انتِ لي 🕊💜

الحلقة 34

كان قاعد مع صاحبو قدام البحر..الساعة كانت جوايه 21  تع اليل..يشوف للبحر...ويخمم...تنهد وقت جات صورتها قدام عينيه..مستحيل ينساها..حتى لوكان حب ينسى..مراحش يقدر..دخلت لقلبو وعقلو...كلات تفكيرو ووقتو...سيطرت عليه بالكامل...تبسم لا ارادي...اصلن وقت يتفكرها يتبسم تلقائيا...خصوصا تبسيمتها...فيقو من شرودو...صوت تيليفونو يصوني...كان راح يكووبي...بصح معلابالوش علاه...دار في رايو...شاف فنيميرو..معرفووش...رفد...جاه صوت طفلة....

مروان : الو..وي..

ميس : الو..سلام عليكم...ياك مروان معايا ؟..

مروان :  وعليكم السام... ايه ختي...بصح نتي شكون..؟..

ميس : انا ميس صحبت...احلام..

مروان : ايه...؟؟!

ميس : خويا مروان...احلام ماهيش مليحة..خوها..خرجها مليكول..وراح يزوجها...بواحد كبير عليها بزاف...وهي مراهيش قابلة..

مروان : كيفاااه...واش راكي تهدري..؟!..

شااف فيه صحبو مستغرب ملعيااطو...سقساه بزرب..شاف فيه مرواان وهو يغلي...

هيثم : مرواان واش كااين ؟؟!

مروان : يااز** قالك..خرجها ملقراية..ويحوس يزوجها لوااحد كبير عليها...

هيثم : شكون هذا..و..مفهمتش ؟؟!

مروان : الن*** خوو احلام..

عاود رجع التيليفون لوذنو وهدر...

مروان : وين راهي..دك وعلاه معيطتلييش...؟؟!..

ميس : كانت خايفة..عليك..خافت خوها كشما يديرلك...

مروان : يااارب العالي...صحا دك راهي فالدار ؟!..

ميس : ايه..بصح بالاك تروح دك..باسكو خوها فالداار..وتقدر ديرلها مشكل...انا قتلك باه تعاونها..باسكو حلفت..قالت لوكان يزوجووني بيه نقتل رووحي...

مروان : متخاافيش..موحال تتزوج بيه...

كوبا شااف في هيثم..كان راح يرووح دك لحومتها...بصح حبسو هيثم..ومخلاهش..فهمو بلي الحالة ماشي ساهلة..وقادر يعرض..حياتها للخطر..ويقتلها خوها...تنهد معرفش واش يدير...بقاو يخموو...فلخر شاف فيه مدة.. وهدر...

مروان : راخ نخطفها...

هيثم : كيفاااه..!!!

مروان (تبسم ) : كيما سمعت...

ناض بزرب...رفد روحو وراح...يجري قبل مينوض هيثم...بقى يعيطلو..مسمعووش..معرفش واش يدير..غير يعيط لزياد..هذا املو لخر..باسكو مروان..راح يقلبها سوور..رفد تيليفوون وعيطلو...كوباالو..وعاودلو...

هيثم : الو وي خو..

زياد : وي..صفا..

هيثم : والله الحمد الله ونتا...