انتِ لي 🕊💜

الحلقة 24

****** لجين تحكي ******

نضت مع الصبح...مكرفصة كامل..لبارح ليل كامل نتقلب..في فراشي...هكذا يصرالي...كي نوالف بلاصة امبعد نبدلها...دورت راسي للبونك لي قدامي...لقيت ليلى مزالت راقدة...دخلت لدوش..لي كان فلبيت...دوشت لبست حوايجي...ورحت نوض ليلى..باسكو نخليها..علابالي جيب الزوج نورمال...

لجين : صبح الخير..

ليلى : ممم صبح النور...

لجين : هيا نوضي...نروح نشوف مسطفى نلقاك كملتي...

ليلى : بففف شحال راهي الساعة..

لجبن : راهي ال 8 يالله...ليلى

لبلى : اوكي..اوكي...

خرجت ملبيت...خليتها باه تنووض...تسقم روحها..دقدقت فلبيت لي مقابلتنا...كانت بيت مسطفى...شوية وفتحلي الباب...

مسطفى : صبح الخير...

لجين : صبح النور...

دخل...ودخلت موراه...

مسطفى : معلاباليش...كيفاه راح يقدر يشوف فوجهنا...مبقى والو دك نتلاقاو بيه...و..

قربت منو حطيت يدي على كتفو وهدت...

لجين : ميهمش...اهم حاجة رانا كيف كيف...خلي يصرا لي يصرا..لي يهم حنا رانا كيف كيف...حنا معاك ونتا معانا...

مسطفى (تبسم ): وليتي تعرفي تهدري..اه

لجين( ضحكت ) : هههه لازم

مسطفى (عنقها ) : وراح نبقاو طول حياتنا كيف كيف...

لجين : ان شاء الله

مسطفى : وين راهي ليلى..

لجين : نوضتها...دك تبدل وجي...

مسطفى : مممم نسناوها مالا...ونهبطو كيف كيف...

شوية...وجات ليلى..هبطنا فدرووج...غير لحقنا..للتحت...كانو كامل قاعدين على طاولة لفطور...معرفنا حتى واحد...من غير الشيخ والمرا لكبيرة.. تع لبارح...

لجين ،ليلى ، مسطفى : صباح الخير...

الكل : صبح النور...

ناضت من كرسيها...وقربت منا...والابتسامة مرسومة على وجها...

حيزية : مرحبا بيكم معانا فلعايلة...جوزو اقعدو..

قعدنا كل واحد في بلاصتو انا قعدت..جنب طفلة وقعدت قدامي ليلى...ومسطفى قعد وسط زوج يجو هكاك قدو...

سليمان : احم...كيما تعرفو كامل...خليل عندو 3 ولاد...وليوم راهم معانا..حبيتكم تعاملوهم كيما تتعاملو مع بعض...راح تكونو عايلة وحدة...كيما ليوم كيما قبل..هوما منا ورافدين اسمنا...ولي صرا فلماضي..راح يبقى فلماضي...

حيزية : ايه..راح نعرفكم بالعايلة..هذا عمكم مختار مرتو...حليمة...وهذو زوج ولادو...محمد و عبد الله..ولي قاعد جنب جدكم...عمكم محي الدين...مرتو الله يرحمها...وهذي بنتوو الوحيدة...خلود...وهذا عمكم جلال...مرتوو سلمى...وعندو زوج ذراري وطفلة...مهدي و أمين.. مكاشهم بصح غير يجو...راح تتعرفو عليهم وهذي بنتو حنان...ولي قاعدة على يساري...هذي عمتكم فريدة...عندها طفل وطفلة..خالد..وسامي...