انتِ لي 🕊💜

الحلقة 25

صوت العياط يتسمع...من اخر الحومة...الناس تلمت قدام الدار...صوتها وهي تعيط...يهد الجبال...صراخاتها ترن في اذن...كل واحد راه يسمع فيها...امو تحاول تدخل...تخبط فلباب وتعيط بأعلى صوتها...خرجت لبرا تجري...تعيط وتقول...راح يقتلها..راح يقتلها...ادخلوو كسرو الباب...دخلو زوج رجال جيرانهم...كسرو الباب...غير تكسر الباب توضحت صورتها...كان خنقها بيديه...وهي ترجف...وجها كلو دم...عينيها بدات تتغمض بلعقل...طاحت من يديه مغمى عليها... هو عيونو حمورا كيف النار... خرجوه الرجال ملبيت...جارت ليها امهاا...حملتها بين يديها... تعيط وتبكي..

خيرة : عاونوووني نديها...لسبيطاار عاااونوووني...

رفدها جارهم...حطها فالطونوبيل..ركبت معاها امها وداوها لسبيطار...سناو شوية...وخرج الطبيب..يطمنهم على حالتها...

الطبيب : الحمد الله راهي مليحة...برك لازملها
الراحة..ومتعبوهاش.

خيرة : نقدر نشووفها..؟!

الطبيب : ايه..متخلوهاش تتعب..برك

دخلت تجري عندها...كانت تحرك في يدها ببطئ اصلن قاعدة توجع فيها...دورت راسها شافت امها قدامها...طاحت دمعة سخونة على خدها...شدتلها امها يدها...دموعها بداو يطيحو..غايضتها بنتها...والحالة لي واصلة ليها...

خيرة : علاه يابنتي...علاه ياك تعرفي خوك...علاه توصلي روحك لهذ الحالة...

بقات ساكتة وتبكي بصمت....

خيرة : شكون هذ مروان..؟ وعلاه جا ليك..؟!

احلام : منعرفووش...

خيرة : مزالك تخبي عليه...علابالك خوك شافو...وراح تصرا كبيرة...

احلام(تبكي): ماما...متخليهش يروح ليه...

خيرة : يابنتي هبلتي...شووفي حالتك...شوفي وين لحقك هذ الطفل...ونتي مزال تخمي فيه..وخايفة عليه...

احلام : ماما...متخليهش يديرها...راح تتخلط...والله افهميني...

خيرة : يابنتي واش عندي ندير انا...خوك تعرفيه مهبول..منقدرلوش..

احلام (تبكي) : ..ملازمش يروح ليه...راح يقتلو..

خيرة : نتي ريحي دك...ومتخمي فوالو الباقي..ساهل...

احلام : حابة نروح لدار...

خيرة : دك يكمل السيروم...نشوف مع طبيب يخرجك..

دورت راسها للجهة لوخرة...تبكي تخمامها..كامل عند مروان...خايفة خوها يديرلو كاش حاجة...تعرف خوها تع زطلة..ودعاوي الشر..يعني لوكان يحكمو باينة...راح يقتلو..راهي حابة غير تروح لدار...تعيطلو وتنبهو...مهمتهاش روحها لي همها...مروان ميتقاسش..وميصرالو والو...

..........................

حورية : هههه تبانلي قريب نفرحو بيهم...

نجاة : هه سمحولي نروح نجيب القهوة...اسيل ارواحي عاونيني