انتِ لي 🕊💜

الحلقة 55

مخلاهاش تهدر اصلن كوبا ديراكت...وبقى يغلي..الدم طلعلو لرااس..كيفاه يشوووفها سيف الدين..خصوصا الابتسامة..والضحكة تع سيف خلاتو يجهل ويهيج...ويزيد يغلي اكثر...

راحت تجري عند اسيل...لي كانت قاعدة فلكوزينة...
تالين : اووف..اسيل سلكيييني...

اسيل : واش كاين ياطفلة..؟؟!

تالين : زياد..(حكاتلها لحكاية)..مفهمتش واش بيه..هاكا..

اسيل : اوكي اوكي..بصح بالاكي طوولي..جي عندي خالتو نجاة نفضحك...

تالين : اسيييل..

اسيل : ههه..صايي متخميش..روحي روحي..

رفدت تيليفونها..وخرجت هكاك بلبيجامة..شعرها كوتشوفال...لقاتو يستنى فيها لتحت..كان داخل الطونوبيل..روشلها بيدو تطلع..شافت من ومن..ملقات حتى واحد..راحت تجري..طلعت وغلقت الباب..وهو ديمارا ديراكت..طول طريق ساكتين..حتى هي مسقساتوش لوين رايحين..بقات ساكتة برك..باسكو في وجهو..باين مستوى الغضب لي..راه لاحق ليه...وصلو لشط...تكى على الكرسي وغمض عينيه..شافت فيه مدة..امبعد قاتلو..

تالين : زياد..واش كاين..؟!..واش بيك..

مرجعلهاش..هبط مطونوبيل..تكى عليها..وبقى يتكيف..خرجت موراه..قربت منو...

تالين : راني نهدر معاك..زياد واش كاين...

دار شاف فيها..عينيه ذبلانين..وجهو باين تعبان..تعابير الغضب مزالت في وجهو..والعرق لي فجبهتو..برز..قرب منها..حتى ولاو يتنفسو نفس واحد..

زياد (بحدة) : علاه..خرجتي عندو؟؟!..علاه يشوووفك..؟؟!..علاه تهدري قداامو..؟؟؟علاه تخليه يسمع صووتك..؟؟!

تالين : شكون..هذا..؟!

زياد : لي كان مع فارس..شكون غيرو زعما..

تالين : ااه..قصدك سيفو..

جبدها عندو بقوة..حتى خبطت في صدرو...وبدا يعيط..وهذ الخطرة صح خرج من عقلو...

زياد(يعيط) : كيفااه..سيفو هذي..اااه..كيفاااه تعرفي اسمو...ماام تعرفي متقوووليش اسمو متقوووليش...منسحقك تعرفي حتى واااحد منسحق تقوولي اسم حتى راااجل من غيري انا...فهمتي ولالا...

بقات مخلوعة من تصرفو..ومن عيااطو عليها..وجها صار احمر..شي من قربو..وشي من هدرتو...

زاد قرب ليها اكثر..وقت يهدر..شفايفو يلامسو خدوودها..هذ الشي خلاه..يفقد عقلو..وسيطرتو..وهي خلاها طير لساابع سمااا...

زياد(بحدة) : يعني..خليتيه يشوفك..ويسمع صوتك..

طلع يدو مسلها شعرها...تنهد وهدر...
زياد : خليتيه..يشووف شعرك ثااان..خرجتي هكا..؟؟!

هزتلو براسها لالا...عدة مراات...

بعد مكان يهدر بحدة..في ثانية تحول صوتو..لحنية..وقلبو صار يرعش..شد خصلة من شعرها..وشمها..مزالو يهدر..ويقيس في خدها..