انتِ لي 🕊💜

الحلقة 46

ناضت صبح مستريسية كامل..وخايفة باستها..من خدها..محاولة منها انها..تهديها
مريم : متخافيش حنونة..نتي ديري لي عليك ولبااقي على ربي..

رهف : ان شاء الله ماما..

رغد : هففف..والله ني خايفة...

مريم : معندكم علاه تخافو..امتحان عادي كيما لي جوزوهم فليسي...

نجوى : ايواه..ودك هيا كشما تحطو في فمكم..متروحوش هكاك..

راحو يستقهواو..دخل فارس رافد..صاشي كان فيه كيك تع شوكولا لي تحبو..رغد..وكيك تع فراز لي تحبو..رهف..حطو فوق طابلة تبسملهم...وهدر..

فارس : هههه هذي البداية برك..جيبو لباك وراه يسناكم كادو شباب من عندي..

رغد(حضناتو) : ربي يخليك ليا خويا...

دخل زياد وراه حتى هو..باس رهف من راسها..
زياد : هيا مالا افطرو..باه يوصلكم مروان..

طلع فارس لبيتو..بصح هذ الخطرة نسا يدق لباب..(هو متعود يدق لباب..بحكم زواجو من نجلاء على لورق برك..يعني مصرا والو بيناتهم..وزيد نجلاء لدك دير قدامو الخمار..حتى كي ترقد..ترقد بفولار خفيف..على راسها..)..غير دخل قابلاتو...واقفة قدام لمراية..وتمشط في شعرهاا..الذهبي(لونو يشبه الذهبي بدون اي سبغة) طولو...حتى لأخر ظهرها وشوية لتحت..لمنظر خلاه..يبقى واقف وجامد..هذي اول مرة يشوف..شعرها بعد متحجبت..زاد طواال بزااف..وزاد حلى اكثر...بقى يتأمل فيها..مخلوع من القنبلة لي قدامو..قلبو رعش..وسط ضلوعو..وقت لتفتت ليه..توترت خدودها حمارو..قريب يترشقو..مسخانة بدات تشوف يمين ويسار..تحوس على خيمارها..كان من الجهة لوخرة..تع السرير...كانت رايحة تجري..باه جيبو..جبدها عندو جابها..في حضنو...عينيه محبوش يبعدو عليها..وهي ميتة بلحشمة..هذي اول مرة يتوشيها راجل..في حياتها..وشكون راجلها وحلالها...قرب منها اكثر يهدر وهو فعالم اخر..مخدر ملمنظر لي شافو..

فارس : وين كان مخبي كامل هذ الزين..

نجلاء : فارس..انا..

مخلاهاش تكمل هدرتها اصلن..سكتها ب 👩‍❤️‍💋‍👨👩‍❤️‍💋‍👨 ..خلات قلوبهم..دق بقوة...نجلاء قلبها راح يحبس..وهو معلابالوش اصلن واش راه..يدير مش فايق لروحو..عقلو غاب..وقلبو لي راه يتحكم فيه...بعد عليها وقت حس بنفسها تقطع...وجها احمر..مقدرتش حتى ترفدو..وقتها فاق لروحو واش دار...جبدت روحها منو..ودخلت ديرااكت لدووش..لي فلبيت وغلقت لبااب..حطت يدها على قلبها..تتنفس بقوة..احساس قوي وغرييب..تملكها وقت قرب منها...حست روحها فعالم اخر..فيه غير هوما الزوج..كانت هذي اول مرة..تجرب هذ الشي..وحتى هو..اول مرة يجرب...

نجلاء : يااربي..قلبي راح يحبس.. واش لي صرا دك...

اما هو خرج ديراكت...رفد مفاتحو وخرج...ركب فطونوبيل..وقلع يسوق طاير..قلبو مزال يرفرف..مشي لي دارو..حبس قدام الشط..حط راسو على لفولو..تنهد بقوة..