الحال دك..روح لدار لعشية نعيطلك..ونتفاهمو...

سعيد : ايا اوكي..نتكل عليك خو...

راح سعيد لدار..وجد روحو باه يروحو للحومة لتحتانية( حومة زياد)..لعشية جوايه ال 17 عيطلو حمزة..قالو نتلاقاو فلخرجة تع لحومة..رفد معاه موس صغير حطو في جيبو وخرج..دا زوج صحابو وراحو..لقاو حمزة مع زوج رجال ثان...

حمزة : راح نزدمو..بصح ديراكت لدار هذا مروان..نرفدو الطفلة ونخرجو..

سعيد : اصلن هي لي تهمني..لباقي معلاباليش بيه..ومروان هذا حسابو امبعد..

ركبو في طونوبيلاتهم..وراحو لحومة زياد...دخلو حارقين لفرانات...سعيد متوجه لدار مروان ديراكت..وحمزة يتبع فيه...لحق سعيد هبط وبدا يضرب فلباب بقوة..تفتحت دخل ديراكت..وتبعوه لجماعة..كانت رهف فساحة غير شافتهم..تخلعت وبداات تعيط...

رهف : واش كااين...شكون نتوووما..واش جيتو ديرو هنا...

حمزة : عيطي..لمرواان...

دخلت تجري..مخلووعة وتعيط...
رهف : ماما...مرواان..زياااد...اروااحو...

هبط ليها زيااد يجري.لقاها مخلوعة ووجها صفر..
زياد : واش كااين..واش بيك تعيطي..؟!

رهف : كاين وحد الرجال برا..زدمو ديراكت...راهم حابين مروان...

زياد : كيفااع..ادخلي لدار ويالاكي كاش واحد يخرج...

هبط يجري..وهي مورااه..شافهم يهدرو عند الدروج..
مروان : زياد واش كاين..؟!..رهف واش بيك تعيطي..؟!

زياد : اطلعو للفوق دك نشووف واش كاين..

مروان : اصبر..خو نجي معاك..