انتِ لي 🕊💜

الحلقة 39

فاقت نجاة..صبح بكري حست روحها بيان...وحبت تخرج وتروح لدارها..دورت عينيها على كامل لبيت..كانت تالين راقدة..جنب سرير...فوق الكرسي وحاطة راسها على سرير...فليل بعد مراح زياد ودا معاه اسيل..بقات تالين مع يماها..فسبيطار..تبسمت نجاة حطت يدها على شعرها..تحرك فيها بهدووء...بدات تتململ...وتفطن..طلعت راسها شافتها تتبسملها..

نجاة : صبح الخير ياروحي..

تالين : صبح النور..كشما يوجع فيك..؟! راكي مليحة..

نجاة : الحمد الله..ني حابة نروح لدار برك..

تالين : ايه دقيقة..برك دك نعيط ل لؤي ونشوف...

عيطتلو دقيقة جا..قالها تقدرو تخرجوها.....

نروحو لبلاصة خلاف...كانت خارجة مدار الوجهة تاعها..سبيطار باه تشوف خالتها..اذا فطنت ولا نو..شافتو جايز بطونوبيل تاعو..حبس قدامها...هبط الكارو...شاف فيها...

مسطفى : صباح الخير..

اسيل : صبح النور..

مسطفى : اطلعي نوصلك..

اسيل : ااه..لالا مانيش رايحة للخدمة..

مسطفى : لوين ؟؟!

اسيل : عند..خالتو لسبيطار..نخرجوها..

مسطفى : اوكي..اطلعي انا نوصلك..

اسيل : لالا..منشقيكش دك ندي طاكسي..

مسطفى : اسييل...ماشي كل خطرة نضاربو اطلعي ندي طاكسي اطلعي وبلابلا بلا..ياالله...

تنهدت مستسلمة..وطلعت...غير دخلت ضربااتو ريحتها...بزاف شابة وبنينة...غمض عينيه وتبسم...يسيي يتمالك نفسو..هي لي غير طلعت..لطونوبيل ولات بيها..الذاكرة للور...تفكرت اخر مرة..ركبت معاه فيها..وقت جات تهبط...

اسيل : يعطيك الصحة..تعبتك معايا...

جات راح تهبط..شدها من يدها... دارت ليه..شاف في عينيها وهدر...

مسطفى : زعفتي مني..؟!

اسيل : ااه..لالا..

مسطفى (تبسم) : نحسك سبيسيال بزاف...يعني ماشي كيما لبنات لوخرين...منعرفش اما نحس قلبك ابيض..ورحك طيبة وفيك طفلة صغيرة بزااف...

اسيل (تغرغرو عينيها بدموع) : كنت..مسطفى كنت هكا..اما ضرك...مشكيتش..

شدلها يدها..يشوف في عينيها ويهدر..

مسطفى : انا شايف العكس..قدامي ضرك..طفلة صغيرة تحب الحياة..وتحب الناس كامل..هادية وعاقلة..وروحها نقية وطاهرة..

اسيل ( مسحت الدمعة لي طاحت) : لازم نروح...

خرجت ديراكت..غير بعدت..حطت يدها على قلبها..تهدي فيه لأنو دقاتو..تسارعت بقوة...

اسيل : علاه راه يخبط هكا..اووف...لالالا..مستحيل..مستحييل نعاود الغلطة لي فاتت...

فيقها من شرودها..صوتوو وقت قاللها..لحقنا..هبط معاها ثان..سناهم راحو خرجوها..وعاود ردهم حتى للحومة...تشكرااتو...
اسيل : اسمحلي شقيتك معايا...