انتِ لي 🕊💜

الحلقة 19

عماد : ممممممم صواح خاطيني..
قحرلو زياد...قحرة تع مووت...

عماد : هههه واش بيك خو...

زياد : طير من قدامي خيرملي نطويك..

عماد : تروح نضربو دورة...

زياد : مممم

راحو دارو شوية...امبعد راحو للقهوة بقاو يقسرو...حتى جوايه 23...كل واحد فيهم راح لدار....يريح غدوة يصبحو خدامين...
...................

كانت مولية من حانوت عمي صالح...طلعت راسها لمحاتو..تبسمت...غير لحق ليها هدر

مسطفى : صبح الخير....

اسيل : صبح النور...

تبسم حك راسو وهدر
مسطفى : لخطرة لي فاتت مقدرتش نعرف اسمك...نا مسطفى...ونتي؟!.

اسيل : اسيل...انا..اسيل..

مسطفى : الله يبارك...اسمك شباب

اسيل : ههه مام اسمك شباب

مسطفى : ...جيتي عند تالين ياك..باسكو شحال من خطرة نشوفك معاها

اسيل : بنت خالتي

مسطفى : يعني تتشابهو شوية ، انا وليد جميلة عمة رهف و خو لجين و ليلى...

اسيل : اااا طاطا جميلة يماك..؟

مسطفى : ههه تعرفي يما...

اسيل : ايه...عرفتني عليها تالين...الله يبارك معرفة خير ان شاء الله..

مسطفى : ان شاء الله ...ههه المهم انا نروح نخليك...

تبسمتلوو وراحت هي ثان طالعة لدار....

.....................

  _صباح جديد ونهار جديد_

كانو مجتمعين على طاولة لفطور كي العادة...هبط وهو يتبسم... صبح عليهم...وسلم على راس مانو...ويماه قعد جنب اختو...هدرت حكيمة موجها كلامها ليه...

حكيمة : كملت شغالاتك الكل..؟

فارس : وي خلاص..رحت فريت كلش...

حكيمة : الحمد الله...

تبسمتلو وهدرت
نجوى : مزية ياوليدي قررت تبقى هنا...

رغد : مممم مالا راح تزاحمني فماما...

قرصها من خدها وضحك...
فارس : ....ههه غيورة...

عيسى : مالا نقولولك مرحبا بيك فلعايلة مرا اخرى...

فارس : يعيشك...عمي...

محمد : الحمد الله وليدي...دك راك بين عايلتك..

فارس : اوي..هذي هي الحمد الله...

زياد : فريت كلش ثم...؟!

فارس : ممممم خليت صاحبي يكمل وحد الشغل وخلاص...

زياد : هذاك هو...بصحتكم...

ناض باس يماه وختو...
زياد : كشما تسحقي نجيبلك يما...